1 तीमुथियुस 2:10 - सिरमौरी नौवाँ नियम

¹⁰ इथकै बजाय, तिनु ओकी लोगौ कारिए भले काम कौरेयौ आपी कै सुन्दर बौणणौ चैंई। जिथुकै पौरमेशवर कै भोक्‍ती कौरणौवाल़ी बैटमाणिशौ कै ऐजौई कौरणौ ठीक औसौ।

Sirmouri

¹⁰ बलकी भले काँमों शी सजो, किन्देंखे के पंण्मिश्वर की भगत्ती धारण कंर्णो वाल़ी तिरंईयों खे ऐजो ही ठीक भे असो।

1 तीमुथियुस 2:10 Iomraidhean Croise

प्रेरितो कै काम 9:36

याफा नगर दा तबीता नांव कै ऐक बिश‍वाशनी बैटमाणिश थै, यूनानी भाषा दो तियौंको नांव दोरकास थियु। सै बौहितै भोल़ै-भोल़ै काम औरौ गरीब लोगौ कै मौदद कौरौ थै।

प्रेरितो कै काम 9:39

तोबै पतरस बिज़यो तिनकै साथी हौटै गौआ औरौ जोबै सै पोऊंचा तौ सै तैसीखै उपले कोमरै दै लोए गौवै औरौ सौबै विधवाएं रुंदै बैई तैसकै धोरे आयौ खोड़ी हौए गोई औरौ जू कूर्ते औरौ खोटणो दोरकासे तिनकै साथी रौंदै बैई बाणै राए थिए, दिखांदी लागी।

इफिसियों 2:10

जिथुकै आमै पौरमेशवर कै बाणैयोंदै औसौ, औरौ मसीह यीशु दै आमु कै नौवें लोगौ कै रुप दै इथकारिए बाणै राए, ताकि आमै तिनु भले काम कै कोरयो जीवन बीतांव जिनु कामौ कै पौरमेशवरे औगौड़ियौ शै आमु कारिए तैयार कौरे राए।

1 तीमुथियुस 2:11

जोबै मर्द लोग बिशवाशियौं खै शिखांव, तोबै सौबी बैटमाणिशौ कै चुपचाप औरौ बैजाए इज्जत कै साथै रौयौ, शुण्णु औरौ शिखणु चैंई।

1 तीमुथियुस 2:9

ऐशैखैई, हांव चोऊं कै बैटमाणिशौ बै आपणै लुस्कै लैई आपणै शोरीर कै पूरै तौर तरीकै शै खौटयौ राखौ, बजाय ऐशणै लुस्कै बाम्बैयौ कि मर्द तिनकै ढौबौ बैहकै जांव। ना कै लुभावनै तरीको शै बाल बाणैयौ आपणी ढौबौ तिनका ध्यान बौटांव औरौ ना ही सूनु, मौतियो औरौ बौहितै मौंगै लुस्कै लैई बै तिनका ध्यान बौटांव,

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

2 पतरस 3:11

ऐजौ तय औसौ कै पौरमेशवर सौबी चीज़ौ कै ऐशैकै नाश कौरे दैन्दा, तौ तुऐं पाकौ जाणौए कै तुऔं कैशैकै बर्ताव कौरणा चैंई। तोंवारा बर्ताव साचा हौणा चैंई औरौ जू किछै बै तुऐं कौरौए तिथलैई पौरमेशवर कै खुश कौरौ।

प्रकाशितवाक्य 2:19

हांव जाणुए कै तू का कौरे, औरौ हांव जाणुए कै तुऐं ऐकी दुजैआरी प्यार कौरौ औरौ तुऐं मुं पांदी मोजबूती शै भोरोशा कौरौ। हांव जाणुए कै तुऐं कैशै ऐकी दूजै कै मौदद कौरे, औरौ तुंआरी सैहणौ कै योग्यता बै जाणुए। हांव जाणुए कै तुऐं ऐबै इनु भले कामौ कै तैसी सौमय शै जादा कौरे लौवै जोबै तुऐं मुं पांदी आगलै बैई बिशवाश कौरा थिया।