1 तीमुथियुस 6:11 - सिरमौरी नौवाँ नियम

¹¹ पौरौ ओए रै तीमुथियुस, तू पौरमेशवर कै सेवा कौरणौवाल़ा आदमी औसौ, ताखै इनु सौबी चीज़ौ कै कौरणौ शै बौचणौ चैंई जू सोही औसौ सिरफ सैजौ कौरणौ कारिए हर तरह शै कौचिश कौरेयौ ऐक ऐशणा जीवन जी जू पौरमेशवर कै आदर दैंव। मसीह पांदी भोरोशा राख, ओकी लोगौआरी प्यार औरौ शराफत शै रौया औरौ कौलोंई बै हार नी मानैया।

Sirmouri

¹¹ परह् हे पंण्मिश्वर के जंण, तू ईनू बातो शा भाग, अरह् धर्म, भगत्ति, बिश्वाष, प्यार, धीरज, अरह् नंरमाँऐं पाछी पड़।

1 तीमुथियुस 6:11 Iomraidhean Croise

रोमियों 14:19

इथकारिए आमु हमैशा तिनु बातौ कै कौचिश कौरणै चैंई जू शान्तै की बौजैह बौणौए, जिथलैई ऐकी दूजै कै मौदद औरौ बिशवाश मोजबूत हौंव।

1 कुरिन्थियों 10:14

ऐशैखैई, ओए रै मैरै प्यारो, मूर्ति पूजा शै दूर भागैया।

1 कुरिन्थियों 14:1

इथकारिए प्यार का स्‍वभाव राखदै बैई आत्मिक वरदानो कै बौड़ै इछा कौरदै रौव खास कौरेयौ पौरमेशवर कै बातौ बौताणौवाल़ै कै वरदान कै।

1 कुरिन्थियों 6:18

गौलत सौमबंध कौलोंई नी राखैया कुणजाई ओका पाप सीधै तरीकै शै शोरीर खै नुकसान ना कौरौ। जैशै ऐजा पाप कौरौ। गौलत सौमबंध राखणौ वाल़ा आपणै ही शोरीर कै खिलाफ पाप कौरौ।

1 तीमुथियुस 1:14

अमारै प्रभुए मुं पांदी लगातार आपणा अनुग्रह दिखोऊवा। तैणै मुखै बिशवाश औरौ प्यार दैय राए जिथुखै हांव प्रभु यीशु कै साथै एकजुट थिया।

1 तीमुथियुस 4:12

ऐशैखै बर्ताव कौरौ कै कुणिए बै तैरा अनादर नी कौरौ, जिथुकै तू जोवान औसौ, पौरौ ताखै आपणै बौल चाल दो आछै बर्ताव कै साथै, प्यार कै साथै, मसीह कै बिशवाश कै साथै औरौ पवित्र जीवन जिणौ कै साथै बिशवाशी लोगौ कारिए नमूना बोणणौ चैंई।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

1 तीमुथियुस 6:20

ओए रै तीमुथियुस, ठाणी पा कै तू सैजा काम कौर जू पौरमेशवरे ताखै दैय राए। औरौ ऐशणी भोक्‍ती औरौ मूर्खता वाल़ी चोर्चओं औरौ तिनु शिक्षाओं शै दूर रौया जू पौरमेशवर की साची शिक्षा का विरोध कौरौ, जिथुकै सै गौलत तरीकै शै ज्ञान बौल़ौ।

2 तीमुथियुस 2:21

इथकारिए, जू बिशवाशी आपी कै तिनु सौबी बुरै कामौ शै जौई कौरदा, औरौ जैसका जीवन पवित्र हौला सै ऐक कीमती बासणौ कै जैशणा हौंदा जू खास मोके पांदी इस्तैमाल हौं, औरौ इथकारिए तैसका मालिक तैसका इस्तैमाल कौरे सौकदा औरौ सै सौबै भान्त कै आछै काम कौरे सौकौ।

2 तीमुथियुस 2:22

इथकारिए, तिनु पापी लालसाओं शै बौचेयौंदे रौया जू जवान लोगौ कै आकर्षित कौरौ। औरौ जू शुध्द मन शै प्रभु का नांव ध्यान कौरौ, तिनकै साथै धार्मिकता, औरौ बिशवाश औरौ मैल मिलाप राखणौ कै कौचिश कौर।

2 तीमुथियुस 3:10

पौरौ ओए रै तीमुथियुस, तू आछै शै जाणै कै मोऐं का शिखाए लो, औरौ कैशै जीवन जियुं, मैरै जीवन का मकसद का औसौ औरौ मोऐं का बिशवाश कौरे राए। तू जाणैए कै हांव सब्र राखु, औरौ सौबी लोगौआरी प्यार कौरु, औरौ मोऐं बैजाए मुशकिलो सैहन कौरे रैई।

2 तीमुथियुस 3:17

ताकि पौरमेशवर कै सेवा कौरणौवाल़ा आदमी सिध्द बौणौ औरौ सौब भान्त कै भले काम कौरणौ कारिए तैयार औरौ काबिल हौं।

इब्रानियों 12:14

सौबीआरी मैल-मिलाप राखौ, औरौ ऐक पवित्र जीवन जिणौ कै कौचिश कौरणै चैंई जिथकै बिना कुणिए प्रभु खै कौलोंई बै ना दैख सौकौ।

1 पतरस 3:11

तैसी निशोंक हौयौ सैजौ बंद कौरे दैणौ चैंई जू बुरु औसौ। इथकै बजाय, तैसी सैजौई कौरणौ चैंई जू आछौ औसौ। ओकी कै साथै शान्तै शै रौणौ कारिए कड़ी मैहनत कौरौ।