1 तीमुथियुस 5:10 - सिरमौरी नौवाँ नियम

¹⁰ औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

Sirmouri

¹⁰ अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

1 तीमुथियुस 5:10 Iomraidhean Croise

मत्ती 25:17

ऐशैकैई जैसीखै दो झोल़े भैटी रौवै थिए, तैणै बै दो हौजौ कमाए।

मत्ती 5:16

इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

लूका 7:38

औरौ रुंदै बैई यीशु कै पौछौड़ियौ तैसकै लातो कै धोरे खौड़ै हौए गौए, औरौ तैसकै लातो कै आशुओं लैई धौयौ, औरौ आपणै मुंडौ कै बाल़ो लैई गुशदै लागै, औरौ तैसकै लातो पांदी बार-बार चूमियो तिथपांदी इत्र मोल़दै लागै।

लूका 7:44

औरौ तियौं बैटमाणिश कै ढौबौ फिरैयौ यीशुए शमौन कै बौल़ौ, “का तुऐं इयौं बैटमाणिश कै दैखै? हांव तैरै घोरे ओऊवा तुऐं अमारै भोवार कै हिसाब शै मुखै लात धोणो कारिए पाणी बै ना दी, पौरौ इयैं मैरै लात आपणै आशुओं लैई धोए दिए, औरौ आपणै बाल़ो शै साफ कौरे।”

प्रेरितो कै काम 10:22

तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

प्रेरितो कै काम 22:12

“तोबै हनन्‍याह नांव का कानून खै हिसाब शै ऐक भोक्‍त आदमी जू मूसा कै कानून खै मानणौ वाल़ा थिया, जू दमिश्क नगर कै रौणौवाल़ै सौबी यहूदी लोगौ मुंजीदा सुनाम थिया, मैरै धोरे ओऊवा।

प्रेरितो कै काम 6:3

इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

प्रेरितो कै काम 9:36

याफा नगर दा तबीता नांव कै ऐक बिश‍वाशनी बैटमाणिश थै, यूनानी भाषा दो तियौंको नांव दोरकास थियु। सै बौहितै भोल़ै-भोल़ै काम औरौ गरीब लोगौ कै मौदद कौरौ थै।

प्रेरितो कै काम 9:39

तोबै पतरस बिज़यो तिनकै साथी हौटै गौआ औरौ जोबै सै पोऊंचा तौ सै तैसीखै उपले कोमरै दै लोए गौवै औरौ सौबै विधवाएं रुंदै बैई तैसकै धोरे आयौ खोड़ी हौए गोई औरौ जू कूर्ते औरौ खोटणो दोरकासे तिनकै साथी रौंदै बैई बाणै राए थिए, दिखांदी लागी।

रोमियों 12:13

पवित्र लोगौ कै जू किछै जौरुरी औसौ, तिथमुंजी तिनकै मौदद कौरौ, औरौ मैहमान नवाज़ी दै लागैयौंदे रौंव।

इफिसियों 2:10

जिथुकै आमै पौरमेशवर कै बाणैयोंदै औसौ, औरौ मसीह यीशु दै आमु कै नौवें लोगौ कै रुप दै इथकारिए बाणै राए, ताकि आमै तिनु भले काम कै कोरयो जीवन बीतांव जिनु कामौ कै पौरमेशवरे औगौड़ियौ शै आमु कारिए तैयार कौरे राए।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

1 तीमुथियुस 2:10

इथकै बजाय, तिनु ओकी लोगौ कारिए भले काम कौरेयौ आपी कै सुन्दर बौणणौ चैंई। जिथुकै पौरमेशवर कै भोक्‍ती कौरणौवाल़ी बैटमाणिशौ कै ऐजौई कौरणौ ठीक औसौ।

1 तीमुथियुस 3:2

इथकारिए, ऐजै बात खास औसौ कै अगुवे दै ऐजै गुण हौणै चैंई: तैसीदा कुणजैई दोष ना हौंव, औरौ तैसीकै ऐकैई घोरवाल़ी हौणै चैंई, औरौ शान्त बर्ताव कौरणौवाल़ौ हौणौ चैंई, सै जू किछै बै कौरौ तिनु आपी पांदी काबू राखणौवाल़ै हौणौ चैंई, औरौ लोगौ कै दवारा आदर कौरणौवाल़ा हौणौ चैंई, औरौ तैसी आपणै घोरे पोऊंणै कै इज्जत कौरणौवाल़ा हौणौ चैंई औरौ तैसी पौरमेशवर कै वचन कै आछै शै शिखाणौ कै लायक हौणौ चैंई।

1 तीमुथियुस 3:7

औरौ कलीसिया शै बायरै कै लोगौ मुंजी बै तैसका आछा नांव हौणा चैंई। ताकि लोग तैसकै बारै मुंजी बुरी बातौ नी कौरौ औरौ शैतान तैसी आपणै जाल दा ना फौशांव।

1 तीमुथियुस 5:16

जै कोसी बिश‍वाशनी कै परिवार दी विधवाएं हौंव, तियौं कारिए ऐजौ सोही ना आथी कै सै कलीसिया खै तिनकी दैखभाल कौरणौ कै बौल़ौ। तोबै बिशवाशी तिनु विधवाओं की जौरुरते पूरी कौरे सौकौ जिनु कैई तिनकै मौदद कौरणौवाल़ा ओका कुणिए ना आथी।

1 तीमुथियुस 5:25

तैशैखैई, जोबै लोग आछै काम कौरौ, तौ ऐजौ ओकी बिशवाशियौं कै दवारा साफ-साफ दैखियौं। औरौ जै सै तिनु ऐक बार बै साफ-साफ ना दैख सौकौ, तौ बाद दै सै तिनु जाणै ही पांदै।

1 तीमुथियुस 6:18

तिनु जादा शै जादा भले काम कौरणौ कारिए बौल औरौ ओकी कारिए जू बै जौरुरी औसौ तिथु बौड़ी दया कै साथै बांडो।

2 तीमुथियुस 1:5

औरौ मुखै तैरै तैसी खरे बिशवाश कै याद आंव जू मसीह यीशु दा औसौ, जू औगौड़ियौ तैरी नानी लोइस, औरौ तैरी माँ यूनीके दा थिया, औरौ मुखै पाको औसौ, कै तांवदा बै औसौ।

2 तीमुथियुस 2:21

इथकारिए, जू बिशवाशी आपी कै तिनु सौबी बुरै कामौ शै जौई कौरदा, औरौ जैसका जीवन पवित्र हौला सै ऐक कीमती बासणौ कै जैशणा हौंदा जू खास मोके पांदी इस्तैमाल हौं, औरौ इथकारिए तैसका मालिक तैसका इस्तैमाल कौरे सौकदा औरौ सै सौबै भान्त कै आछै काम कौरे सौकौ।

2 तीमुथियुस 3:15

बचपन शै ही तू पवित्र शास्त्र कै जाणै, जू पौरमेशवर ताखै मसीह यीशु पांदी बिशवाश कौरणौ औरौ बौचाणौ कै ज्ञान दैणौ लायक औसौ।

2 तीमुथियुस 3:17

ताकि पौरमेशवर कै सेवा कौरणौवाल़ा आदमी सिध्द बौणौ औरौ सौब भान्त कै भले काम कौरणौ कारिए तैयार औरौ काबिल हौं।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

तीतुस 2:7

ताखै सौबी बातौ दै उदारण कै रुप दै आछै काम कौरणै चैंई, जिथका औकै लोग सौदा पालन कौरे सौकौ। जोबै तू बिशवाशियौं खै पौरमेशवर कै बारै मुंजी शिखाए, तौ ताखै आछै मकसद कै साथै शिखाणौ चैंई औरौ ऐशैखैई लोग तैरा आदर कौरलै।

तीतुस 3:1

बिशवाशी लोगौ खै याद दिया, कै राज्यपाल औरौ औधिकारियो का आदर कौरौ, औरौ तिनकी आज्ञा मानौ, औरौ तिनुखै औकै सौबै आछै काम कौरणै चैंई।

तीतुस 3:14

सिरफ ऐशैखैई नी, पौरौ तू बिशवाशियौं कै शिखांदा रो कै सै आछै काम कौरणौ कै लगातार मैहनत कौरदै रौंव ताकि तिनु लोगौ की जौरुरतौ पूरी कौरे सौकौ जिनुवागै जौरुरत की चीज़ौ ना आथी। ऐजै बात बिशवाशियौं कै शिखा कै सै बैकार कै जिन्दगी ना जियौं।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

इब्रानियों 10:24

आव आमै ऐकी-दुजैआरी प्यार औरौ आछी चीज़ौ कै कामौ खै कौरणौ कारिए ऐकी-दूजै खै हिम्मत दैया कौरौ।

इब्रानियों 13:2

अज़नबियौ कै बै मैहमान नवाज़ी दिखाणै याद राखैया। जिथुकै इथलैई कैतरै आदमीए अणजाणै दा स्‍वर्गदूतौ का आदर सत्कार कौरा।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 पतरस 4:9

लोगौ कै आपणै घोरे इज्जत कौरौ औरौ ऐशै बिना शिकायत कै कौरौ।

3 यूहन्ना 1:12

कलीसिया कै सौबै लोग बौल़ौए कै दिमेत्रियुस ऐक आछा आदमी औसौ औरौ सौचाई कै हिसाब शै जियौंए, औरौ आमै बै ऐजौ बुलू कै सै ऐक आछा आदमी औसौ, औरौ तू जाणै कै आमै जू बौल़ै लो सैजौ साचौ औसौ।