1 तीमुथियुस 3:5 - सिरमौरी नौवाँ नियम

⁵ जै कुणिए आपणै परिवार का दैखभाल औरौ इतंजाम ना कौरे सौकौ, तौ पौरमेशवर कै लोगौ कै रोखवाल़ै कैशैखै कौरदा।

Sirmouri

⁵ जबे कुँऐं आदमी आप्णे घरह् का ईन्तजाँम ने करी जाँण्दा, तअ से पंण्मिश्वर की कलीसिया की रख्वाल़ी कैई-कैई करी सको?

1 तीमुथियुस 3:5 Iomraidhean Croise

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

1 कुरिन्थियों 10:32

हांव आपणी भोलाए कै बारै मुंजी बिना सोंचै, सौबी खै खुश कौरणौ कै कौचिश कौरु, ताकि तिनु बौचाए सौकु। तैशैखैई तुऐं बै ऐशैखै रौव कै ना यहूदी लोगौ ना बैगानै यहूदी लोगौ ना पौरमेशवर कै कलीसिया कारिए कुणजै पौरैशानी या कुणजै ठोकर कि बौजैह बौणौ।

इफिसियों 1:22

पौरमेशवरे सौबी चीज़ौ कै मसीह कै औधिकार कै अधीन कौरे राए। पौरमेशवरे तैसीकै कलीसिया पांदी ठोगड़े कै रुप दा चोणे राए।

इफिसियों 5:24

जैशै कलीसिया मसीह कै अधीन औसौ, तैशैखैई घोरवाल़ियां बै सौबी बातौ दी आपणै-आपणै घोरवाल़ै कै अधीन रौंव।

इफिसियों 5:32

ऐजा भैद तौ बौड़ा औसौ; ऐजी ऐक कीमती औरौ गंभीर शिक्षा औसौ पौरौ मोऐं सौथीखै मसीह औरौ कलीसिया कै बीच कै सौमबंध कै बारै मुंजी बात कौरे लौए।

1 तीमुथियुस 3:15

कै जै मैरै आणौ दै देर हौलै, तौ तू जाणै पाया कै, पौरमेशवर कै परिवार कै सदस्यों कै रुप दै जू कै जियुंदै पौरमेशवर कै कलीसिया औसौ, आमु आपणा जीवन कैशणा जिणा चैंई। ऐजै बिशवाशी तैशैखैई साची शिक्षाओं का साथ दैंदै औरौ तिनु बाणैयौ राखलै जैशै नियुं औरौ खोम्बा घोरो कै सहारा दैयौ कै तिथु मजबूत कौरौ।