1 तीमुथियुस 5:19 - सिरमौरी नौवाँ नियम

¹⁹ ऐकी अगुवे कै खिलाफ पाप कौरणौ का दोष तांव तौड़ी नी मानैया जांव तौड़ी दो या तीन लोग ऐकैई बात कारिए तैसी पांदी दोष ना लांव।

Sirmouri

¹⁹ जे किऐ दोष-कसूर कोसी बुड़े-मंजीज आदमी गाशी लाया ज़ाँव, तअ बिना दू-च़ी गुवाह्-शाज़्त्त की शाक्क्षी के बिना ने शुँणें।

1 तीमुथियुस 5:19 Iomraidhean Croise

मत्ती 18:16

औरौ जै सै ना शुणौ, तौ ऐकी या दु आदमी खै आपणै साथै लोए जा, की मूसा कै कानून कै हिसाब शै हरेक बात दो या तीन गवाहो शै सोही साबित कौरे जाणै चैंई।

यूहन्ना 18:29

तोबै राज्यपाल पिलातुस तिनकै धोरे दा बायरै ओऊवा औरौ पूछु, “तुऐं ऐसी आदमी पांदी कियों बातौ का इलजाम लाए लौआ?”

यूहन्ना 8:17

औरौ तोंवारै मूसा कै कानून दो बै लैखै राए कै दो जोणे कै गवाही मिलैयौ ठीक हौंव।

प्रेरितो कै काम 11:30

तिनुऐ ऐशैखैई कौरौ; औरौ बरनबास औरौ शाऊल कै हाथौ अगुवो कै धोरे किछै पौयसा भैज दिया।

प्रेरितो कै काम 25:16

पौरौ मोऐं तिनुखै जोवाब दिया, कै रोम शहर कै रौणौवाल़ै लोगौ कै ऐशणै भोवार नी आथी, कै कोसी आदमी खै दण्‍ड कारिए सौंपै दैंव, जांव तौड़ी आरोपी खै आपणै दोष लाणोवाल़ै कै सामणै खौड़ै हौयौ दोष का जोवाब दैणौ का मौका ना भैटौ।

2 कुरिन्थियों 13:1

पवित्र शास्त्र दो ऐजौ लैखै राए, “कै हरेक झोगड़ा दु या तीन गवाह कै गवाही लैई सौलझै जाणा चैंई।” मोऐं आगै ही तिनु लोगौ खै चैतावणी दैय पाए जोबै हांव आगैई दूजी यात्रा कै सौमय तिथै थिया। ऐबै हांव औटेयौ तिनु औरौ ओकी सौबी खै इयौं चिट्ठी दी चैतावणी दियु, जैशैखै मोऐं आगै कौरे राए थियु। ऐबै हांव तिजाल़ियों तोंवारै धोरे आणौवाल़ा औसौ औरौ जै तिनुऐ इबी बै पाप कौरणै ना छुड़ी, तौ कुणिए बै सौजा शै ना बौचदै।

1 तीमुथियुस 4:14

तैसी वरदान शै जू हौणौवाल़ी बातौ कै दवारा तांव पांदी कलीसिया कै अगुवे कै हाथ राखदै सौमय ताखै भैटी रौआ थिया, तैसी लगातार ताखै इस्तैमाल कौरणा चैंई।

1 तीमुथियुस 5:17

कुणिए बै अगुवे जू आपणै काम कै आछै शै कौरौ, तैसी सोही आदर औरौ सोही मजदूरी दैणौ कै लायक सौमझा जाणा चैंई, खास तौर शै सैजै लोग जू पौरमेशवर कै सौंदेश कै शिखाणौ औरौ प्रचार कौरणौ कारिए कड़ी मैहनत कौरौ।

तीतुस 1:6

ऐक अगुवे कै निर्दोष औरौ आपणी घोरवाल़ी कै प्रति वफादार हौणौ चैंई औरौ तैसकै नानड़िया शोरीर कै इछाओं पांदी चालणौ वाल़ै नी हौंव, औरौ माँ-बापू का आदर कौरणौवाल़ै हौंव।

इब्रानियों 10:28

कुणजाई बै आदमी जू मूसा कै कानून का पालन ना कौरौ थिया, सै दो या तीन आदमी कै गवाही पांदी, बिना दया कै मारै दिया जांव थिया।