1 तीमुथियुस 3:6 - सिरमौरी नौवाँ नियम

⁶ तैसीकै बिशवाश दै मोजबूत हौणौ चैंई, नही तौ हौए सौकौ कै सै घमण्डी हौए जांव औरौ तैसी सैजै सौजा भैटलै जू पौरमेशवरे शैतान कै दैय राखै।

Sirmouri

⁶ से ऐक नुवाँ चैला ने हुवा चैई, किन्देंखे के से आप्णी तारिफ़ शुँणियों; आपु गाशी घमंड करियों तैसी शैतान का जैष्णा संजा का भागीदार ने बंणों।

1 तीमुथियुस 3:6 Iomraidhean Croise

लूका 10:18

तैणै तिनु बौल़ौ, “जोबै दुष्टआत्मा तोंवारै आज्ञा मानौ, तौ मोऐं शैतान कै एकदम स्वर्ग शै बिजली छुटणौ कै जैशणा छुटदै बैई दैखा।

1 कुरिन्थियों 3:1

ओए रै बिशवाशी भाईयों, जोबै हांव तोंवारै साथै थिया तोबै हांव तुऔं आरी तैशैखैई बात ना कौरे सौकु थिया जैशैखै हांव आत्मिक लोगौ शै कौरु, मुखै इयौं बातौ लैई तुऔं पौछेयाण कौराणै थै कै तुऐं इयौं दुनिया शै औसौ ‍‍‍औरौ तुऐं मसीह जीवन दै नानड़िया औसौ।

1 कुरिन्थियों 8:1

ऐबै मूर्ति कै सामणै बल़ि कौरेयौंदी चीज़ौ कै बारै मुंजी आमु जाणुए, कै आमु सौबी खै ज्ञान औसौ: ज्ञान घमण्‍ड पौयदा कौरौ, पौरौ प्यार लैई बौढ़ौतरी हौंव।

2 कुरिन्थियों 12:7

पौरौ मुखै तिनु अनौखी चीज़ौ कै बारै मुंजी घमण्‍ड नी कौरणा चैंई जू पौरमेशवरे मुखै दिखाए रैई। इथकारिए इथ पौरैशौ निपटौणौ कारिए ऐक बैजाए चैईथै पौरैशानै दैय राए। शैतान कै ढौबौशा ऐक दूत मुखै मारणौ कारिए दैय राए, ताकि हांव घमण्डी ना होऊं।

1 तीमुथियुस 3:7

औरौ कलीसिया शै बायरै कै लोगौ मुंजी बै तैसका आछा नांव हौणा चैंई। ताकि लोग तैसकै बारै मुंजी बुरी बातौ नी कौरौ औरौ शैतान तैसी आपणै जाल दा ना फौशांव।

1 तीमुथियुस 6:4

तौ सै घमण्डी औसौ, औरौ सै किछै बै ना सौमझौ। ऐशणा आदमी बैकार कै मुदै औरौ बातौ कै बारै मुंजी बैहसबाजी औरौ झोगड़ा कौरणौ कै इछा राखौ, जिनु लैई ज़लन औरौ झोगड़े औरौ नेंदैया की बातौ, औरौ बुरै-बुरै शक हौं,

2 तीमुथियुस 3:4

औरौ धौखा दैणौवाल़ै, जिद्दी, घमण्डी औरौ पौरमेशवर कै नी पौरौ सुख विलास कै चाणो वाल़ै हौन्दै।

1 पतरस 2:2

हांव तोंवारै तुलना नानड़ै नानड़िया आरी कौरु। ऐक नानड़ो नानड़िया हमैशा माँ कौ दूध चांव ताकि मोजबूत बौणौ। तैशैखैई तुऔं पौरमेशवर कै वचन शिखणौ कै इछा राखणै चैंई ताकि तुऐं मोजबूत बौणै सौकौ। तोबै आखिर दा, पौरमेशवर इयौं दुनिया कै बुरै चीज़ौ शै पूरी तरह शै बौचाए पांदा।

1 पतरस 5:5

ऐशैखैई तुऔं जोवान लोगौ कै, अगुवो कै बात मानणै चैंई। तुऔं सौबी खै नम्रता कै साथै ऐकी दूजै कै सेवा कौरणै चैंई। जिथुकै पवित्र शास्त्र दौ लैखै राए कै, “पौरमेशवर घमण्डी लोगौ का विरोध कौरौ, पौरौ नम्र पांदी अनुग्रह कौरौ।”

2 पतरस 2:4

तुऐं जाणौए कै बैजाए सौमय औगौड़ियौ जोबै किछै स्‍वर्गदूतै पौरमेशवर कै आज्ञा ना मानी, तौ तैणै तिनु तिनकै कौरेयौंदे कै सौजा दै। तैणै तिनु नरक दै फेरकाए दियै, औरौ तिनुखै इनारै वाल़ै कोयदी दै तैसी दूस तौड़ी राखै राए जोबै सै तिनका न्याय कौरदा औरौ तिनु सौजा दैंदा।

यहूदा 1:6

याद कौरौ कै प्रभुए तिनु स्‍वर्गदूतौ खै कैशै सौजा दै, जिनुवै आपणै औधिकार कै ना निभैई, पौरौ तिनुऐ आपणै ठाँव कै छोड़े दियै। प्रभुए इनु स्‍वर्गदूतौ खै इनारै कै ठाँव पांदी राखै राए, औरौ ऐशणी शांगुल़ी लैई बानै राए जियौं कुणिए ना तौड़ै सौकौ ताकि महान दूसौ पांदी तिनका न्याय हौए सौकौ।