1 तीमुथियुस 4:16 - सिरमौरी नौवाँ नियम

¹⁶ इथ बारै मुंजी चौकश रौया कै तू कैशै रौए औरौ का शिखै। इनु बातौ पांदी मोजबूत रो, जै ऐशणौ कौरला, तौ इथका नतीजा ऐजा हौला कै पौरमेशवर तैरै दवारा ताखै औरौ तैरै शुणणौवाल़ै कै बै न्याय शै बौचांदा।

Sirmouri

¹⁶ आप्णीं तरफ़ शा आप्णें भाष्ण दा च़ौक्क्ष रूऐ, अरह् ईनू ही बातो गाशी पाक्का भे रूऐ; किन्देंखे के जे तू ऐष्णों ही करदा रंईला, तअ तू आप्णाँ अरह् तेरी बातो शुँण्णों वाल़े लोगों खे भे ऐक आच्छ़ा-नंमुँना बंणला।

1 तीमुथियुस 4:16 Iomraidhean Croise

मरकुस 13:9

पौरौ तुऐं आपणै बारै दै चौकश रौया, जिथुकै लोग तुऔं कै महासभा दै निलै औरौ तुऔं यहूदी सभा-घोर दै पीटदै, औरौ तुऐं मैरै चैलै औसौ इथकारिए लोग तुऔं खै राज्यपालो औरौ राजाओं कै आगै खौड़ै कौरदै। तोबै तुऐं तिनुखै मैरा सुसमाचार शुणाए सौकौ।

लूका 21:34

“इथकारिए चौकश रौया, ऐशै नी हौं कै तोंवारा मन सुख-विलास, नशा औरौ दुनिया की चिन्ताओ शै सुस्त हौए जांव, औरौ ऐजै दूस तुऔं पांदी फांदै साए एकदम आए जांव।

प्रेरितो कै काम 26:22

पौरौ पौरमेशवर कै मौदद लैई हांव ऐलो तौड़ी बोणेयोंदा औसौ, औरौ नानड़ै-बौड़ै सौबी कै सामणै गवाही दियु। औरौ हांव इनु बातौ खै छोड़ेयौ कै किछै ना बुलू, जू पौरमेशवर कै बातौ बौताणौवाल़ै औरौ मूसाए बै बौल़ै की हौणौवाल़ी औसौ,

प्रेरितो कै काम 6:4

पौरौ आमुए तौ प्रार्थना औरौ वचनो का प्रचार औरौ शिक्षा दैणौ दै लागैयौंदे रौंदै।”

रोमियों 11:14

ताकि कोसी रीति शै हांव आपणै लोगौ मुंजी ज़लन पौयदा कौरे सौकु तिनुमुंजी दै कैईंयौं कै मोक्ति कौरौऊं।

रोमियों 16:17

ऐबै ओए रै बिशवाशी भाईयों, हांव तुऔं कैईंदै बिन्ती कौरु, कै सैजै लोग जिनकै बौजैह शै ओकी लोगौ कै बिशवाश खत्म हौए जांव, सै ऐशणै काम कौरौ जू बटंवारै कै बौजैह बौणौ कै तुऐं तिनु लोगौ शै चौकश औरौ दूर रौव।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

1 कुरिन्थियों 1:21

जिथुकै पौरमेशवरे आपणी बुध्दि लैई दैखै राए थियु कै आदमी कै ज्ञान कै हिसाब शै दुनिया तैसी कौलोंई ना जाणै पांदै, इथकारिए तैणै बिशवाश कौरणौवाल़ै खै बौचाणौ कारिए ऐसी सुसमाचार कै प्रचार का इस्तैमाल कौरे राए, पौरौ किछै लोग इथु मूर्ख मानौ।

1 कुरिन्थियों 9:22

जोबै हांव तिनु लोगौ कै साथै रोऊं, जिनका बिशवाश कमजोर औसौ, तौ हांव तिनकै जैशणा बर्ताव कौरु, ताकि हांव तिनुखै मसीह कै पौछौड़ियौ चालणौ दै मौदद कौरे सौकु। औरौ सौबी आदमी कारिए सौबै ठुँ बौणै गौआ, कै कोसी ना कोसी तरीकै शै किछै लोगौ का उध्दार कौराए सौकु।

1 कुरिन्थियों 9:27

हांव आपणै शोरीरो खै भ्यास दा लांऊ औरौ बुरी इछाओं कै काबू दी राखु, कोदी ऐशै नै हौंव कै हांव जू ओकी कै सुसमाचार का प्रचार कौरु, औरौ आपी इनाम ना पोऊँ।

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

कुलुस्सियों 4:17

औरौ अरखिप्पुस खै बौलेया, “कै जू सेवा प्रभु दै ताखै सौंपै राए सैजै कामकै पूरै कौरेयौ खत्म कौरेया।”

1 थिस्सलुनीकियों 2:16

औरौ ऐशै कौरेयौ तिनिए आमु बैगानै यहूदी लोगौ खै ऐजौ बौताणौ शै रौकणौ कै कौचिश कौरे लोए थै, कै पौरमेशवर तिनु कैशै बौचाए सौकदा।

1 तीमुथियुस 1:3

ओए रै तीमुथियुस जैशैखै तू जाणैए कै इफिसुस शहर दै किछै ऐशणै लोग औसौ जू गौलत शिक्षा दैंव। सै लगातार झूठी कहाणी औरौ पुराणिया कै बारै मुंजी शिखांव। जोबै हांव इफिसुस शहर शै मकिदुनिया प्रदेश दा जाणौ कारिए तैयार थिया, तौ मोऐं ताखै इफिसुस शहर दौ रौणौ कारिए बौल़ौ कै सै ऐशणै शिक्षा नी दैंव। जोबै सै ऐशणी बातौ शिखांव, तौ लोग तिनकै बारै मुंजी चौर्चा कौरौ। इथका नतीजा ऐजा औसौ कै तिनु शिखाणौ वाल़ै तिनु कामौ कै ना कौरे लैई जू पौरमेशवरे तिनु दैय राए थिए, जिनु सै सिरफ पौरमेशवर पांदी भोरोशा कौरेयौ कौरे सौकौ।

1 तीमुथियुस 4:15

इनु बातौ कै चौकशाई शै भ्यास कौर औरौ आपी कै पूरी तरह शै तिनु बातौ कै प्रति न्योछार कौरे दै, ताकि हरेक आदमी ऐजौ दैखै सौकौ कै तू आपणै बिशवाश दा बौढ़दा लागै रौआ।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

2 तीमुथियुस 3:14

ओए रै तीमुथियुस, तिनु बातौ कै जू तुऐं मुंकैई दी शिखै रैई औरौ जिथपांदी तुऐं बिशवाश कौरे राए। तिनु तू लगातार बिशवाश कै साथै मानदा रौव। आखिरकार, तू जाणै कै ताखै ऐजै सौचाई कुणै शिखाए राए।

2 तीमुथियुस 4:2

कै तू पौरमेशवर कै वचन का प्रचार कौर; औरौ सौदा प्रचार कौरणौ कारिए तैयार रो चाहै लोग शुणणा चांव चाहै ना शुणणा चांव। ताखै लोगौ कै तिनकै गौलत काम बौताणै चैंई औरौ तिनकै पाप कारिए तिनु डांट ला, औरौ जोबै तू तिनु सब्र कै साथै शिखांए तौ ताखै तिनका हौंसला बै बौढ़ाणा चैंई।

तीतुस 1:9

तैसी यीशु मसीह कै बारै मुंजी साची सौंदेश पांदी पाका बिशवाश हौणा चैंई जू सौंदेश आमुए तैसी शिखाए राए थिया ताकि सै ओकी लोगौ कै सोही शिक्षा मानणौ कारिए हौंसला दैय सौकौ औरौ साथ कै साथ लोगौ कै सामणै विरोधियों कै पौल खोले सौकौ।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।

तीतुस 2:7

ताखै सौबी बातौ दै उदारण कै रुप दै आछै काम कौरणै चैंई, जिथका औकै लोग सौदा पालन कौरे सौकौ। जोबै तू बिशवाशियौं खै पौरमेशवर कै बारै मुंजी शिखाए, तौ ताखै आछै मकसद कै साथै शिखाणौ चैंई औरौ ऐशैखैई लोग तैरा आदर कौरलै।

फिलेमोन 1:19

मोऐं पौलुसे आपणै हाथौ लैई लैखै लौ कै हांव इथु चुकाए दैंदा हालांकि तू औगौड़ियौ दो ही जाणै कै जै हांव तैरै मौदद नै कौरदा, तौ तू आपी शै ऐसी नौवें जीवन कै ना जौए सौकदा, इथकारिए तू आपणै पूरै जीवन भर मैरा कर्जदार औसौ।

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

इब्रानियों 13:9

औरौ इथकारिए आमु इनु सौबै नुई औरौ जौई-जौई शिक्षाओं कै तरह नी कौरणौ चैंई जू तुऔं गौलत बाटौ ढौबौ लोय जांव, जिथुकै तोंवारै मन खै पौरमेशवर कै अनुग्रह लैई मोजबूत हौणौ चैंई, ना कि खाणौ की चीज़ौ कै नियमौ कै मानणौ कै दवारा, जिथलैई काम राखणौवाल़ै खै किछै फायदा ना हौंव।

याकूब 5:20

तौ तुऔं ऐजौ पौता हौणौ चैंई कै जू कुणिए आदमी सौचाई शै भोटकैयोंदै पापी कै फैर लांव, तौ सै तैसी पापी कै जिन्दगी कै मौत शै बौचांदा औरौ पौरमेशवर तैसकै सौबै पापौ कै माफ कौरे दैंदा।