1 तीमुथियुस 3:2 - सिरमौरी नौवाँ नियम

² इथकारिए, ऐजै बात खास औसौ कै अगुवे दै ऐजै गुण हौणै चैंई: तैसीदा कुणजैई दोष ना हौंव, औरौ तैसीकै ऐकैई घोरवाल़ी हौणै चैंई, औरौ शान्त बर्ताव कौरणौवाल़ौ हौणौ चैंई, सै जू किछै बै कौरौ तिनु आपी पांदी काबू राखणौवाल़ै हौणौ चैंई, औरौ लोगौ कै दवारा आदर कौरणौवाल़ा हौणौ चैंई, औरौ तैसी आपणै घोरे पोऊंणै कै इज्जत कौरणौवाल़ा हौणौ चैंई औरौ तैसी पौरमेशवर कै वचन कै आछै शै शिखाणौ कै लायक हौणौ चैंई।

Sirmouri

² परह् ईन्देंखे ऐजो जरूरी असो, के अधिकारी ऐक नीर-दोष, ऐक ही घरवाल़ी का माँलक, होष-हाष वाल़ा, आच्छे बीचार वाल़ा, ईज्जत्तदार, अरह् पाँऊणें का आदर-संत्तकार कर्णों वाल़ा; अरह् शिखाँणों वाल़ संम्झ़दार हों;

1 तीमुथियुस 3:2 Iomraidhean Croise

लूका 1:6

औरौ सै दुईनै पौरमेशवर कै सामणै धरमी थिए, औरौ प्रभु की सौबी आज्ञाओं औरौ नियमौ पांदी निर्दोष चालणौ वाल़ै थिए।

लूका 2:36

हनाह नांव की पौरमेशवर कै बातौ बौताणौवाल़ी थी, औरौ आशेर कै गोत्र मुंजीदै फनूएल नांव कै आदमी की बैटी थी। सै बौहितै बूढ़ी थी, औरौ बैयाव हौणौ कै बाद सै सात सालो तौड़ी आपणै घोरवाल़ै आरी रोए रोई थी।

रोमियों 12:13

पवित्र लोगौ कै जू किछै जौरुरी औसौ, तिथमुंजी तिनकै मौदद कौरौ, औरौ मैहमान नवाज़ी दै लागैयौंदे रौंव।

फिलिप्पियों 2:15

ताकि तुऐं ढीठ औरौ भ्रष्ट लोगौ शै भोरेयौंदे दुनिया दै पौरमेशवर कै सिध्द संतानो कै जैशणै निर्दोष औरौ बिना कपट का जीवन जियौं। तुऔं इयौं दुनिया कै लोगौ कै बीच गौयण कै तारै कै जैशणै चौमकौणौ चैंई जोबै तुऐं तिनु सैजा वचन बौतांव जू सौदा कै जिन्दगी दैंव।

1 तीमुथियुस 3:12

कलीसिया कै सेवको कै आपणी घोरवाल़ी कै प्रति वफादार हौणौ चैंई, आपणै नानड़िया कै साथै आपणै कुड़बे कै ओकी सदस्यों का ठोगड़ापा औरौ दैखभाल कौरणौवाल़ौ हौणौ चैंई।

1 तीमुथियुस 3:8

तैशैखैई कलीसिया कै सेवको कै ऐशणै आदमी हौणौ चैंई जिनका लोग आदर कौरौ। तिनु दुगल़ै औरौ सूरवाए नी हौणौ चैंई, बैसब्री औरौ धौखा दैयौ धन कमाणौ वाल़ै नी हौणौ चैंई।

1 तीमुथियुस 4:3

गौलत शिक्षा दैणौवाल़ै शिखांव कै बैयाव कौरणा औरौ किछै भांत को खाणौं खाणौ गौलत औसौ। पौरौ पौरमेशवरे ऐजौ सौबै बिशवाशी कारिए बाणै राए, जू साची शिक्षाओं खै जाणौए, कै सै तिथु धन्यवाद कै प्रार्थना कै बाद खाणौ खाए सौकौ।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

1 तीमुथियुस 5:22

जांव तौड़ी सै आपी कै मसीह कै प्रति बिशवाश लायक साबित ना कौरे दैंव तांव तौड़ी तैसीकै अगुवा नी बाण औरौ जै तू ऐशै कौरे, तौ तू तैसकै पापौ कारिए बै जुमैवार औसौ, ठाणै पा कै तू आपी पाप ना कौरे।

1 तीमुथियुस 5:9

तू तिनु विधवाओं कौ नांव दर्ज कौर जिनकै उमर शाठ सालो दै जादा औसौ, औरौ सै आपणै घोरवाल़ै कै साथै वफादार रौए रौली।

2 तीमुथियुस 2:24

औरौ प्रभु कै सेवक कै झोगड़ालु नी हौणौ चैंई, पौरौ तैसी सौबी कै साथै दयालु हौणौ चैंई, पौरमेशवर कै वचन कै साफ तरीकै शै शिखाणै दा काबिल हौणौ चैंई औरौ लोगौ कै साथै धीरज राखणा चैंई।

तीतुस 2:2

बुजूर्ग मर्द कै आपी पांदी काबू राखणा चैंई औरौ ऐशैखै बर्ताव कौरणा चैंई ताकि लोग तिनका आदर कौरौ औरौ सौमझदारी शै बर्ताव कौरणा चैंई। तिनु पौरमेशवर पांदी मोजबूती शै बिशवाश कौरणा चैंई, औरौ ओकी लोगौआरी सौचाई शै प्यार कौरणा चैंई औरौ सैहनशोकती राखणै चैंई।

इब्रानियों 13:2

अज़नबियौ कै बै मैहमान नवाज़ी दिखाणै याद राखैया। जिथुकै इथलैई कैतरै आदमीए अणजाणै दा स्‍वर्गदूतौ का आदर सत्कार कौरा।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

1 पतरस 4:7

सौबी बातौ का अन्त तावल़ा हौणौवाल़ा औसौ; इथकारिए आछै शै सुंचौ औरौ आपी खै काबू दै राखैयौ प्रार्थना कौरणौ कारिए चौकश रौंव।

1 पतरस 4:9

लोगौ कै आपणै घोरे इज्जत कौरौ औरौ ऐशै बिना शिकायत कै कौरौ।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।