1 तीमुथियुस 3:7 - सिरमौरी नौवाँ नियम

⁷ औरौ कलीसिया शै बायरै कै लोगौ मुंजी बै तैसका आछा नांव हौणा चैंई। ताकि लोग तैसकै बारै मुंजी बुरी बातौ नी कौरौ औरौ शैतान तैसी आपणै जाल दा ना फौशांव।

Sirmouri

⁷ अरह् बाईले आरी भे से जाँना माँना हों, जू कोद्दी ऐशो ने हऐयों के से बदनाँम हऐयों शैतान की पाशी-जाल़ौ दा ने फषो।

1 तीमुथियुस 3:7 Iomraidhean Croise

मरकुस 4:11

तैणै तिनुखै बौल़ौ, “तुऔं खै तौ पौरमेशवरे आपणै राज्य कै भैद बौताए राखै, पौरौ जू लोग मुं पांदी बिशवाश ना कौरौ तिनु सौबी कारिए ऐजी सौबै बातौ उदारण कै जैशणी औसौ।”

प्रेरितो कै काम 10:22

तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

प्रेरितो कै काम 22:12

“तोबै हनन्‍याह नांव का कानून खै हिसाब शै ऐक भोक्‍त आदमी जू मूसा कै कानून खै मानणौ वाल़ा थिया, जू दमिश्क नगर कै रौणौवाल़ै सौबी यहूदी लोगौ मुंजीदा सुनाम थिया, मैरै धोरे ओऊवा।

प्रेरितो कै काम 6:3

इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

1 कुरिन्थियों 10:32

हांव आपणी भोलाए कै बारै मुंजी बिना सोंचै, सौबी खै खुश कौरणौ कै कौचिश कौरु, ताकि तिनु बौचाए सौकु। तैशैखैई तुऐं बै ऐशैखै रौव कै ना यहूदी लोगौ ना बैगानै यहूदी लोगौ ना पौरमेशवर कै कलीसिया कारिए कुणजै पौरैशानी या कुणजै ठोकर कि बौजैह बौणौ।

1 कुरिन्थियों 5:12

जिथुकै जू लोग बिशवाशी ना आथी तिनकै नेंदैया कौरणा मैरै जुमैवारै ना आथी, पौरौ निशोंक हौयौ तुऔं तिनु लोगौ खै सौजा दैणी चैंई जू तोंवारै कलीसिया कै लोग औसौ।

2 कुरिन्थियों 6:3

पौरमेशवर दै शामिल हौयौ, आमै कियौंई बातौ दै ठोकर खाणौ का कुणजाई बै मौका ना दियु, कै अमारै सेवा पांदी कुणजाई दोष ना आंव।

2 कुरिन्थियों 8:21

जिथुकै जू बातौ सिरफ प्रभु ही कै नेड़िक नी, पौरौ आदमी कै नेड़िक बै भली औसौ आमै कामौ कै सोही तरीकै शै कौरणौ पांदी आपणा ध्यान दियु।

कुलुस्सियों 4:5

हर मोके का आछै शै इस्तैमाल कौरौ ऐजौ दिखाणौ कारिए कै तुऐं बिशवाशी औसौ औरौ जू लोग यीशु पांदी बिशवाश ना कौरौ तिनकै साथै बुध्‍दिमानी शै बर्ताव कौरौ।

1 थिस्सलुनीकियों 4:12

ताकि सैजै लोग जू अबिशवाशी औसौ दैखौ कै तुऐं रौज कैशणा बर्ताव कौरौ, औरौ सै तोंवारा आदर कौरौ औरौ तुऐं आपणी जौरुरतौ कारिए कोसी कै भोरोशे दै ना रौलै।

1 थिस्सलुनीकियों 5:22

सौब भान्त कै बुराई शै दूर रौव।

1 तीमुथियुस 3:6

तैसीकै बिशवाश दै मोजबूत हौणौ चैंई, नही तौ हौए सौकौ कै सै घमण्डी हौए जांव औरौ तैसी सैजै सौजा भैटलै जू पौरमेशवरे शैतान कै दैय राखै।

1 तीमुथियुस 5:14

इथकारिए हांव ऐजी सलाह दैणी चोऊं, कै जोवान विधवाएं बैयाव कौरौ औरौ बोच्‍चे पौयदा कौरौ औरौ घोरबार संभाल़ो औरौ कोसी विरोधी कै बदनाम कौरणौ का मौका नै दैंव।

1 तीमुथियुस 6:9

पौरौ जू अमीर हौणा चांव, सै सौबै भान्त कै पाप कौरणौ कारिए आसानी शै धौखा खांव औरौ ऐक शिकार कै जैशणै जालो दै फोशे जांव। सै तिनु चीज़ौ कै कौरणा चांव जू तिनु कारिए बैकार शी औरौ नुकसानदायक औसौ औरौ ऐजी बुरी इछाएं तिनु बर्र्बादी कै ढौबौ लौए जांव औरौ नाश कौरे दैंव।

तीतुस 2:5

औरौ सौमझदार औरौ आपणै घोरवाल़ै कै प्रति वफादार हौंव, औरौ आपणै घोर कै सम्भाल़णो वाल़ी हौंव, औरौ आपणै-आपणै घोरवाल़ै कै औधिकार का आदर कौरणौवाल़ी हौंव ताकि कुणिए बै पौरमेशवर कै सौंदेश कै बारै मुंजी बुरी बातौ नै कौरे सौकौ।

तीतुस 2:8

औरौ सैजौ शिखा जू साचौ औसौ औरौ जिथकै लोग काट ना कौर सौकौ, ताकि तैरै दुशमन शरमाए जांव जिथुकै किछै बै ऐशणौ बुरु ना हौंदौ जू सै अमारै खिलाफ बौल़ै सौकौ।

3 यूहन्ना 1:12

कलीसिया कै सौबै लोग बौल़ौए कै दिमेत्रियुस ऐक आछा आदमी औसौ औरौ सौचाई कै हिसाब शै जियौंए, औरौ आमै बै ऐजौ बुलू कै सै ऐक आछा आदमी औसौ, औरौ तू जाणै कै आमै जू बौल़ै लो सैजौ साचौ औसौ।