1 तीमुथियुस 1:11 - सिरमौरी नौवाँ नियम

¹¹ ऐजी साची शिक्षा तैसी सुसमाचार कै हिसाब शै औसौ जू तैसी महिमा कै बारै मुंजी औसौ जू धन्‍य पौरमेशवर शै सौमबंधित औसौ। पौरमेशवरे मुखै सैजा सुसमाचार ओकी कै बौताणौ कारिए सौंपै राए।

Sirmouri

¹¹ ऐजी शिक्क्षा पंण्मिश्वर की बड़ियाऐ की खुषख्बरी के मुँताबिक शी असो, अरह् हर प्रकार के कृपा देंणों वाल़े, महाँन परंम-पिता पंण्मिश्वर शी भेंटी रंह्, जू मुँह कैई देऐ थऐ।

1 तीमुथियुस 1:11 Iomraidhean Croise

लूका 2:14

“स्वर्ग दै पौरमेशवर कै महिमा औरौ धोरती पांदी तिनु आदमी कै शान्तै भैटौ, जिनु लोगौ दा सै खुश औसौ।”

रोमियों 2:16

ऐजौ तैसी दूसै हौंदौ जौल़ौ पौरमेशवर ऐसी सुसमाचार जैसका हांव प्रचार कौरु यीशु मसीह कै दवारा आदमियों कै गुप्‍त बातौ का न्याय कौरदा।

1 कुरिन्थियों 9:17

जै हांव ऐजा काम आपणी मर्जी शै कौरु तौ मुखै इनाम भैटदा। पौरौ जै पौरमेशवरे मुखै ऐजै जिम्मेदारी दैय राए, तौ हांव इनाम कि का उम्मीद कौर सौकु? हांव कोसी बै इनाम कै उम्मीद ना कौर सौकु।

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

गलातियौं 2:7

इथकै अलावा अगुवे जोबै दैखौ कै पौरमेशवरे मुखै औधिकार दैय राए कै जैशै यहूदी लोगौ कारिए सुसमाचार प्रचार कौरणौ का काम पतरस खै सौंपै राए, तैशैखैई बैगानै यहूदी लोगौ कारिए मुखै सुसमाचार का प्रचार कौरणा सौंपै राए।

इफिसियों 1:12

आमै यहूदी आगलै लोग औसौ जिनुवै मसीह पांदी आशा राखै, औरौ आमु इथकारिए चोणे राए थिए ताकि आमु लोगौ कै दवारा पौरमेशवर कै महानता कै बौड़ाए हौंव।

इफिसियों 1:6

इथकारिए आमै पौरमेशवर कै महान अनुग्रह कारिए तैसकै बौड़ाए कौरु, जू तैणै आमु ऐई मुंजी दैय राए जिथुकै आमै तैसकै प्यारे बैटै कै साथै ऐक औसौ।

इफिसियों 2:7

पौरमेशवर ऐजौ इथकारिए कौरौ ताकि सै भविष्‍य दै सौबी कै बौताए सौकौ कै अमारै प्रति सै तैसी काम की बौजैह शै जू मसीह यीशुए अमारै खातिर कौरे राए महान अनुग्रह कै साथै पैश ओऊवा,।

इफिसियों 3:10

ताकि ऐबै कलीसिया कै दवारा, पौरमेशवर का सान्त-भान्त का ज्ञान तिनु प्रधानों औरौ औधिकारियो पांदी जू स्वर्ग कै ठाँव दै औसौ, प्रगट कोरी सौकौ।

कुलुस्सियों 1:25

पौरमेशवरे मुखै इथकारिए चोणे राए ताकि हांव तैसकै सौंदेश कै तुऔं पूरी तरह सौमझाए सौकु औरौ इयौंई बौजैह शै हांव कलीसिया का सेवक बौणै गौआ।

1 थिस्सलुनीकियों 2:4

पौरमेशवरे आमुखै काबिल सौमझेयौ सुसमाचार सौंपै राए। इथकारिए आमु आदमियों कै नी, पौरौ अमारै दिल खै पौरखणौ वाल़ै पौरमेशवर खै खुश कौरणौ कारिए उपदैश दियु।

1 तीमुथियुस 2:7

इयौं बौजैह शै, पौरमेशवरे मुखै सुसमाचार का प्रचारक औरौ ऐक चोणेयौंदा चैला हौणौ कारिए चोणे राए। तैणै मुखै बैगानै जाति कै लोगौ कै बिशवाश का साचा सौंदेश शिखाणौ कारिए चोणे राए। मोऐं झूठु ना बौल़ै लैई; पौरौ मोऐं साचौ लो बौल़ै।

1 तीमुथियुस 6:15

पौरमेशवर, जू एकमात्र राजा औसौ जू तारीफ कै लायक औसौ, राजाओं का राजा औरौ प्रभुओं का प्रभु औसौ, सै मसीह कै सोही सौमय पांदी प्रकट कौरदा।

1 तीमुथियुस 6:20

ओए रै तीमुथियुस, ठाणी पा कै तू सैजा काम कौर जू पौरमेशवरे ताखै दैय राए। औरौ ऐशणी भोक्‍ती औरौ मूर्खता वाल़ी चोर्चओं औरौ तिनु शिक्षाओं शै दूर रौया जू पौरमेशवर की साची शिक्षा का विरोध कौरौ, जिथुकै सै गौलत तरीकै शै ज्ञान बौल़ौ।

2 तीमुथियुस 1:11

पौरमेशवरे मुखै ऐसी सुसमाचार का प्रचार कौरणौ कारिए औरौ चोणेयौंदा चैला बौणणौ कारिए औरौ बैगानै यहूदी लोगौ कै उपदैश दैणौ कै खातिर चोणे राए।

2 तीमुथियुस 1:14

यीशु मसीह कै बारै मुंजी सुसमाचार कै रक्षा कौरौ जू पौरमेशवरे तुऔं दैय राए थिया, पवित्र आत्मा कै मौदद लैई जू आमुदा रौंव।

2 तीमुथियुस 2:2

तुऐं मुखै बौहितै लोगौ कै सामणै मसीह कै बारै मुंजी सौंदेश कै शिखांदै बैई शौणै राए। इथकारिए, हांव चोऊं कै तू बै ओकी बिशवाशियौं कै ऐजा ही सौंदेश शिखा जू बिशवाश लायक लोग औसौ, औरौ जू ओकी खै बै ऐजौई शिखाणौ कै लायक हौंदै।

तीतुस 1:3

औरौ ऐबै बिल्कुल ठीक सौमय पांदी, पौरमेशवरे ऐसी सुसमाचार कै अमारै सामणै दैय राए औरौ आमै इथका प्रचार सौबी मुंजी कौरु। पौरमेशवर औरौ अमारै उध्दारकर्ताए ऐजै आज्ञा दैंदै बैई मुखै जुमैवारी दै कै तैसी कारिए ऐजा काम कौरु।