1 तीमुथियुस 1:17 - सिरमौरी नौवाँ नियम

¹⁷ ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

Sirmouri

¹⁷ ऐबे सदा का राजा मतल्व अ-बिनाषी, अनाँथों: खे, सिर्फ ऐक पंण्मिश्वर का आदर अरह् बड़ियाऐ ज़ूगौ-ज़ूगौ तोड़ी हंदी रंह्। आमीन।

1 तीमुथियुस 1:17 Iomraidhean Croise

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

मत्ती 28:20

औरौ तिनु सौबै आज्ञाए जू मोऐं तुऔं खै दैय रैई, मानणी शिखाव औरौ शुणौ, हांव जगत खै अन्त तौड़ी हमैशा तोंवारै साथै औसौ।”

मत्ती 6:13

‘औरौ आमुखै परीक्षा दै नै पोड़णो दैया, पौरौ दुष्ट शैतान कैईंदै बौचा; (जिथुखै राज्य औरौ शौकतै औरौ महिमा सौदा तैरै औसौ।’” आमीन)

यूहन्ना 1:18

पौरमेशवर कै कोसीए कौलोंई ना दैखै रैई, सिरफ तैसकै इकलोतै बैटै दैखी राए ‍‌जू सौथी कै पौरमेशवर औसौ, औरौ पिता पौरमेशवर कै सौबिदा नेड़िक औसौ, तैणै आमु दिखाए राए, कै पौरमेशवर कैशणा औसौ।

यूहन्ना 5:44

तुऐं मुं पांदी बिशवाश ना कौरे सौकौ, जिथुकै तुऐं ऐकी दूजै शै तारीफ पाणै चांव, औरौ तुऐं तियौं तारीफ कै पाणौ कै कौचिश ना कौरौ जू सिरफ ऐकैई पौरमेशवर दैंव।

रोमियों 1:20

आमै बिना पौरमेशवर कै सौदा कै अनौखी शौकतै औरौ गुणो कै ना दैखै सौकौ। पौरौ इनु बातौ कै पौरमेशवरे दुनिया कै शुरुआत शै, आपणी बाणैयौंदी सौबी चीज़ौ कै दवारा दिखाए राए। इथकारिए तिनु लोगौ कैंई ऐजौ बौलणौ कारिए कुणजाई भाना ना आथी कै सै पौरमेशवर कै ना जाणौ।

रोमियों 1:23

औरौ लोगै हमैशा जियुंदी रौणौवाल़ै पौरमेशवर कै महिमा कै नाश हौणौवाल़ै आदमी दै, चुड़कुल़ै दै, औरौ चौपायों दै, औरौ रेंगणैवाल़ै जन्‍तुऔ कै मूर्ति दै बौदल़ी दी।

रोमियों 11:36

जिथुकै सौब ठुँ पौरमेशवर शै आंव। तैणै सौब ठुँ बाणै राए, औरौ सौब ठुँ तैसकौ ही औसौ। तैसकै महिमा जुग-जुग हौन्दै रौंव। आमीन।

रोमियों 16:27

तैसी एकमात्र बुध्दिमान पौरमेशवर कि यीशु मसीह कै दवारा युग-युग महिमा हौंदी रौंव। आमीन।

रोमियों 2:10

पौरौ महिमा औरौ आदर औरौ शान्तै हरेक आदमी कै भैटदी, जू भला कौरौ, पौरमेशवर सौबीदै आगै यहूदी लोगौ खै दैंदा औरौ तोबै तिनुकै जू बैगानै यहूदी औसौ।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

कुलुस्सियों 1:15

कुणिए बै पौरमेशवर कै ना दैखै सौकौ, पौरौ जोबै तैसका बैटा ऐक आदमी कै रुप दा ओऊवा तौ तैणै पौरमेशवर खै लोगौ कै सामणै प्रगट कौरे दिया; औरौ सौबी चीज़ौ कै बाणणौ दा आगै सै बजूद दा थिया औरौ पूरी दुनिया पांदी तैसका औधिकार सौबिदा बौड़ा औसौ।

इब्रानियों 11:27

बिशवाश लैई राजा कै गुस्से दा ना डौरेयौ तैणै मिस्र देश खै छोड़ दियु, जिथुकै सै सौमझै गौआ थिया कै ऐजौ मानणौ तैशणौ थियु जैशै तैणै पौरमेशवर खै दैखै राए थिया, जू दैखियौं ना।

इब्रानियों 2:7

तोऐं यीशु खै स्‍वर्गदूतौ शै कम शौकतीशाली कौरा औरौ तोऐं तैसी ऐकी राजा कै जैशणा महिमा औरौ आदर दिया औरौ आपणी सौबै चीज़ौ तैसकै अधीन कौरे दी।

1 पतरस 5:11

सै हमैशा कारिए शौकतीशाली रुप दा शासन कौरदा। आमीन।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।

1 यूहन्ना 4:12

पौरमेशवर खै कौलोंई कुणिए ना दैखै रैई, जै आमै आपी मुंजी प्यार राखु, तौ पौरमेशवर आमुदा बौणेयौंदा रौंव औरौ तैसका प्यार आमुदा सिध्द हौंव।

यहूदा 1:25

सै एकमात्र पौरमेशवर औसौ औरौ अमारै प्रभु यीशु मसीहे अमारै खातिर जू कौरे राए, तैसकै दवारा आमु बौचाए राए। अमारा प्रभु यीशु मसीह लोगौ कै दवारा पौरमेशवर कै इज्जत कौरणौ औरौ तैसकै तारीफ कौरणौ कै बौजैह बौणौ। ताकि लोग जाणी पांव कै तैसीकैईं सौमय कै शुरुआत शै लोयो आणौवाल़ै सौमय तौड़ी औरौ हमैशा-हमैशा कारिए शौकतै औरौ औधिकार औसौ। आमीन।

प्रकाशितवाक्य 15:3

सैजै ऐक ऐशणौ गीत गांव थिए जैशैकै पौरमेशवर कै सेवक मूसाए बैजाए औगौड़ियौ गाए राए थियु। तिनुऐ यीशु कै महिमा कौरणौ कारिए, जू कै ऐक मेम्ने साए औसौ, ऐशैकै खै गौऊं: “ओए रै सौबिदा बौड़ा शौकतीशाली प्रभु पौरमेशवर, जू किछै तुऐं कौरे राए सै महान औरौ अनौखा औसौ। तू सौबी देशो का राजा औसौ, तू जू बै कौरे सोही औरौ धरमी औसौ।”

प्रकाशितवाक्य 17:14

सैजै मेम्ने कै खिलाफ लौड़ाए कौरदै, पौरौ मेम्‍ना तिनु हराए दैंदा, जिथुकै सै प्रभुओं का प्रभु औरौ राजाओं का राजा औसौ। मेम्ना आपणै बुएदैहौंदै, चोणेयौंदे औरौ बिशवाश लायक चैलै कै साथै तिनु पांदी जीतै जांदा।

प्रकाशितवाक्य 19:1

जोबै बलवान स्‍वर्गदूतै बौल़ाणौ खत्म कौरौ, मोऐं जू शुणु सै ऐशैकै थियु जैशै स्वर्ग दै बौहितै सारै लोगै गाए लौ हौल़ौ, “हालेलुय्याह! मोक्ति, औरौ महिमा, औरौ अनौखी शौकतै अमारै पौरमेशवर का ही औसौ।

प्रकाशितवाक्य 19:16

औरौ तैसकै लौइये औरौ सोऐं कौलाटो पांदी ऐजौ नांव लैखै राखौ: “राजाओं का राजा औरौ प्रभुओं का प्रभु।”

प्रकाशितवाक्य 19:6

तोबै मोऐं जू शुणु सै बैजाए बौड़ी संख्या दौ लोगौ कै लैरौ मारणौ कै जैशणौ थियु। ऐजौ ऐक बौड़ै झरणै कै आवाज़ कै जैशणौ जौरदार थियु औरौ बादल़ कै गड़गड़ाणै कै जैशणौ थियु। तिनुऐ बौल़ौ, “आओ आमै पौरमेशवर कै स्तुति कौरु! अमारा सौबिदा बौड़ा शौकतीशाली पौरमेशवर राजा औसौ।”

प्रकाशितवाक्य 7:12

तिनुऐ बौल़ौ, आमीन, “अमारै पौरमेशवर, आमै हमैशा तैरी महिमा कौरु, ताखै धन्यवाद औरौ आदर दियु! आमै मानुए कै तू पूरा ज्ञानवान औसौ, औरौ शौकतीशाली औसौ, जू हमैशा कारिए सौबी कामौ कै कौरणौ कै लायक औसौ! आमीन।”