1 तीमुथियुस 2:4 - सिरमौरी नौवाँ नियम

⁴ सै चांव कै सौबै बौचै जांव औरौ सच कै ज्ञान खै जाणौ।

Sirmouri

⁴ जू ऐजो चहाँव के बादे आदमी खे छ़ुट्कारा भेंटो, अरह् से सच्चाई आच्छ़ी करियों फंह्छ़ियाणीं पाँव।

1 तीमुथियुस 2:4 Iomraidhean Croise

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

मरकुस 16:15

तोबै यीशुए तिनुखै बौल़ौ, “तुऐं सारै दुनिया पांदी जाऐबा सारै धोरती कै लोगौ खै सुसमाचार प्रचार कौरौ।

लूका 1:77

तू पौरमेशवर कै लोगौ खै पापौ कै माफी औरौ उध्दार कै बारै मुंजी ज्ञान दैला।

लूका 14:23

मालिकै नोकरो खै बौल़ौ, ‘शोड़को पुंडे औरौ बाटो कै ढौबौ जायौ लोगौ खै जबरदस्ती कौरेयौ लियांव ताकि मैरौ घोर भोरै जांव।

लूका 24:47

औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 17:17

तैरा वचन साचा औसौ, औरौ तिनु सौचाई दै आपी कारिए जौई कौर।

यूहन्ना 6:37

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

रोमियों 11:14

ताकि कोसी रीति शै हांव आपणै लोगौ मुंजी ज़लन पौयदा कौरे सौकु तिनुमुंजी दै कैईंयौं कै मोक्ति कौरौऊं।

1 तीमुथियुस 4:10

आमु ऐसी जीवन कै पाणौ कारिए संघर्ष औरौ कड़ी मैहनत कौरु जिथुकै आमै जियुंदै पौरमेशवर पांदी आशा कौरु, जू सौबी लोगौ का उध्दारकर्ता औसौ, औरौ खास तौर शै तिनका जू तैसी पांदी बिशवाश कौरौ।

2 तीमुथियुस 2:25

तैसी दया शै तिनु लोगौ खै सौमझाणे चैंई जू तैसकै खिलाफ औसौ, शैतानै इनु लोगौ कै फोशाए राए औरौ तिनका कैहणा मानै राए। पौरौ पौरमेशवर तिनु पाप छोड़णे औरौ सौचाई खै जाणणौ दै मौदद कौरदा, ताकि सै आपणै होशो दै आंव औरौ तैसदै दूर हौए जांव। शैतानै तिनु धौखै शै सैजौ कौरवाए राए जू सै चांव कै सै कौरौ।

2 तीमुथियुस 3:7

सै सौदा नुई चीज़ौ शिखदै रौंव पौरौ सौचाई कै बारै मुंजी साची शिक्षा कै कौलोंई ना सौमझौ।

तीतुस 1:1

मोऐं, पौलुसे ताखै ऐजी चिट्ठी लैखै लोए, जू पौरमेशवर का सेवक औरौ यीशु मसीह का चोणेयौंदा चैला औसौ, मुखै पौरमेशवर कै चोणेयौंदे लोगौ कै बीच मुंजी बिशवाश कै मोजबूत औरौ साची शिक्षाओं कै जाणणौ कै मौदद कौरणौ कारिए भैजै राए ताकि सै ऐशणा जीवन जियौं जू पौरमेशवर कै खुश कौरौ।

तीतुस 2:11

बिशवाशी कै ऐशैखै शिखा जिथुकै पौरमेशवरे सौबी लोगौ कै पापौ शै छुड़ाणो कै बाट दिखायौ आपणै दया दिखाए राए।

इब्रानियों 10:26

जिथुकै सुसमाचार कै सौचाई खै जाणणौ कै बाद, जै आमु जाणै बौझेयौ पाप कौरु, तौ ऐशणा कुणजाई बलिदान बाकी ना आथी जू अमारै पापौ खै दूर कौरे सौकौ।

याकूब 3:14

पौरौ जै तुऐं आपणै-आपणै मन दै बैजाए ज़लन औरौ स्वार्थ राखौ, तुऐं ऐजा घमण्‍ड नी कौरणा चैंई कै तुऐं ऐक बुध्दिमान आदमै औसौ। जै तुऐं ऐशै कौरौ तौ तुऐं सौचाई खै झूठ दो बौदलै दैंव।

2 पतरस 3:9

किछै लोग सुंचौए कै प्रभु आपणै पाछु आणौ कै वादै खै पूरा कौरणौ खै बैरियाए लौ, पौरौ प्रभुए तैशैखै ना बैरियाए लैई। पौरौ, तैणै तोंवारै साथै सब्र राखै राए। जिथुकै सै कोसी कै बै नाश ना कौरणै चांव। पौरौ चांव औसौ कै सौबै जोणे पाप कौरणै छोड़े दैंव औरौ गौलत काम कौरणै बंद कौरे दैंव औरौ तैसकै धोरे आए जांव।

2 यूहन्ना 1:1

मोऐं यूहन्नाए कलीसिया कै अगुवे इयौं चिट्ठी कै लैखै लौए। मोऐं ऐजै चिट्ठी पौरमेशवर कै चोणेयौंदी तियौं फोल़ाणी बोईणी औरौ तियांरै नानड़िया कारिए लैखै लौए जिनु आरी हांव साचा प्यार कौरु, औरौ सिरफ हांव ही नी पौरौ सैजै सौब जोणे बै प्यार कौरौ जू सौचाई खै जाणौ।

प्रकाशितवाक्य 14:6

औरौ मोऐं ऐक ओकी स्‍वर्गदूतौ कै गौयणी दा ऊंचे पांदी उड़दै बैई दैखा। तैसी स्‍वर्गदूतै तैसी सुसमाचार खै कौरे राए थिया जू कौलोंई ना बौदलौ, तैणै दुनिया दै रौणौवाल़ै लोगौ दै, सौब देशो कै, सौबी गोत्र औरौ सौबी भांत कै भाषा दै सुसमाचार कै घोषणा कौरे।