1 थिस्सलुनीकियों 4:3 - सिरमौरी नौवाँ नियम

³ पौरमेशवर कै इछा ऐजी औसौ, कै तुऐं पवित्र बौणौ औरौ गौलत सौमबंध शै बौचेयौ रौंव।

Sirmouri

³ किन्देंखे के पंण्मिश्वर की हिछ़या ऐजी असो, के तुँऐं पबित्र बंणो: मतल्व बिचका-काँम शे बंचियों रंह्,

1 थिस्सलुनीकियों 4:3 Iomraidhean Croise

मत्ती 12:50

जिथुकै जू कुणिए मैरै स्वर्ग कै पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

मत्ती 15:19

जिथुखै आदमी कै मनो शै बुरै-बुरै विचार, गौलत तरीकै शै सौमबंध बौणाणै, चोरी कौरणा, हत्या कौरणा, नाजायज सौमबंध राखणै, झूठी गवाही औरौ नेंदैया कौरणा ही निकल़ौ।

मत्ती 5:32

पौरौ हांव तुऔं खै ऐजौ बुलू कै जू कुणिए आपणी घोरवाल़ी खै गौलत सौमबंध कै सिवा किथुई ओकी बौजैह शै खित दैला तौ सै तियौं लैई गौलत सौमबंध बौणांव, औरौ जू कुणिए तियौं छोड़ेयौंदी आरी बैयाव कौरला, सै बै गौलत सौमबंध बौणांव।

मत्ती 7:21

“जू मुखै, ‘ओए रै प्रभु, ओए रै प्रभु’ बौल़ौ, तिनुमुंजी दै हरेक स्वर्ग कै राज्य दै ना जाए पान्दै, पौरौ सैजाई जू मैरै स्वर्गीय पिता की इछा पांदी हांडलै।

मरकुस 3:35

जू कुणिए पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

यूहन्ना 7:17

जै कुणिए पौरमेशवर कै इछा पूरी कौरणौ का प्रण लोंव, तौ सै जाणै पांदा कै मैरै शिक्षा पौरमेशवर कै ढौबौशै आंव या हांव आपणै औरौ शी बुलू।

प्रेरितो कै काम 15:20

पौरौ आमुए तिनु ऐक चिट्ठी लिखयो भैजै दै, ऐजौ बौताणौ कारिए कै सै सैजौ खाणौ नै खांव जू लोगै मूर्ति कै आगै चौढ़ाए राए औरौ गौलत सौमबंध औरौ गल़ा घोटेयौंदे गोरु को मांस नै खाया औरौ गोरु को लोऊ नै खाया।

प्रेरितो कै काम 15:29

कै तुऐं सैजौ खाणौ नै खांव जू लोगै मूर्तो कै आगै चौढ़ाए राए औरौ गल़ा घोटेयौंदे गोरु को मांस नै खाया औरौ गोरु को लोऊ नै पैया औरौ गौलत सौमबंध शै दूर रौया। इनु दै दूर रौया तौ तोंवारा भला हौंदा। हौजौ कै शुभकामना।”

प्रेरितो कै काम 20:32

औरौ ऐबै हांव तुऔं पौरमेशवर कै, औरौ तैसकै अनुग्रह कै वचन खै सौंपै दियु, जू तुऔं बिशवाश दै मोजबूत कौरे सौकौ, औरौ पौरमेशवर तुऔं सैजै विरासत दैंदा जियौं दैणौ का वायदा तैणै तिनु सौबी लोगौ शै कौरे राए जू तैसकै जरिए पवित्र हौए रौवै।

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

रोमियों 1:29

इथकारिए सैजै सौब भान्त कै अधरम, औरौ दुष्टता, औरौ लोभ, औरौ बैर-भाव लैई भोरै गौवै; औरौ डाह, औरौ हत्या, औरौ ज़लन, औरौ छल लैई भोरै गौवै, औरौ चुगलखोर,

रोमियों 12:2

औरौ इयौं दुनिया कै जैशणै ना बौणौ, पौरौ आपणै सुंचणौ कै तरीकै पौरमेशवर खै बौदल़णौ दैंव, ताकि तोंवारा चाल-चलन बै बौदल़दा जांव, जिथलैई तुऐं पौरमेशवर कै भली, औरौ भावती औरौ सिध्द इछा कै जूंदै रौंव।

रोमियों 6:22

पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

1 कुरिन्थियों 7:2

पौरौ परीक्षा दै पौड़ेयौ गौलत सौमबंध खै राखणा अमारै खातिर बैजाए ही आम या आसान बात औसौ, इथकारिए मैरै ऐजै सलाह औसौ कै, सौबै मर्द बैयाव कौरे पांव औरौ आपणी घोरवाल़ी कै साथै ईमानदार रौंव।

2 कुरिन्थियों 12:21

औरौ कोदी ऐशैखै ना हौं कै जोबै हांव पाछु आन्दा, तौ मैरा पौरमेशवर मुखै शर्मिंदा कौरौ। औरौ मुखै बौहितौ कारिए हौजौ शोक कौरणा पौड़ौ, जिनुवै आगै पाप कौरे राए थिए, औरौ तिनु गौन्‍दै काम औरौ गौलत सौमबंध औरौ शर्मनाक जैशणै कामौ कारिए पश्‍चाताप ना कौरी।

गलातियौं 5:19

ऐजौ साफ औसौ कै पापी स्‍वभाव का-का कौरौ। यानी गौलत सौमबंध, गौंदै काम, बेशर्मी वाल़ै काम,

इफिसियों 5:17

इयौं बौजैह शै निर्बुध्दि ना हौंव पौरौ ऐजौ जाणणौ कै कौचिश कौरेयौ सौमझौ कै प्रभु तुऔं शै का कौरवाणा चांव औरौ सैजौ कौरौ।

इफिसियों 6:6

तुऔं आपणै मालिको कै आज्ञा का पालन कौरणा चैंई, सिरफ तोबै नी जोबै सै तुऔं दैखौए, पौरौ तुऐं मसीह कै सेवक औसौ, इथकारिए तुऔं आपणै पूरै मन शै सैजौई कौरणौ चैंई जू पौरमेशवर चांव कै तुऐं कौरौ।

कुलुस्सियों 1:9

इथकारिए जैसी दूसौ दो ऊबु आमुए ऐजौ शौणै राए आमै बै तुऔं कारिए लगातार प्रार्थना औरौ बिन्ती कौरु; कै पौरमेशवर कै आत्मा तुऔं ज्ञान औरौ सौमझ दैंव ताकि तुऐं तैसकै इछा कै पूरी तरह शै सौमझै सौकौ।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

1 थिस्सलुनीकियों 4:2

जिथुकै तुऐं जाणौए, कै प्रभु यीशुए आमु जू औधिकार दैय राए, तिथकै दवारा आमुए तुऔं खै आदैश दैय राए।

1 थिस्सलुनीकियों 4:4

औरौ तुऔं मुंजीदै हरेक कै पवित्रता औरौ आदर कै साथै आपणै शोरीर पांदी काबू राखणा शिखणा चैंई।

1 थिस्सलुनीकियों 5:18

हर हाल दै धन्यवाद कौरौ: जिथुकै तुऔं कारिए मसीह यीशु दै पौरमेशवर कै ऐजी इछा औसौ।

1 थिस्सलुनीकियों 5:23

पौरमेशवर जू शान्तै दैंव आपी ही तुऔं पूरी तरह शै पवित्र कौरौ; तोंवारै पोरे आत्मा, प्राण औरौ शोरीर अमारै प्रभु यीशु मसीह कै औटेयौ पाछु आणौ तौड़ी निर्दोष रौंव।

2 थिस्सलुनीकियों 2:13

ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 10:36

ऐबै तुऔं सब्र कै साथै सैहन कौरणौ कै जौरुरत औसौ, तोबैई तुऐं पौरमेशवर कै इछा कै पूरै कौरदै औरौ तुऔं सैजी सौबै चीज़ौ भैटदी जिथका वादा पौरमेशवरे कौरे राए।

इब्रानियों 12:16

ऐशै ना हौंव, कै कुणिए आदमी गौलत काम कौरणौवाल़ै या तुऔं मुंजीदै अब्राहम कै पौतै एसाव साए अधरमी नै हौंव, जिथुकै सै पहलौठा बैटा थिया, इथकारिए तैसीकैईं खास पद हौणौ का औधिकार थिया। पौरौ तैणै तैसी औधिकार का आदर ना कौरी औरौ इथकारिए तैणै आपणै नानड़ै भाई याकूब खै इथु ऐक बैई कै खाणौ कारिए बैकै दियु।

इब्रानियों 13:4

बैयाव कै सौबी कै दवारा आदर कौरा जाणा चैंई, औरौ हमैशा घोरवाल़ा औरौ घोरवाल़ी ऐकी दुजैआरी भरोसेमंद रौंव। औरौ बैयाव बिछाणा साफ रौंव, जिथुकै पौरमेशवर गौलत काम कौरणौवाल़ै औरौ बैटमाणिशौ कै बैटमाणिशौ कै साथै गौलत काम का न्याय कौरदा।

1 पतरस 1:2

अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।

1 पतरस 4:2

ऐलौ दै ऊबै, औटेयौ, तुऐं आपणै बाकी दुनिया कै जिन्दगी कै आपणी शोरीरो की बुरी इछावं कै पूरा कौरणौ कारिए नी; पौरौ पौरमेशवर कै इछा पूरै कौरणौ कारिए जियौ।

1 यूहन्ना 2:17

दुनिया औरौ तिथकी इछाएं दुईनै नाश हौंदी लागै रोई, पौरौ जू पौरमेशवर कै इछा कै हिसाब शै जियौंए सै सौदा बौणेयौंदा रौंदा।

प्रकाशितवाक्य 21:8

पौरौ सैजै जू सताव कै डौर शै मुखै छोड़े दैंव औरौ जू मुं पांदी बिशवाश कौरणा छोड़े दैंव, तिनु गन्धक कै आग दै बैगाए दैंदै। ऐशैखैई तिनु बै जू बैकार काम कौरौ, खून कौरौ, औरौ शोरीर कै गौंदै कामौ का अभ्यास कौरौ, औरौ आपणै साथियो कै प्रति जादू-टोना कौरौ, औरौ मूर्ती कै पूजा कौरौ, औरौ सारै झूठ बौलणोवाल़ै, तिनु बै गन्धक कै आग दै बैगाए दैंदै। गन्धक कै आग कै दूजै मौत बौल़ै जांदै।”

प्रकाशितवाक्य 22:15

पौरौ जिनकै काम शर्मनाक औसौ, औरौ आपणै साथियो कै प्रति जादू-टोना कौरौ, औरौ गौलत सौमबंध राखौ, हथयारै औरौ मूर्ती कै पूजा कौरौ, औरौ सैजै जू झूठु बौल़ौ, सै कौलोंई बै शहर दै ना जाए सौकदै।