1 तीमुथियुस 3:1 - सिरमौरी नौवाँ नियम

¹ ऐजै कहावत साची औसौ कै जू कलीसिया का अगुवा हौणा चांव, तौ सै आछै कामौ कै इछा कौरौ।

Sirmouri

¹ ऐजी बात साची असो, के जे कुँऐं आदमी अंधिकारी पंद्-भार लंणों के हिछया कंरह्, ऐजी ऐक आच्छें काँम की हिछ़या असो,

1 तीमुथियुस 3:1 Iomraidhean Croise

लूका 15:10

हांव तुऔं बुलू; ऐशैखैई ऐक पाप कौरणै छोड़णे वाल़ै आदमी कै बारै मुंजी स्‍वर्ग दी पौरमेशवर कै स्‍वर्गदूतौ कै औरौ सोबी कै खुशी हौंव।”

प्रेरितो कै काम 1:20

जिथुकै राजा दाऊदे भजन संहिता दो लैखै राए, ‘तैसकौ घोर उजडै़ जांव, औरौ तिथै कुणिए ना बोसो, औरौ राजा दाऊद ओकी जौगैह ऐशैखै बौल़ौ तैसका ठाँव कुणिए ओका लोए लो।’

प्रेरितो कै काम 20:28

इथकारिए आपणै औरौ पूरै झुंड की दैख-रैख कौरौ; जिथमुंजी पवित्र आत्माए तुऔं ठोगड़े बाणै राए कै तुऐं पौरमेशवर कै कलीसिया कै रोखवाल़ै कौरौ, जिथुकै पौरमेशवरे आपणै लोगौ खै आपणै लोऊ लैई खरीदै राए।

रोमियों 11:13

हांव तुऔं बैगानै यहूदी लोगौ शै ऐजी बातौ बुलू। जोबै कै हांव बैगानै यहूदी लोगौ कारिए चोणेयौंदा चैला औसौ, तौ हांव आपणै सेवकाई पांदी घमण्‍ड कौरु,

इफिसियों 4:12

तिनकै जुमैवारै ऐजै औसौ कै सै बिशवाशियौं कै पौरमेशवर का काम कौरणौ कारिए तैयार कौरौ औरौ मसीह का शोरीर जू बिशवाशियौं कै मंडली औसौ सै मोजबूती शै बौढ़दै जांव।

फिलिप्पियों 1:1

मोऐं पौलुसे तीमुथियुस कै साथै ऐजै चिट्ठी लैखै लौए औरौ आमै मसीह कै सेवक औसौ। मोऐं ऐजै चिट्ठी फिलिप्‍पी शहर दै रौणौवाल़ै कलीसिया कै सौबी ठोगड़े कै औरौ सेवको सहित पौरमेशवर कै पवित्र लोगौ कारिए लैखै लौए।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

1 तीमुथियुस 1:15

ऐजै कहावत साची औसौ, जियौं पूरी तरह शै मानणी औरौ बिशवाश कौरणी चैंई कै यीशु मसीह आमु पापी लोगौ कै बौचाणौ कारिए दुनिया दा ओऊवा, जिनुमुंजी सौबिदा जादा पापी हांव औसौ।

1 तीमुथियुस 4:9

ऐजी बात साची औसौ, औरौ हर भान्त शै मानणौ कै लायक औसौ।

2 तीमुथियुस 2:11

ऐजै बात सैजै औसौ, कै जै आमु मसीह कै साथै मौरे गौवै तौ तैसकै साथै जियुंदी बै हौंदै।

तीतुस 1:7

जिथुकै ऐक अगुवे कै पौरमेशवर का भण्‍डारी हौणौ की बौजैह शै निर्दोष हौणौ चैंई; औरौ ना हठीला, ना गुस्से बाज, ना पियक्कड़, ना मारपीट कौरणौवाल़ा औरौ ना नीच कमाई का लालची हौणा चैंई।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

1 पतरस 2:25

ऐक सौमय दै तुऐं तिनु भेड़ो कै जैशणै थिए जिनुऐ आपणै बाट बिसरै राए थै। पौरौ ऐबै तुऐं मसीह कै धोरे पाछु आए रौवै जू तोंवारै रोखवाल़ी कौरौ औरौ तुऔं पांदी नज़र राखौ।

1 पतरस 4:15

तुऔं मुंजीदै कुणिए आदमी खूनी या चोर, या कुकर्मी हौणौ पांदी, या पराए काम दै हाथ पाणौ कै बौजैह शै दुख ना पांव।

1 पतरस 5:2

जैशैखै चौराईया आपणै भैड़ौ कै रोखवाल़ी कौरौ, तैशैखैई तुऔं सौबी कै रोखवाल़ी कौरणै चैंई जिनु पौरमेशवरे तोंवारै दैखभाल दै सौंपै राए। ऐजौ आपणी मर्जी शै कौरौ, जिथुकै पौरमेशवर ऐजौई चांव कै तुऐं ऐशै कौरौ। ऐशै सिरफ इथकारिए नी कौरौ जिथुकै तुऔं ऐशै कौरणौ कारिए मजबूर कौरे राए। ऐजा काम इथकारिए ना कौरौ जिथुकै तुऐं पौयसै कमाणै चांव पौरौ पौरमेशवर औरौ लोगौ कै सेवा कौरणौ कै इछा कै साथै कौरौ।