1 तीमुथियुस 6:19 - सिरमौरी नौवाँ नियम

¹⁹ जै अमीर लोग ऐशै कौरौ, तौ तिनुऐ स्वर्ग दा आपी कारिए सौदा का धन जमा कौरे लौआ। जू कौलोंई हाँईची ना सौकौ औरौ तिनुकै सौदा कै जिन्दगी भैटदी।

Sirmouri

¹⁹ ऐष्णों करियों से हजो खे स्वर्गीऐ धन कोठो करह्, मतल्व तेसी स्वर्गो दा बैजाई ईनाँम भेंट्दा; ईन्दें लई से साच्चा जीवन जीऊँला।

1 तीमुथियुस 6:19 Iomraidhean Croise

मत्ती 19:21

यीशुए तैसीखै बौल़ौ, “जै तू सिध्द हौणौ चांए; तौ जा, औरौ सौब ठुँ बिकैयो आपणा धन गोरीबो कै बांडै दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

लूका 12:33

आपणी जायदात बिकैयो दान कौरे दैव; औरौ आपी कारिए ऐशणै बोटुए बाणौ जू पुराणै ना हौंव, औरौ स्वर्ग दो ऐशणौ धन कौठौ कौरौ जू कम ना हौंव, औरौ जिथै ना तौ चोर जाए सौकौ, औरौ ना ही कीड़ा तिथुखै नाश कौरे सौकौ।

लूका 16:25

पौरौ अब्राहमै बौल़ौ, ओए रै बैटा याद कौर, कै तुऐं आपणै जिन्दगी दी आछी चीज़ौ पैई, औरौ तैशैकैई लाजरे बै बुरी चीज़ौ पाए रैई, पौरौ ऐबै इथै शान्तै पाए लोऐ, औरौ तू पीड़ो दा तौड़पे रौआ।

लूका 16:9

औरौ हांव तुऔं बुलू, कै दुनिया कै पौयसै लैई आपी कारिए दोस्त बाणै दैव, जिथुकै तोंवारै मौरणौ कै बाद ऐजौ गायब हौए जालो तौ सै तोंवारा सौदा कै घोरो दा स्वागत कौरलै।

लूका 18:2

“कोसी नोगरो दा ऐक न्यायाधीश रौंव थिया, जू ना ही पौरमेशवर दा डौरौ थिया, औरौ ना ही कोसी आदमी की परवाह कौरौ थिया।

लूका 18:22

ऐजौ शोणेयो, “यीशुए तैसी बौल़ौ, ऐबै बै तांव दै ऐकी बातौ की कमी औसौ, आपणौ सौबै ठुँ बिकैयो गोरीबो कै बांडै दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

इफिसियों 3:17

ताकि तैसी पांदी बिशवाश कौरणौ कै दवारा मसीह तोंवारै भीतरै हमैशा कारिए बौसै जांव। औरौ हांव प्रार्थना कौरु कै पौरमेशवर कै प्यार दै तुऐं मोजबूत हौयौ औरौ औड़ेयौंदे रौयौ,

फिलिप्पियों 3:12

हांव ऐजा दावा ना कौरु कै मोऐं इनु सौबी चीज़ौ कै आगै दी ही पाए रैई, या मोऐं तैसी सिध्दता कै पाणौ कारिए बैजाए कौचिश कौरे लौए। पौरौ हांव तियौं चीज़ कै पाणौ कारिए आगै बौढ़दा जांदा लागै रौआ ताकि हांव सिध्द हौए जोऊं जिथकारिए मसीह यीशुए मुखै चोणे राए थिया।

फिलिप्पियों 3:14

हांव बौड़ी खुशी शै आपणै मकसद कै ढौबौ दौडु़, ताकि हांव स्वर्ग दा सैजा इनाम पाए सौकु जिथकारिए पौरमेशवरे आमु यीशु मसीह दै बौएदै राए।

1 तीमुथियुस 6:12

युध्द मुंजी ऐक आछै सैनिक कै जैशणा, जू लोड़ाई मुंजी कौलोंई हार ना मानौ, ताखै बै, पौरमेशवर पांदी भोरोशा कौरणा औरौ तैसकै आज्ञा का पालन कौरणा ना छोड़णा चैंई। तियौं सौदा कै जिन्दगी कै मोजबूती शै पाकड़ै पा, जियौं कारिए ताखै बौएदै राए, जोबै बौहितै लोगौ कै सामणै, तुऐं साफ-साफ बौल़ै राए थियु कै तू मसीह पांदी भोरोशा कौरे।

2 तीमुथियुस 1:1

मोऐं पौलुसे ऐजै चिट्ठी लिखै लोए। पौरमेशवरे मुखै इथकारिए चोणे राए की हांव मसीह यीशु का चोणेयौंदा चैला बौणु ताकि हांव लोगौ खै बौताए सौकु कै तैणै मसीह यीशु दै बिशवाश कौरणौवाल़ौ खै ऐजै सौदा कै जिन्दगी दैणौ का वादा कौरे राए।

2 तीमुथियुस 2:19

पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

1 पतरस 1:4

आमै तिनु महान आशीषौ खै पाणौ कारिए आगै कै ढौबौ दैखौ जू पौरमेशवर आपणै लोगौ कारिए राखै राए। तैणै सैजौ तोंवारै खातिर स्वर्ग दौ राखै राए, जिथै सै ना शौड़दौ, ना खराब हौंदौ, ना मिटदौ।