1 तीमुथियुस 3:8 - सिरमौरी नौवाँ नियम

⁸ तैशैखैई कलीसिया कै सेवको कै ऐशणै आदमी हौणौ चैंई जिनका लोग आदर कौरौ। तिनु दुगल़ै औरौ सूरवाए नी हौणौ चैंई, बैसब्री औरौ धौखा दैयौ धन कमाणौ वाल़ै नी हौणौ चैंई।

Sirmouri

⁸ तेष्णा ही कलीसिया दा सेवा कंर्णो वाल़ा आदमी भे ईमाँनदार हुवा च़ैई; अरह् से ना तअ दुगला, च़ुगलियारा, अरह् ना नींच कंमाई का लाल़्ची, अरह् ना सुराऐ चैईं;

1 तीमुथियुस 3:8 Iomraidhean Croise

रोमियों 3:13

तिनकै मुँह खोलैयौंदे क्रब शै आणौवाल़ी शोड़ाण कै जैशणै औसौ। तिनकै जीभ झूठ लैई भोरेयोंदे औसौ। तिनकै शब्द शोंगोऊं कै ज़हर कै जैशणै औसौ जू नुकसान कौरौ औरौ मौत कै बौजैह बौणौ।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

1 तीमुथियुस 3:12

कलीसिया कै सेवको कै आपणी घोरवाल़ी कै प्रति वफादार हौणौ चैंई, आपणै नानड़िया कै साथै आपणै कुड़बे कै ओकी सदस्यों का ठोगड़ापा औरौ दैखभाल कौरणौवाल़ौ हौणौ चैंई।

1 तीमुथियुस 3:2

इथकारिए, ऐजै बात खास औसौ कै अगुवे दै ऐजै गुण हौणै चैंई: तैसीदा कुणजैई दोष ना हौंव, औरौ तैसीकै ऐकैई घोरवाल़ी हौणै चैंई, औरौ शान्त बर्ताव कौरणौवाल़ौ हौणौ चैंई, सै जू किछै बै कौरौ तिनु आपी पांदी काबू राखणौवाल़ै हौणौ चैंई, औरौ लोगौ कै दवारा आदर कौरणौवाल़ा हौणौ चैंई, औरौ तैसी आपणै घोरे पोऊंणै कै इज्जत कौरणौवाल़ा हौणौ चैंई औरौ तैसी पौरमेशवर कै वचन कै आछै शै शिखाणौ कै लायक हौणौ चैंई।

1 तीमुथियुस 3:3

तैसी सूरवाए औरौ झौगड़वाए नी हौणौ चैंई; पौरौ दयालु औरौ सौब्री औरौ शान्त स्‍वभाव का आदमी हौणौ चैंई, औरौ तैसी धन का लालच ना हौणा चैंई।

1 तीमुथियुस 5:23

तू ऐबै सिरफ पाणी ना पी, पौरौ आपणै पेट कै औरौ आपणै बार-बार बीमार हौणौ की बौजैह शै दैणिक-दैणिक दवा कै रुप दा अंगूर का रस पिया कौर।

तीतुस 1:7

जिथुकै ऐक अगुवे कै पौरमेशवर का भण्‍डारी हौणौ की बौजैह शै निर्दोष हौणौ चैंई; औरौ ना हठीला, ना गुस्से बाज, ना पियक्कड़, ना मारपीट कौरणौवाल़ा औरौ ना नीच कमाई का लालची हौणा चैंई।

तीतुस 2:3

तैशैखैई बुजूर्ग बैटमाणिशौ आरी तैशणा बर्ताव कौरौ जू पौरमेशवर कै प्रति भोक्‍ती का जीवन जियौं। सै निन्दा कौरणौवाल़ी नी हौणी चैंई, औरौ ना पिणौ वाल़ी हौणी चैंई; पौरौ ओकी खै आछी बातौ शिखाणौ वाल़ी हौणी चैंई।

याकूब 3:10

ऐकी मुँह लैई धन्यवाद औरौ शराप दुईनै निकल़ौ। ओए रै मैरै बिशवाशी भाईटु, ऐशै नै हौणौ चैंई।

1 पतरस 5:2

जैशैखै चौराईया आपणै भैड़ौ कै रोखवाल़ी कौरौ, तैशैखैई तुऔं सौबी कै रोखवाल़ी कौरणै चैंई जिनु पौरमेशवरे तोंवारै दैखभाल दै सौंपै राए। ऐजौ आपणी मर्जी शै कौरौ, जिथुकै पौरमेशवर ऐजौई चांव कै तुऐं ऐशै कौरौ। ऐशै सिरफ इथकारिए नी कौरौ जिथुकै तुऔं ऐशै कौरणौ कारिए मजबूर कौरे राए। ऐजा काम इथकारिए ना कौरौ जिथुकै तुऐं पौयसै कमाणै चांव पौरौ पौरमेशवर औरौ लोगौ कै सेवा कौरणौ कै इछा कै साथै कौरौ।