1 थिस्सलुनीकियों 4:6 - सिरमौरी नौवाँ नियम

⁶ ऐशैखै कौरेयौ कुणिए आपणै बिशवाशी भाई कै खिलाफ पाप नी कौरेया, औरौ ना तैसी पांदी दाव चौलाया, जिथुकै प्रभु यीशु तिनुकै सौजा दैंदा जू ऐशणै सौबै काम कौरौ। जैशैखै आमुए आगै तुऔं खै बौलेयौ चिताए बै राए थिए।

Sirmouri

⁶ के ईयों बातो दे कुँऐं आप्णे बिश्वाषी भाऐ-बंऐणीं ने ठगे, अरह् ना तिनखे किऐ चाल-चाले, किन्देंखे के प्रभू ईनू सोभी पापो का बद्ल़ा लोंणों वाल़ा असो; जेष्णों के आँमें तुँओं कैई शो आगे ही चिताऐं थुओ थियो।

1 थिस्सलुनीकियों 4:6 Iomraidhean Croise

मरकुस 10:19

तू पौरमेशवर की आज्ञाओं खै तौ जाणैए: ‘खून नी कौरेया, गौलत सौमबंध नी बाणैया, चोरी नी कौरेया, झूठी गवाही ना दैया, बैईमानी ना कौरेया, औरौ माँ-बापू कै इज्जत कौरेया।’ ”

लूका 12:5

पौरौ हांव तुऔं बौतौऊं कै तुऔं कोसी दो डौरणो चैंई, तुऔं पौरमेशवर दौ डौरणो चैंई, जैसी तुऔं मारणौ कै बाद नरको दै पाणौ का औधिकार औसौ, तैसदैई डौरेया।

लूका 16:28

जिथुकै मैरै पाँच भाए औसौ; औरौ हांव चोऊं कै सै जांव औरौ मैरै भाई खै चिताए दैंव, कोदी ऐशै नी हौंव कै सै बै इयौं पीड़ो कै ठाँव दै आंव।’

रोमियों 1:18

पौरमेशवर का गुस्सा तौ स्वर्ग पौरैशा तिनु लोगौ की सौबी बुराई औरौ अधरम कै कामौ पांदी प्रगट हौंव, जू आपणै बुरै कामौ कै दवारा लोगौ खै पौरमेशवर कै बारै मुंजी जाणणौ शै रौकौए।

रोमियों 12:19

ओए रै प्‍यारो आपणा बौदला नी लोया; पौरौ पौरमेशवर कै तैसी आदमी कै सौजा दैणौ दैंव, जिथुकै पवित्र शास्त्र दो प्रभु बौल़ौ, “बौदला लोणा मैरा काम औसौ, प्रभु बौल़ौ हांव ही बौदला लोन्दा।”

रोमियों 13:4

जिथुकै औधिकारी लोग तोंवारै मौदद कौरणौ कारिए पौरमेशवर कै तरफ शै सेवक औसौ। पौरौ जै तू बुराई कौरला, तौ डौर, जिथुकै तिनुवागे तुऔं सौजा दैणौ का औधिकार औसौ। औरौ सै पौरमेशवर कै सेवक इथकारिए औसौ, ताकि सै तिनु लोगौ कै सौजा दैंव जिनुवै गौलत काम कौरे लौवै।

2 कुरिन्थियों 7:11

तोबै बै इयौं बातौ लैई तुऔं खै पौरमेशवर कै खातिर ऐशणा दुख महसूस हौआ; इथकारिए ध्यान दैव कै पौरमेशवर कै तरफ शै आएयौंदे दुखै तुऔं मुंजी का-का बौदलाव कौरे राखै: ऐशणै खोशे शै भोरेयोंदे इछा, आपणै तरफ शै आछौ कौरणौ कै ऐशणी बौड़ै इछा, अन्याय कै ढौबौ ऐशणा गुस्सा, कौल़ेश कै सौमय ऐशणी चौकशाए, मुं आरी भैटिणौ कै ऐशणी बोड़ी इछा, सेवा कै ढौबौ ऐशणी खोशे औरौ बुरै काम कौरणौवाल़ै खै सौजा दैणौ कै ऐशणै तैजी कै दवारा तुऐं ऐजौ साबित कौरे दियु कै सौबै ठुँ ठीक-ठाक कौरणौ दै तुऐं कुणजै बै कमी ना छोड़े रैई।

गलातियौं 5:21

औरौ ऐकी दुजैआरी ज़लन औरौ शराबीपन औरौ सैजै ऐशणै औकै सौबै बुरै काम कौरौ। मोऐं तुऔं चैतावणी दैय लौए जैशै आगै बै तुऔं चैतावणी दैय राए थै कै ऐशणै-ऐशणै काम कौरणौवाल़ै पौरमेशवर कै राज्य कै संतान ना हौंदै।

इफिसियों 4:17

इथकारिए हांव तैसी औधिकार कै साथै जू प्रभुए मुखै दैय राए, हांव तुऔं ऐजौ बौतौऊं कै जैशै अबिशवाशी लोग आपणै मन कै बुरै विचारो कै साथै जीवन जियौं, तुऐं तैशणा जीवन ना जियौं।

इफिसियों 4:28

चोरे कौरणौवाल़ा औटेयौ चोरे ना कौरौ; यानी तैसी आपणै हाथौ लैई ईमानदारी शै काम कौरणा चैंई, ताकि गरीब लोगौ कै मौदद कौरणौ कारिए तैसीकैईं काफी मौदद हौंव।

इफिसियों 5:6

कुणिए बै तुऔं कै ऐजा सुझाव दैयौ धौखा ना दैंव कै पौरमेशवर सौथी कै तिनु लोगौ कै सौजा ना दैंदा जू ऐशै पाप कौरौ।

1 थिस्सलुनीकियों 2:11

जैशै तुऐं जाणौए, कै जैशैखै पिता आपणै नानड़िया आरी बर्ताव कौरौ, तैशैखैई आमै बै तुऔं मुंजीदै हरेक खै उपदैश दियु, औरौ तसल्ली दियु, औरौ सौमझौऊं थिए।

2 थिस्सलुनीकियों 1:8

जू पौरमेशवर खै ना पौछेयाणौ, औरौ जू अमारै प्रभु यीशु मसीह कै बारै मुंजी सुसमाचार कै स्वीकार ना कौरौ सै तिनुकै सौजा दैंदा।

इब्रानियों 13:4

बैयाव कै सौबी कै दवारा आदर कौरा जाणा चैंई, औरौ हमैशा घोरवाल़ा औरौ घोरवाल़ी ऐकी दुजैआरी भरोसेमंद रौंव। औरौ बैयाव बिछाणा साफ रौंव, जिथुकै पौरमेशवर गौलत काम कौरणौवाल़ै औरौ बैटमाणिशौ कै बैटमाणिशौ कै साथै गौलत काम का न्याय कौरदा।

इब्रानियों 2:6

पवित्र शास्त्र दै कौथी, ऐजै गवाही दैय राए, “आदमी का औसौ, कै तू तैसी याद कौरे? या लोग का औसौ कै पौरमेशवर तिनकै फिकर कौरौ या तिनकै दैखभाल कौरौ? सैजै लोग आदमी दै जादा हौजौ किछै ना आथी?

याकूब 2:6

पौरौ तुऐं तैसी गरीब कै बैज्जती कौरे राए। तुऐं जाणौए कै ऐजै सैठ लोग ही औसौ जू तुऔं पांदी अत्याचार कौरौ। सैजैई औसौ जू तुऔं कै जबरदस्तै अदालत दा लौए जांव।

याकूब 5:4

दैखौ, जिनु मजदूरै तोंवारै बागड़ी काटै राए, तिनकी धियाड़ी कै तुऐं धौखा दैयौ राखै राए सैजै मजदूरी पौरमेशवर कै सामणै तोंवारै खिलाफ लैलियाए रौंव, औरौ शाख कौठै कौरणौवाल़ै कौ रुणु, सैनाओं कै प्रभुए शौणै राए।