1 तीमुथियुस 1:16 - सिरमौरी नौवाँ नियम

¹⁶ पौरौ मसीह यीशुए मुंआरी दया दिखाए। मुखै माफ कौरा, मोऐं जैणै सौबी दै जादा पाप कौरे राए, इयौं बातौ लैई प्रभु ऐजौ दिखाणौ चांव कै सै कैतरा सहनशील औसौ। ऐजौ तिनु लोगौ कारिए ऐक उदारण हौंदा जू तैसी पांदी बिशवाश बाद मै कौरदै औरौ सौदा कै जिन्दगी पांदै।

Sirmouri

¹⁶ परह् मुँह गाशी ईन्देंखे दया-रंय्म करी, के मुँह सब शे बड़े पापी दी यीशू मसीया ऐ आप्णी असीम सहय्नशीलता देखाऐ, जू लोग तिनू गाशी अमर-जीवन पाणों खे बिश्वाष करह्, जू हाँव तिनू लोगो खे ऐक नँमूना बंणू।

1 तीमुथियुस 1:16 Iomraidhean Croise

लूका 15:10

हांव तुऔं बुलू; ऐशैखैई ऐक पाप कौरणै छोड़णे वाल़ै आदमी कै बारै मुंजी स्‍वर्ग दी पौरमेशवर कै स्‍वर्गदूतौ कै औरौ सोबी कै खुशी हौंव।”

लूका 23:43

यीशुए तैसी बौल़ौ, “हांव ताखै साचौ बुलू कै ऐलोई तू मैरै साथै स्वर्ग दा हौंदा।”

लूका 7:47

“हांव ताखै बुलू; कै ऐजै मुखै जादा प्यार इथकारिए कौरौ जिथुकै इयौंकै पाप माफ कौरे राए जू बौहितै थिए; पौरौ जिनकै दैणिक पाप माफ कौरे राए सै मुंआरी दैणी शा प्यार कौरौ।”

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

यूहन्ना 3:36

जू पौरमेशवर कै बैटै पांदी बिशवाश कौरौ, सै सौदा कै जिन्दगी पांव; पौरौ जू बैटै कै ना मानौ, तैसी सौदा कै जिन्दगी ना भैटदी, पौरौ पौरमेशवर कै सौजा तैसी पांदी रौंदै।”

यूहन्ना 5:24

हांव तुऔं खै साचौ-साचौ बुलू, जू मैरा वचन शौणैबा मैरै भैजणैवाल़ै पांदी बिशवाश कौरौ कै पिता पौरमेशवरे मुखै छाड़ै राए, सै सौदा कै जिन्दगी पांव, औरौ तिनुखै सौजा ना भैटदै, पौरौ सै सौदा कै मौत शै बौचै गौवै औरौ आगैई नौवें जिन्दगी दा प्रवेश कौरे पाए।”

यूहन्ना 6:37

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

यूहन्ना 6:40

जिथुखै मैरै पिता पौरमेशवर कै ऐजी इछा औसौ, कै जू कुणिए मुखै जू पौरमेशवर का बैटा औसौ दैखौ, औरौ मुं पांदी बिशवाश कौरौ, सै सौदा कै जिन्दगी पांदा औरौ हांव तैसीखै आखरी दूसै हौजौ मौरेयौंदे मुंजीदै जियुंदी कौरे दैंदा।”

यूहन्ना 6:54

जू मैरा शोरीर खांव, औरौ मैरा लोऊ पियौं, सौदा कै जिन्दगी तैसकै औसौ, औरौ हांव न्याय कै दूसै हौजौ तैसी मौरेयौंदे मुंजीदा जियुंदी कौरे दियुंबा।

प्रेरितो कै काम 13:39

औरौ जिनु बातौ शै तुऐं मूसा कै कानून कै दवारा निर्दोष ना ठौहरै सौकौ, तिनु सौबी बातौ दा हरेक बिशवाश कौरणौवाल़ा यीशु कै दवारा निर्दोष ठौहरौ।”

रोमियों 15:4

जैतरी बातौ आगै पवित्र शास्त्र दी लैखै रैई, सैजी अमारी ही शि‍क्षा खातिर लैखै राए, कै पवित्र शास्त्र शै जू आमु धीरज औरौ हिम्मत भैटौ ताकि आमु तिंदै आशा राखै सौकु कै पौरमेशवरे जू वादा कौरे राए थिया, सै पूरा कौरदा।

रोमियों 6:23

जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

1 कुरिन्थियों 7:25

कुवांरियों कै बारै मुंजी मुखै प्रभु कै कुणजै आज्ञा ना भैटी रैई, जिथुकै हांव पौरमेशवर कै दया की बौजैह शै भौरोशैमंद लोगौ मुंजीदा ऐक औसौ, हांव आपणी राय दियु।

2 कुरिन्थियों 4:1

इथकारिए जोबै आमु पांदी ऐशणै दया हौए, कै पौरमेशवर कै सौंदेश कै प्रचार कौरणौ कै सेवकाई भैटी, तौ आमु हिम्मत ना छुडु़।

इफिसियों 1:12

आमै यहूदी आगलै लोग औसौ जिनुवै मसीह पांदी आशा राखै, औरौ आमु इथकारिए चोणे राए थिए ताकि आमु लोगौ कै दवारा पौरमेशवर कै महानता कै बौड़ाए हौंव।

इफिसियों 1:6

इथकारिए आमै पौरमेशवर कै महान अनुग्रह कारिए तैसकै बौड़ाए कौरु, जू तैणै आमु ऐई मुंजी दैय राए जिथुकै आमै तैसकै प्यारे बैटै कै साथै ऐक औसौ।

इफिसियों 2:7

पौरमेशवर ऐजौ इथकारिए कौरौ ताकि सै भविष्‍य दै सौबी कै बौताए सौकौ कै अमारै प्रति सै तैसी काम की बौजैह शै जू मसीह यीशुए अमारै खातिर कौरे राए महान अनुग्रह कै साथै पैश ओऊवा,।

2 थिस्सलुनीकियों 1:10

ऐजी बातौ तौलौ हौंदी जौल़ौ प्रभु यीशु मसीह तिनु पवित्र लोगौ कै दवारा महिमा पाणौ कारिए पाछु आन्दा जू तैसी पांदी बिशवाश कौरौ। औरौ हैरान हौयौ बिशवाशी लोग प्रभु कै दैखदै। औरौ तैसी दूसै तुऐं तिनु लोगौ मुंजी तैसकै महिमा कौरदै, जिथुकै तुऐं तैसी पांदी बिशवाश कौरे राए थिया।

1 तीमुथियुस 1:13

हांव तौ बिशवाशी बाणणौ दा आगै मसीह कै बारै मुं‍जी बुरी बातौ कौरणौवाल़ा, औरौ बिशवाशी कै सौताणौवाल़ा, औरौ तिनुकै नुकसान पोऊंचाणौ वाल़ा थिया, जिथुकै हांव इबी तौड़ी मसीह पांदी बिशवाश ना कौरु थिया औरौ इयौं बौजैह शै हांव सौमझै ना सौकी कै जू मोऐं कौरे लो थियु सै गौलत थियु। इथकारिए पौरमेशवरे मुं पांदी दया कौरे, जिथुकै हांव ना सौमझी कै मोऐं का कौरे लो थियु औरौ मुखै इबी तौड़ी मसीह पांदी बिश‍वाश ना थी।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

1 पतरस 3:20

ऐजी तिनु लोगौ की आत्माए थी जिनुवै बैजाए सौमय औगौड़ियौ पौरमेशवर कै आज्ञा ना मानी। जोबै नूहे आपणै जहाजो खै बाणै लौ थियु, तौ पौरमेशवर सब्र राखियो ठोल़नाए कौरे लौए थी कै दैखौ का सैजै लोग पाप कौरणा छोड़े दैंदै। पौरौ जोबै पाणीए दुनिया का नाश कौर दिया, तौ जहाजो दै रौणौवाल़ै सिरफ आठ लोग बौचाए गौवै थिए।

2 पतरस 3:15

औरौ अमारै प्रभु कै सब्र खै ऐक मौकै कै रुप दा दैखौ जू तैणै तुऔं कै आणौवाल़ै न्याय शै बौचणौ कारिए दैय लौआ। ऐजौ पौलुसे बै, जू अमारा प्यारा साथी बिशवाशी औसौ, तुऔं ऐकी चिट्ठी दा तैसी ज्ञान का इस्तैमाल कौरदै बैई लिख राव थियु, जू पौरमेशवर तैसी दैंव।

2 पतरस 3:9

किछै लोग सुंचौए कै प्रभु आपणै पाछु आणौ कै वादै खै पूरा कौरणौ खै बैरियाए लौ, पौरौ प्रभुए तैशैखै ना बैरियाए लैई। पौरौ, तैणै तोंवारै साथै सब्र राखै राए। जिथुकै सै कोसी कै बै नाश ना कौरणै चांव। पौरौ चांव औसौ कै सौबै जोणे पाप कौरणै छोड़े दैंव औरौ गौलत काम कौरणै बंद कौरे दैंव औरौ तैसकै धोरे आए जांव।