Biblia Todo Logo
Bìoball air-loidhne

- Sanasan -




1 तीमुथियुस 6:14 - सिरमौरी नौवाँ नियम

14 कै तू सैजौ सौब ठुँ कौर जिथु पूरु कौरणौ कारिए पौरमेशवरे ताखै आज्ञा दैय राए ताकि कुणिए बै प्रभु यीशु मसीह कै पाछु आणौ तौड़ी तांव पांदी किछै बै गौलत कौरणौ का आरोप नी लाए सौकौ।

Faic an caibideil Dèan lethbhreac

Sirmouri

14 के तुऐ अमाँरे प्रभू यीशू मसीया के पर्गट् हणों तोड़ी, ईयों अज्ञाँ दी किऐ कंम्मी ने आणों दिऐ, अरह् ईदा नीरर्दोष बंणियों चाला अंदा रंह्।

Faic an caibideil Dèan lethbhreac




1 तीमुथियुस 6:14
28 Iomraidhean Croise  

पौरमेशवर तुऔं आखरी तौड़ी बिशवाश दै मोजबूत राखदा, ताकि जौल़ौ अमारा प्रभु यीशु मसीह औटेयौ पाछु आन्दा, तोलो तुऐं बैकसूर पाए जांव।


सै आपणै लोगौ कारिए मौरे गौआ ताकि सै आपणै सौबै लोगौ कै सिध्द बाणै सौकौ औरौ तिनु सौबी कै आपणै हाजिर दै लाए सौकौ, जिनुमुंजी कुणजाई दोष औरौ बुरी बातौ ना हौंदी; पौरौ सै पवित्र औरौ सिध्द हौंदै।


इथकारिए कै तुऐं जू बातौ भली औसौ तिथका चुनाव कौरणौ कै लायक बौणै जांव ताकि मसीह खै औटेयौ पाछु आणौ कै दूसौ तौड़ी शुध्द औरौ बैकसूर बौणैयौंदे रौंव।


मुखै इयौं बातौ का भोरोशा औसौ कै पौरमेशवरे तुऔं मुंजी किछै आछा काम कौरणा शुरु कौरे राए, सैजाई तैसी यीशु मसीह खै पाछु आणौ कै दूसौ तौड़ी पूरा कौरदा।


ताकि तुऐं ढीठ औरौ भ्रष्ट लोगौ शै भोरेयौंदे दुनिया दै पौरमेशवर कै सिध्द संतानो कै जैशणै निर्दोष औरौ बिना कपट का जीवन जियौं। तुऔं इयौं दुनिया कै लोगौ कै बीच गौयण कै तारै कै जैशणै चौमकौणौ चैंई जोबै तुऐं तिनु सैजा वचन बौतांव जू सौदा कै जिन्दगी दैंव।


पौरौ पौरमेशवरे आपणै बैटै मसीह कै आदमी बाणैयौ औरौ तैसीकै क्रूस पांदी मौरणौ कै दवारा तोंवारा बै मैल-मिलाप कौरौऊवा, ताकि तुऔं आपणै सामणै पवित्र औरौ बिना कलंक औरौ निर्दोष बाणैयौ शामिल कौरौ।


औरौ अरखिप्पुस खै बौलेया, “कै जू सेवा प्रभु दै ताखै सौंपै राए सैजै कामकै पूरै कौरेयौ खत्म कौरेया।”


आमै प्रार्थना कौरु कै अमारा प्रभु यीशु मसीह तोंवारै मन खै ऐशै मोजबूत कौरौ, कै जोबै अमारा प्रभु यीशु मसीह आपणै सौबै पवित्र लोगौ कै साथै औटेयौ पाछु आला, तौ सै अमारै पौरमेशवर पिता कै सामणै पवित्रता दै निर्दोष ठौहरौ।


पौरमेशवर जू शान्तै दैंव आपी ही तुऔं पूरी तरह शै पवित्र कौरौ; तोंवारै पोरे आत्मा, प्राण औरौ शोरीर अमारै प्रभु यीशु मसीह कै औटेयौ पाछु आणौ तौड़ी निर्दोष रौंव।


ओए रै बिशवाशी भाईयों, अमारै आपणै प्रभु यीशु मसीह कै पाछु आणौ कै बारै मुंजी औरौ तैसी सौमय कै बारै मुंजी किछै बौताणौए, जोबै आमै प्रभु आरी ऐकी साथै भैटिंदै।


तोबै सैजा दुष्ट प्रगट हौंदा, पौरौ बाद मै जोबै प्रभु यीशु आला, तौ सै ऐक आदैश कै दवारा औरौ आपणै हौणौवाल़ी महिमा शै तैसी दुष्ट कै मारै दैंदा।


ओए रै तीमुथियुस, ठाणी पा कै तू सैजा काम कौर जू पौरमेशवरे ताखै दैय राए। औरौ ऐशणी भोक्‍ती औरौ मूर्खता वाल़ी चोर्चओं औरौ तिनु शिक्षाओं शै दूर रौया जू पौरमेशवर की साची शिक्षा का विरोध कौरौ, जिथुकै सै गौलत तरीकै शै ज्ञान बौल़ौ।


जोबै यीशु मसीह राजा कै समान शासन कौरदा आला, सै जियुंदी औरौ मौरेयौंदे दुईनै लोगौ का न्याय कौरदा, पौरमेशवर औरौ यीशु मसीह कै गवाह मानैयौ, हांव तुऔं याद दियायौ आदैश दियु।


पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।


पौरौ मसीह दा कुणजाई पाप ना थी, औरौ तैणै आपी खै पौरमेशवर कै खातिर सौदा औरौ आत्मिक बल़ि कै रुप दा भैंट चौढ़ाए दिया। इथ बौजैह शै तैसकौ लोऊ कौथी जादा शौकतीशाली औसौ औरौ अमारै विवेक खै शुध्द कौरौ। ऐबै आमु जियुंदी पौरमेशवर कै सेवा कौरु औरौ तिनु चीज़ौ खै ना कौरु जू मौत कै ढौबौ लैयौ जांव।


तैशैखैई, मसीह बै सिरफ ऐकै बैई बलिदान हौए गौआ ताकि सै सौबी लोगौ कै पापौ खै दूर कौरे दैंव। जोबै सै औटेयौ आन्दा तौ सै पाप कै बलिदान हौणौ कारिए ना आन्दा पौरौ तिनुखै बौचाणौ कारिए आन्दा जू तैसकी ठोल़नाए कौरौ।


इनु मुसीबतौ का मकसद ऐजा दिखाणा औसौ कै का तुऐं सौथीखै पौरमेशवर पांदी भोरोशा राखौ। यीशु मसीह पांदी तोंवारा बिशवाश सूनै दा बै जादा कीमती औसौ। जैशै नाश हौणौवाल़ै सूनै खै आगी मुंजी जांचो औरौ शुद्ध कौरौ, तैशैखैई जै तोंवारा बिशवाश कड़ी परीक्षाओं कै दवारा पौरखै जाणौ कै बाद बै मोजबूत रौंव, तौ तोंवारा बिशवाश तैसी दूसै तुऔं बैजाए खुशी औरौ महिमा औरौ आदर दियांदा जोबै यीशु मसीह औटेयौ पाछु आन्दा।


मैरा मतलब ऐजा औसौ, जिथुकै पौरमेशवर तिनु लोगौ खै जादा सौजा दैन्दा जू मसीह खै छोड़े दैंव बजाय तिनकै जिनुवै तैसी कौलोंई ना औपनेई। तिनु कारिए बड़िया हौन्दौ जै सै कौलोंई ऐजौ जाणदै ही नी कै आपणै जीवन कै धरमी तरीकै शै चलाणौ का, का मतलब हौंव। ऐबै सै जाणौए कै सोही का औसौ पौरौ तिनुऐ पौरमेशवर की आज्ञाओं खै ना औपनेई जू आमुए तिनु दैय रैई थी।


इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।


मोऐं ऐशै इथकारिए कौरे लौ जिथुकै हांव चोऊं कै तुऐं तिनु वचनो खै याद राखौ, जू पौरमेशवर कै बातौ बौताणौवाल़ै बैजाए औगौड़ियौ दी बौल़ै राए थिए औरौ अमारै मोक्ति दैणौवाल़ै, प्रभु यीशु मसीह की शिक्षाओं खै याद राखौ जू तुऔं तिनु चोणेयौंदे चैलै शिखाए राए थी जू तोंवारै धोरे आए रौवै थिए।


ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।


पौरमेशवर तोंवारै रक्षा कौरणौ कै लायक औसौ, ताकि तुऐं सौबै पाप वाल़ै जीवन की बौजैह शै धौखा नै खांव। सै तुऔं महिमा वाल़ै पौरमेशवर यानी आपणै धोरे लाणौ दै औरौ तुऔं निर्दोष औरौ आनन्द शै भरपूर बाणणौ कै लायक औसौ।


शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।


Lean sinn:

Sanasan


Sanasan