1 थिस्सलुनीकियों 3:10 - सिरमौरी नौवाँ नियम

¹⁰ आमै लगातार बैजाए प्रार्थना कौरेया कौरु, कै तुऔं औटेयौ दैखै सौकु, औरौ जू जौरुरी औसौ सैजौ आमै तुऔं शिखोऊं ताकि पूरै तरह शै प्रभु यीशु मसीह पांदी बिशवाश कौरे सौकौ।

Sirmouri

¹⁰ आँमें रात्ती देसो बैजाऐ प्रार्थना करह्, के आँमें तुवाँरा मुँह देखो अरह् तुवाँरे बिश्वाष की कंम्मी पुरी करह्।

1 थिस्सलुनीकियों 3:10 Iomraidhean Croise

लूका 2:37

औरौ सै चौरासी सालो शै विधवा थै। औरौ मन्दिरो कै ना छोड़ो थी पौरौ उपवास औरौ प्रार्थना कौरेयौ रात दूस आराधना कौरौ थी।

प्रेरितो कै काम 26:7

तैसी वादै कै पूरै हौणै खै आशा लायौ अमारै बारौ गोत्र आपणै सारै मन शै रात दूस पौरमेशवर कै आराधना कौरदै आए रौवै। ओए रै राजा, पौरमेशवर सैजौई कौरदा जू तैणै वायदा कौरे राए औरौ इयौं आशा कै बौजैह शै ऐजै यहूदी लोग मुं पांदी दोष लांव।

2 कुरिन्थियों 1:15

मुखै यकीन थिया कै तुऐं आमु सौमझौए औरौ इथकारिए मोऐं सौबीदै आगै तुऔंआरी भैटिणौ कै तरकीब बाणै राए थै। ऐशैखैई तुऔं खै मैरै दवारा दु यात्राओं कै आशीष भैटौ।

2 कुरिन्थियों 1:24

ऐजौ ना आथी, कै आमै बिशवाश कै बारै मुंजी तुऔं पांदी राज कौरणा चोऊं; पौरौ तोंवारै आनन्द दै शामिल औसौ जिथुकै तुऐं बिशवाश दै बौणीए रौंव।

2 कुरिन्थियों 13:11

इथकारिए ओए रै बिशवाशी भाईयों, खुशी रौंव; मोजबूत बौणदै जाव; मैरी सलाह कै शुणौ; ऐकैई मन राखौ; मैल-मिलाप शै रौव, औरौ प्यार औरौ शान्तै का दाता पौरमेशवर तोंवारै साथै हौंदा।

2 कुरिन्थियों 13:9

जोबै आमै कमजोर औसौ, औरौ तुऐं बिशवाश दै औसौ, तौ आमै खुशी रोऊं, औरौ ऐजी प्रार्थना बै कौरु, कै तुऐं बिशवाश दै मोजबूत हौए जांव।

फिलिप्पियों 1:25

औरौ इथकारिए मुखै भोरोशा औसौ, कै हांव जियुंदी रौन्दा, औरौ तुऔं सौबी कै साथै रौन्दा। हांव तुऔं तोंवारै बिशवाश दै मोजबूत हौणौ औरौ तिथमुंजी खुश हौणौ कारिए मौदद कौरदा।

कुलुस्सियों 1:28

आमै हरेक आदमी कै मसीह कै बारै मुंजी बौतौऊं औरौ पौरमेशवरे जू पूरा ज्ञान आमु दैय राए सौबी कै चैतावणी दियु औरौ सौबी कै शिक्षा दियु, ताकि आमु ऐजौ पाकौ कौरे सौकु कै सौबवे मसीह दा ऐक सिध्‍द बिशवाशी हौए सौकौ जोबै सै पौरमेशवर कै सामणै खौड़ै रौंदै।

कुलुस्सियों 4:12

इपफ्रास जू तोंवारै नोगर पौरैशा औसौ औरौ मसीह यीशु का दास औसौ, तुऔं खै नमशकार कौरौ। सै सौदा तुऔं कारिए बौड़ी लगन शै प्रार्थना कौरदा रौंव, ताकि पौरमेशवर तुऔं कै मोजबूत औरौ सिध्द बाणौ औरौ तुऐं पूरै बिशवाश कै साथै पौरमेशवर कै इछा कै पूरै कौरदै रौंव।

1 थिस्सलुनीकियों 3:11

आमै प्रार्थना कौरु कै अमारै पौरमेशवर पिता औरौ अमारै प्रभु यीशु मसीह तुऔं शै भैटिणौ कारिए बाट तैयार कौरौ।

2 थिस्सलुनीकियों 1:11

आमै लगातार तुऔं कारिए प्रार्थना बै कौरु, ताकि पौरमेशवर तुऔं तैसी जीवन कै लायक बाणै दैंव जिथु जिणौ कारिए तैणै तुऔं बौएदै राए। औरौ पौरमेशवर तुऔं खै सौबै भोलाए कै काम कौरणौ कै इछा औरौ बिशवाश शै सौबी कामौ खै आपणै अनौखी शौकतै शै पूरु कौरौ।

2 तीमुथियुस 1:3

हांव पौरमेशवर का धन्यवाद दियु, जैसकै मोऐं औरौ मैरै पुराणियाए शुद्ध विवेक कै साथै सेवा कौरे राए। जौल़ौ बै हांव प्रार्थना कौरु हांव तैरै नांव का जिक्र कौरणा हमैशा याद राखु।

फिलेमोन 1:22

औरौ ऐक बात हौजौ ऐजै बै कै मुं कारिए आपणै घोरे ऐक कमरा तैयार राख जिथुकै मुखै आशा औसौ कै पौरमेशवर तोंवारै प्रार्थनाओं का जवाब दैंदा औरौ जोबै हांव कोयदखाने पौरैशा छुटेयो आन्दा तौ तुऐं मुखै औटेयौ दैखदै।

प्रकाशितवाक्य 4:8

औरौ चारै प्राणीयों कै छौ-छौ पाखौ औसौ, तिनु पांदी सौब जौगैह आखी थी, इथै तौड़ी कै तिनकै पाखौ कै धैनै बै; औरौ सै रातै-दूसौ बिना बिशांव कौरे ऐजौ बौलेया कौरौ, “पवित्र, पवित्र, पवित्र प्रभु पौरमेशवर, सौबिदा शौकतीशाली, जू थिया, औरौ जू औसौए औरौ जू आणौवाल़ा औसौ।”

प्रकाशितवाक्य 7:15

“ऐसी बौजैह शै सै पौरमेशवर कै सिंहासन कै सामणै खौड़ै औसौ, औरौ सै हर सौमय दूसौ औरौ फिरै पौरमेशवर कै घोरे दै तैसकै सेवा कौरौ; औरौ सैजा जू सिंहासन पांदी बौठौए, तिनुमुंजी रौंदा औरौ तिनकै दैखभाल कौरदा।”