Biblia Todo Logo
Bìoball air-loidhne

- Sanasan -




1 थिस्सलुनीकियों 3:8 - सिरमौरी नौवाँ नियम

8 जिथुकै ऐबै ऐजौ जाणणौ कि तुऐं प्रभु दा मोजबूती शै बिशवाश कौरे लौआ, तौ ऐजौ आमु कारिए नौवें जीवन कै जैशणौ औसौ।

Faic an caibideil Dèan lethbhreac

Sirmouri

8 किन्देंखे के जे ऐबे तुँऐं प्रभू यीशू दे पाक्कै रंह्, तअ आँमें जीऊँदे असो।

Faic an caibideil Dèan lethbhreac




1 थिस्सलुनीकियों 3:8
24 Iomraidhean Croise  

तुऐं मुंदै बौणैयौंदे रौंव, औरौ हांव तुऔं दा बोणेयोंदा रौंदा। जैशै शाई जै बाली दी बौणेयौंदी ना रौंव, तौ आपी ना फोल़ सौकौ। तैशैकैई, तुऐं किछै बै आछौ ना कौर सौकौ जै तुऐं मुं दै बौणैयौंदे ना रौंव।


जै तुऐं मुं दै बौणैयौंदे रौंव, औरौ मैरी शिक्षा तुऔं मुंजी बौणेयौंदी रोली, तौ जू किछै मांगलै, तिथु हांव तुऔं दैंदाए।


बाद मै यीशुए तिनु यहूदी नेताओं शै जिनुवै तैसी पांदी बिशवाश कौरे राए थिया, तिनुखै बौल़ौ, “जै तुऐं मैरै शिक्षा दै बौणैयौंदे रौलै, तौ सौथी कै मैरै चैलै ठोहरलै।


बरनबास तिथै पोंचैयो, औरौ पौरमेशवर कै अनुग्रह खै दैखैयो खुशी हौआ; औरौ सौबी खै उपदैश बौतांदा लागा, कै तन मन लायौ प्रभु शै लिपटै रौंव।


इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।


चौकश रौया, लगातार बिशवाश दै बौणैयौंदे रौया, हिम्मत वाल़ै बौणौ, पौरमेशवर कै साथै आपणै रिशतै कै मोजबूत राखौ।


मसीहे आमु मूसा कै कानून का पालन कौरणौ शै आज़ाद कौरे राए। ताकि आमै हौजौ कौलोंई बै तिनु मूसा कै कानून कै गुलाम नी बौणु। इथकारिए आपणै आज़ादी कै पाकड़ेयौ राखौ औरौ आपी कै औटेयौ गुलाम नी बौणणौ दैंव।


ताकि तैसी पांदी बिशवाश कौरणौ कै दवारा मसीह तोंवारै भीतरै हमैशा कारिए बौसै जांव। औरौ हांव प्रार्थना कौरु कै पौरमेशवर कै प्यार दै तुऐं मोजबूत हौयौ औरौ औड़ेयौंदे रौयौ,


जिथुकै जै हांव जियुंदी रोऊं तौ ऐजौ मसीह कै आदर कारिए हौंदौ, औरौ जोबै हांव मौरे जोऊं तौ मुं कारिए ऐजौ आछौ हौंदौ जिथुकै हांव तोबै बै मसीह कै साथै रौंदा।


सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।


इथकारिए ओए रै मैरै प्यारे भाईटु, हांव तुऔंआरी बैजाए प्यार कौरु औरौ मोऐं तुऔंआरी भैटिणौ का इंतजार कौरे लौआ। मैरै प्यारे साथियो तुऐं लोग मैरी खुशी औरौ मुकुट औसौ, प्रभु मुंजी आपणै बिशवाश पांदी मोजबूत बौणैयौंदे रौव।


पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।


इथकारिए ओए रै बिशवाशी भाईयों, आमुए आपणै सौबै दुख औरौ कौल़ेशौ मुंजी तोंवारै बारै मुंजी (तीमुथियुस शै) शोणेयो बैजाए खुश हुवे कै तुऐं ऐबै बै मसीह यीशु पांदी बिशवाश कौरे लौआ।


ऐबै आमै बिना कोसी शक कै आपणी तियौं आशा दै अटल रोऊं, जिथुकै आमै पौरमेशवर पांदी तैसकै वादै खै पूरा कौरणौ कारिए भोरोशा कौरे सौकु।


जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।


अमारा महान महायहूदी पुरोहित यीशु जू स्वर्ग खै हौटा, सै पौरमेशवर का बैटा औसौ। सै अमारा सौबिदा बौड़ा महायहूदी पुरोहित औसौ। इथकारिए आओ आमु तैसी बिशवाश खै थाम्बैयौ मोजबूती शै बौणैयौंदे रौंऊ जैसी बिशवाश खै आमुए सौबी कै सामणै अपनाए राए थिया।


पौरमेशवर जू पूरी तरह शै अनुग्रह लैई भौरेयौंदा औसौ, तैणै आमु मसीह कै साथै अमारै रिशतै कै बौजैह शै स्वर्ग दै तैसकै सौदा कै महिमा दै शामिल हौणौ कारिए बौएदै राए। औरौ तोंवारै दैणिक सौमय तौड़ी दुख सैहणौ कै बाद, पौरमेशवर तुऔं आछा बाणै दैंदा ताकि तुऔं मुंजी हौजौ कुणजाई दोष नी रौंव औरौ सै तोंवारै दिलो खै मोजबूत कौरदा औरौ तैसी पांदी तोंवारै भोरोशे खै सौथीखै मोजबूत बाणै दैंदा।


इथकारिए ओए रै प्यारो तुऐं आगैई जाणौए कै ऐजी बातौ हौन्दीए। इथकारिए, चौकश रौव ताकि जू लोग नियमौ कै ना मानौ सै तुऔं कैई झूठु बौलेयौ तुऔं भौटकाए नी दैंव। तौ तुऐं साची बातौ पांदी बिशवाश कौरणा बंद कौरे दैंदै, जिथपांदी तुऐं ऐक सौमय मोजबूती शै बिशवाशी कौरे राए थिया।


हांव तावल़ा ही आणौवाल़ा औसौ; इथकारिए आपणै बिशवाश दा मोजबूत बौणेयौंदा रौ ताकि कुणिए बै तैरा इनाम छीणै ना सौकौ।


तियौं शिक्षा कै याद कौर जू तुऐं बैजाए औगौड़ियौ शौणै राए थै औरौ बिशवाश कौरे राए थिया। जू ताखै शिखाए राए थियु तिथकै पौछौड़ियौ चाल, आपणै गौलत कामौ शै पाप कौरणै छोड़े दै। जै तू गौलत काम कौरेया कौरे तौ हांव एकदम आन्दा, जैशै ऐक चोर आंव, औरौ तू तैसी सौमय खै बै ना जाणै सौकदा जौल़ौ हांव ताखै सौजा दैणौ कारिए आए जांदा।


Lean sinn:

Sanasan


Sanasan