1 तीमुथियुस 4:6 - सिरमौरी नौवाँ नियम

⁶ जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

Sirmouri

⁶ जे तू कलीसिया के लोगों कैई शी ईनू बातो चित्ते कराँऐ, तअ तू मसीया यीशू का आछा दास बंणला; जेस्का पालण-पोष्ण, बिश्वाष के कारण, अरह् तेसी ही साच्ची शिक्क्षा के कारण हंला; जेसी तुँऐं माँनी थुवा।

1 तीमुथियुस 4:6 Iomraidhean Croise

मत्ती 13:52

यीशुए तिनुकै बौल़ौ, “इथकारिए हरेक यहूदी शास्त्री जू स्वर्ग कै राज्य का चैला बौणै रौआ, तैसी घोरो कै ठोगड़े साए औसौ जोबै सै पुराणी औरौ नुई शिक्षाओं खै तैसी ठाँव शै बायरै घाड़ो जिथै सै ओकी कै मौदद कौरणौ कारिए तिनु कौठी कौरौ।”

लूका 1:3

मोऐं सौबी बातौ कै आछै शै पौरखै राए औरौ मुखै ऐजौ आछौ लागौ कै हांव तुऔं कारिए इनु घोटणांव कै मैल कै हिसाब शै लिखु।

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

प्रेरितो कै काम 20:31

इथकारिए बिजैयौंदे रौया, औरौ याद कौरेया कै मोऐं ती सालो तौड़ी रात दूस आशु बोवाय-बोवायो, सौबी खै सौमझाणौ नी छुड़ी।

प्रेरितो कै काम 20:35

मोऐं तुऔं सौबै ठुँ कौरेयौ दिखाए राए, कै ऐशैखैई मैहनत कौरेयौ कमजोर लोगौ खै सोम्‍भाल़ो, औरौ प्रभु यीशु कै वचनो खै याद राखणै जौरुरी औसौ, तैणै आपी ही बौल़ै राए: लोणो शै दैणौ बढ़िया औसौ।”

रोमियों 15:15

तोबै मोऐं कौथी-कौथी याद दियाणौ कारिए तुऔं बैजाए हिम्मत कौरेयौ लिखु, ऐजौ तैसी अनुग्रह कै बौजैह शै हौं, जू पौरमेशवरे मुखै दैय राए।

1 कुरिन्थियों 4:17

इथकारिए मोऐं तीमुथियुस खै जू प्रभु यीशु दा मैरा प्‍यारा औरौ बिशवाश लायक बैटा औसौ, तोंवारै धोरे भैजै राए, सै तुऔं याद दियांदा कै मसीह का चैला हौणौ कै नातै हांव कैशै काम कौरु औरौ कैशैखै जीवन जियुं जैशैकै हांव हर कलीसिया दी शिक्षा दियु।

2 कुरिन्थियों 11:23

का सैजै ही मसीह कै सेवक औसौ? (हांव पागलो कै जैशै बुलू) हांव तिनुदा बौड़ैयौ औसौ! मोऐं तिनुदै जादा मैहनत कौरे, तिनुदा कैई जादा कोयदै दा रौआ, बार-बार पीटा, बैजाए बैई मैरै जान पौरैशानी दै पौड़ै।

2 कुरिन्थियों 3:6

जैणै आमु नोऐं कौरार कै सेवक हौणौ कै ताकत बै दैय राए, मूसा कै लैखैयौंदे कानून सेवक ना आथी पौरौ पवित्र आत्मा कै; जिथुकै मूसा कै लैखैयौंदे कानून कै ना मानणौ का नतीजा मौत औसौ पौरौ पवित्र आत्मा सौदा कै जिन्दगी दैंव।

2 कुरिन्थियों 6:4

पौरौ हर बात मुंजी आमै ऐजौ साबित कौरु कै आमै पौरमेशवर कै साची सेवक औसौ। आमु आपणै आछै गुण खै दिखायौ, दुखो, कौल़ेशौ, गरीबी औरौ पौरैशानी खै बौड़ै हिम्मत कै साथै सैहन कौरु।

इफिसियों 6:21

प्रभु कै संगति दा प्यारा साथी औरौ बिशवाश लायक सेवक तुखिकुस तुऔं लोगौ कै ऐजौ सौबै बौताए दैंदा, ताकि तुऐं बै जाणै पाव कै हांव कैशणा औसौ औरौ मोऐं का कौरे लो।

फिलिप्पियों 2:20

जिथुकै मैरै धोरे ऐशणै स्‍वभाव का कुणिए नै आथी जू साची मन शै तोंवारै फिकर कौरौ।

फिलिप्पियों 2:22

पौरौ तुऐं जाणौए कै तीमुथियुस का चाल चलन आछा औसौ। जैशै बैटा बापू कै साथै कौरौ, तैशैखैई तैणै सुसमाचार कै फौयलाणौ दै मैरै साथै मैहनत कौरे राए।

फिलिप्पियों 3:16

इथकारिए आमु सच कै साथै जीणु चैंई जू आगै दौ ही पौरमेशवरे आमु पांदी प्रगट कौरे राए।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

कुलुस्सियों 4:7

प्यारे बिशवाशी भाई औरौ बिशवाश लायक सेवक तुखिकुस जू प्रभु दा मैरा साथी औसौ, मैरी सौबै बातौ तुऔं बौताए दैंदा।

1 थिस्सलुनीकियों 3:2

औरौ आमुए तीमुथियुस खै तोंवारै धोरे भैजा जू मसीह कै सुसमाचार दा अमारा भाई औसौ, औरौ पौरमेशवर का सेवक औसौ, तैसी तोंवारै धोरे भैजा कै सै तुऔं मोजबूत राखौ; औरौ तोंवारै बिशवाश दै मोजबूत हौणौ कारिए तोंवारै मौदद कौरौ।

1 तीमुथियुस 1:10

गौलत सौमबंध राखणौवाल़ै, मर्द का मर्द कै साथै औरौ बैटमाणिश का बैटमाणिश कै साथै, औरौ आदमी कै गुलामी दै बिकणौवाल़ै औरौ झूठु बौलणौ वाल़ै, औरौ झूठी शौं खाणौवाल़ै, औरौ सैजै लोग जू सैजौ सौब ठुँ कौरौ, जिथु कौरणौ कारिए आमु कै सोही शिक्षा मौना कौरौ।

1 तीमुथियुस 4:16

इथ बारै मुंजी चौकश रौया कै तू कैशै रौए औरौ का शिखै। इनु बातौ पांदी मोजबूत रो, जै ऐशणौ कौरला, तौ इथका नतीजा ऐजा हौला कै पौरमेशवर तैरै दवारा ताखै औरौ तैरै शुणणौवाल़ै कै बै न्याय शै बौचांदा।

1 तीमुथियुस 6:3

जै कुणिए झूठी शिक्षा दैंव औरौ अमारै प्रभु यीशु मसीह कै सोही सौंदेश औरौ पौरमेशवर कै भोक्‍ती कै शिक्षा शै राजी ना हौंव, औरौ तैसी आदैश कै साथै जू पौरमेशवर कै आदर दैंव।

2 तीमुथियुस 1:6

इयौं बौजैह शै हांव ताखै याद दियोऊं कै तिनु वरदानो कै औटेयौ इस्तैमाल कौर जू पौरमेशवरे ताखै दैय राए थिए जौल़ौ मोऐं तैरै मुंडो पांदी आपणा हाथ राखा।

2 तीमुथियुस 3:10

पौरौ ओए रै तीमुथियुस, तू आछै शै जाणै कै मोऐं का शिखाए लो, औरौ कैशै जीवन जियुं, मैरै जीवन का मकसद का औसौ औरौ मोऐं का बिशवाश कौरे राए। तू जाणैए कै हांव सब्र राखु, औरौ सौबी लोगौआरी प्यार कौरु, औरौ मोऐं बैजाए मुशकिलो सैहन कौरे रैई।

2 तीमुथियुस 4:3

जिथुकै ऐशणा सौमय आन्दा, जोबै लोग खरा उपदैश ना शौणै पांदै पौरौ लोग आपणी ही अभिलाषाओं पाछी चालदै औरौ सै ऐशणै बौहितै शिक्षक कै जौले जू तिनकै अभिलाषाओं कै हिसाब शै प्रचार कौरलै।

तीतुस 2:1

पौरौ तीतुस ताखै ऐजौ जौरुरी औसौ कै ताखै बिशवाशियौं कै सिरफ सैजौई शिखाणौ चैंई जू यीशु मसीह कै बारै मुंजी साची शिक्षाओं कै हिसाब शै औसौ।

1 पतरस 2:2

हांव तोंवारै तुलना नानड़ै नानड़िया आरी कौरु। ऐक नानड़ो नानड़िया हमैशा माँ कौ दूध चांव ताकि मोजबूत बौणौ। तैशैखैई तुऔं पौरमेशवर कै वचन शिखणौ कै इछा राखणै चैंई ताकि तुऐं मोजबूत बौणै सौकौ। तोबै आखिर दा, पौरमेशवर इयौं दुनिया कै बुरै चीज़ौ शै पूरी तरह शै बौचाए पांदा।

2 यूहन्ना 1:9

जै कुणिए आदमी लगातार मसीह की शिक्षा कै ना मानौ पौरौ तिथमुंजी किछै हौजौ जोड़े दैंव सै पौरमेशवर कै साथै बौणेयौंदा ना आथी। पौरौ जू कुणिए आदमी लगातार तैसकी शिक्षा कै मानदा रौंव सै पिता पौरमेशवर कै साथै जोड़ेयौंदा रौंव।

यहूदा 1:5

जोबै कि तुऐं ऐजी सौबै बातौ जाणौए, तौ बै हांव तुऔं इयौं बातौ खै याद दियांदा, कै पौरमेशवरे इस्राएलियों खै गुलामी शै आज़ाद कौराए औरौ तिनु मिस्र देश शै बायरै लियोऊवे, पौरौ बाद मै तिनु सौबी खै मारै दियै, जिनुवै रेगिस्थान दा तैसी पांदी भोरोशा ना कौरी।