1 थिस्सलुनीकियों 5:11 - सिरमौरी नौवाँ नियम

¹¹ इयौं बौजैह शै ऐकी दूजै खै हिम्मत दैव, औरौ पौरमेशवर पांदी हौजौ मोजबूती शै बिशवाश कौरणौ कारिए ऐकी दूजै कै मौदद कौरौ जैशैखै तुऐं कौरौ बै औसौए।

Sirmouri

¹¹ ईन्देंखे ओकी खे होंस्ला दियों, अरह् ओकी की बड़ोत्री का कारण बंणों; जेष्णों के तुँऐं करी भे लुओ।

1 थिस्सलुनीकियों 5:11 Iomraidhean Croise

रोमियों 14:19

इथकारिए आमु हमैशा तिनु बातौ कै कौचिश कौरणै चैंई जू शान्तै की बौजैह बौणौए, जिथलैई ऐकी दूजै कै मौदद औरौ बिशवाश मोजबूत हौंव।

रोमियों 15:14

ओए रै मैरै बिशवाशी भाईयों; हांव आपी बै तोंवारै बारै मुंजी निशोंक हौयौ जाणु, कै तुऐं आपी बै भले लोग औसौ औरौ तुऐं पूरी तरह शै जाणौ कै तुऔं का कौरणौ चैंई औरौ ऐकी दूजै कै शिखांदै रौव।

रोमियों 15:2

आमु मुंजीदै हरेक आपणै साथी बिशवाशी कै साथै ऐशै कौरणौ चैंई जू तैसकै मनो कै खुशी कौरौ तैसकै बिशवाश कै मोजबूत कौरणौ दै मौदद कौरौ।

1 कुरिन्थियों 10:23

बैशक, आमु किछै बै कौरणौ कै आज़ादी औसौ। पौरौ आमु कारिए सौबै ठुँ आछौ ना आथी, पौरौ सौबै ठुँ कौरणौ कै ऐजी आज़ादी पौरमेशवर दै अमारै बिशवाश खै मोजबूत ना कौरौ।

1 कुरिन्थियों 14:12

इथकारिए जिथुकै ऐजै तोंवारै इछा औसौ, कै तुऔं कै पवित्र आत्मा दवारा दैय जाणौवाल़ै काबलियत कै दैय जांव, इथकारिए जू तुऐं मांगोए ऐजौ ऐशै हौणौ चैंई जिथलैई तुऐं सौबी बिशवाशी कै बिशवाश खै मोजबूत कौरे सौकौ। वरदानो कै धुन दै रौव, औरौ ऐशणै कौचिश कौरौ कै तोंवारै वरदानो कै बोढ़ोतरी शै कलीसिया कै बोढ़ोतरी बै हौं।

1 कुरिन्थियों 14:29

पौरमेशवर कै बातौ बौताणौवाल़ै मुंजीदै दो या तीन बौल़ौ, औरौ ओकी कै जांच कौरणौ दैव कै का बौल़ै राए ऐजौ दैखणौ कारिए कै, ऐजौ पवित्र शास्त्र कै हिसाब शै औसौए कै ना आथी।

1 कुरिन्थियों 14:5

हांव चोऊं कै तुऔं मुंजी हरेक खै ओकी भाषाओं दी बात कौरणौ कै काबलियत भैटौ पौरौ इथकै बजाय आछौ ऐजौ हौंदौ कै तुऔं हौणौवाल़ी बातौ कै कौरणौ कै काबलियत भैटौ; जिथुकै सै जू हौणौवाल़ी बातौ कौरौ, तिनु औकै भाषा बौलणोवाल़ै शै आछै औसौ, जिथुकै औकै भाषा का अनुवाद कौरणौ पांदी ही कलीसिया कै बोढ़ोतरी होए सौकौ।

2 कुरिन्थियों 12:19

तुऐं इबी तौड़ी सौमझै रौलै कै आमै तोंवारै सामणै जोवाब दैय लौआ, आमै तौ पौरमेशवर कै वचन का प्रचार सौचाई औरौ मसीह कै औधिकार कै साथै कौरु, औरौ ओए रै प्‍यारो, आमै सौबै बातौ तुऔं बिशवाश दी मोजबूत कौरणौ कारिए बुलू।

इफिसियों 4:12

तिनकै जुमैवारै ऐजै औसौ कै सै बिशवाशियौं कै पौरमेशवर का काम कौरणौ कारिए तैयार कौरौ औरौ मसीह का शोरीर जू बिशवाशियौं कै मंडली औसौ सै मोजबूती शै बौढ़दै जांव।

इफिसियों 4:16

जैशैखै ऐकी आदमी का शोरीर तैसकै जोड़ो कै दवारा ऐक साथी जोड़ेयौंदा रौंव, तैशैखैई मसीह आमु सौबी कै जू तैसी पांदी बिशवाश कौरो, आपणै शोरीर कै अंगो कै जैशणै जोड़ो। औरौ जोबै शोरीर कै सौबै अंग ठीक तरह शै काम कौरौ तौ शोरीर बौढ़ौ औरौ मोजबूत हौंव; तैशैखैई, जोबै आमु मुंजीदै सौबै तैसी काम कै कौरो जू मसीहे आमु दैय राए तौ आमै मोजबूत बोणदै औरौ पाकै हौंदै औरौ ऐकी दूजै शै हौजौ जादा प्यार कौरदै।

इफिसियों 4:29

कुणजै गौंदी बात तोंवारै मुं पौरैशी ना निकल़ी चैंई, जू किछै बै तुऐं बौल़ौ सैजौ आछौ औरौ मौददगार हौणौ चैंई, ताकि तोंवारै बातौ तिनु लोगौ का हौंसला बौढ़ाव जू तिनु बातौ कै शुणौए।

1 थिस्सलुनीकियों 4:10

औरौ तुऐं आगै दैई आपणै साथी बिशवाशियौं कै प्रति आपणा प्यार दिखाए राए जू मकिदुनिया प्रदेश दै रौंव। पौरौ ओए रै बिशवाशी भाईयों, आमै तुऔं शै बिन्ती कौरु, कै हौजौ बै बौढ़दै जाव,

1 थिस्सलुनीकियों 4:18

इथकारिए इनु बातौ शै ऐकी दूजै खै तसल्ली दैया कौरौ।

इब्रानियों 10:25

आव आमै पौरमेशवर कै आराधना कौरणौ कारिए कौठा हौणा बंद ना कौरौ जैशै किछै लोगै कौरे लो। जैशैकै कैतरै कै भोवार औसौ, पौरौ आमु ऐकी दूजै खै हिम्मत औरौ चैतावणी दैणी चैंई, खास कौरेयौ ऐबै कै जोबै कै प्रभु कै औटेयौ पाछु आणौ कौ दूस नेड़िक आन्दौ लागै रौ।

इब्रानियों 3:13

पौरौ जांव तौड़ी सैजौ मौकै कौ दूस, जिथु पवित्र शास्त्र दौ “ऐलौ कौ दूस” बौल़ौ, तोंवारै सामणै औसौ, रौज ऐकी दूजै खै हिम्मत दैंदै रौव। ऐशै ना हौं कै तुऔं मुंजीदै कुणिए पाप कै बैहकावै दै आयौ ढीठ नी बौणै जांव।

2 पतरस 1:12

भलैई तुऐं आगै शै ही इनु बातौ खै जाणौए औरौ मसीह कै बारै मुंजी साची शिक्षाओं खै मोजबूती शै पाकड़ैयौंदे औसौ, हांव तिनकै बारै मुंजी याद दियाणौ हमैशा जारी राखदा।

यहूदा 1:20

पौरौ ओए रै मैरै साथी बिशवाशियौं तुऔं ऐकी-दूजै कै मौदद कौरणै औरौ पवित्र शिक्षाओं पांदी मोजबूती शै भोरोशा राखणा चैंई, जिथपांदी तुऐं बिशवाश कौरौ औरौ पवित्र आत्मा कै मौदद लैई प्रार्थना कौरणै चैंई।