1 तीमुथियुस 5:25 - सिरमौरी नौवाँ नियम

²⁵ तैशैखैई, जोबै लोग आछै काम कौरौ, तौ ऐजौ ओकी बिशवाशियौं कै दवारा साफ-साफ दैखियौं। औरौ जै सै तिनु ऐक बार बै साफ-साफ ना दैख सौकौ, तौ बाद दै सै तिनु जाणै ही पांदै।

Sirmouri

²⁵ तेष्णें ही कुछ आच्छै भले काँम-काज़ भे सपष्ट रूप शे पर्गट् हऐ ज़ाव; अरह् जुण्जे पर्गट ने हंदे, सेजे भे छ़ुपाऐ ने ज़ाँदे।

1 तीमुथियुस 5:25 Iomraidhean Croise

मत्ती 5:16

इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

लूका 11:33

“कुणिए बै आदमी दिवा बाल़ेयो घोरो दा या मान्जै तौड़ी ना राखौ पौरौ दियोट पांदी राखौ कै भीतरै आणौवाल़ै खै पेयाशो भैटौ।

प्रेरितो कै काम 10:22

तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

प्रेरितो कै काम 22:12

“तोबै हनन्‍याह नांव का कानून खै हिसाब शै ऐक भोक्‍त आदमी जू मूसा कै कानून खै मानणौ वाल़ा थिया, जू दमिश्क नगर कै रौणौवाल़ै सौबी यहूदी लोगौ मुंजीदा सुनाम थिया, मैरै धोरे ओऊवा।

प्रेरितो कै काम 9:36

याफा नगर दा तबीता नांव कै ऐक बिश‍वाशनी बैटमाणिश थै, यूनानी भाषा दो तियौंको नांव दोरकास थियु। सै बौहितै भोल़ै-भोल़ै काम औरौ गरीब लोगौ कै मौदद कौरौ थै।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

1 तीमुथियुस 3:7

औरौ कलीसिया शै बायरै कै लोगौ मुंजी बै तैसका आछा नांव हौणा चैंई। ताकि लोग तैसकै बारै मुंजी बुरी बातौ नी कौरौ औरौ शैतान तैसी आपणै जाल दा ना फौशांव।

प्रकाशितवाक्य 14:13

तोबै मोऐं स्वर्ग शै कोसी कै बौलदै बैई शुणु, औरौ तैणै मुखै बौल़ौ: “इनु बातौ खै इथै लिख। ऐबै शै, सैजै लोग खुशनसीब औसौ जू पौरमेशवर पांदी भोरोशा कौरदै बैई मौरे गौवै।” तोबै पवित्र आत्मा इथैशा सहमत हौआ, तैणै बौल़ौ, “ऐजौ साचौ औसौ। सैजै खुशनसीब औसौ जिथुकै सै आपणै कड़ी मैहनत शै विशांव पांदै औरौ जू काम तिनुऐ कौरे राए तिथ कारिए तिनु इनाम दैय जांदा।”