1 थिस्सलुनीकियों 2:12 - सिरमौरी नौवाँ नियम

¹² ऐशणा जीवन जियौ जू पौरमेशवर खै खुश कौरौ, जू तुऔं खै आपणै राज्य औरौ महिमा दै शामिल हौणौ कारिए बोईदौए।

Sirmouri

¹² के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

1 थिस्सलुनीकियों 2:12 Iomraidhean Croise

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

रोमियों 8:30

तोबै जिनु कारिए पौरमेशवरे आगैई तय कौरे राए तिनु चोणे बै राए, औरौ जिनु चोणे राए, तिनु धरमी साबित कौरे राए, औरौ जिनु धरमी साबित कौरे राए, तिनकै साथै आपणै महिमा बै बांडै राए।

1 कुरिन्थियों 1:9

पौरमेशवरे आपणै बैटै, प्रभु यीशु मसीह कै साथै आमु एकजुट हौणौ कारिए चोणे राए, औरौ सै बिशवाश लायक औरौ वादै का पाका औसौ। इथकारिए तुऐं ऐजौ निशोंक हौयौ जाणै सौकौ कै सै तोंवारै खातिर आपणा वादा पूरा कौरदा।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

गलातियौं 5:16

पौरौ हांव बुलू, पवित्र आत्मा खै तुऔं खै काबू दै कौरणौ दौ। तोबै तुऐं सैजौ ना कौरदै जिथका तोंवारा पापी स्‍वभाव लालसा कौरौ।

इफिसियों 4:1

इथकारिए हांव जू प्रभु यीशु मसीह कै सेवा कौरणौ की बौजैह शै कोयदखाने दा औसौ, तुऔं कैईंदै बिन्ती कौरु कै तियौं बुलाहट कै साथै जिथलैई पौरमेशवरे तुऔं आपणै संतान हौणौ कारिए बौएदै राए, तिथकै लायक जीवन जियौ।

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

इफिसियों 5:8

जिथुकै आगै तुऐं आपी इनारै दै रौंव थिए, पौरौ जौल़ौ दै ऊबै तुऐं प्रभु कै लोग बौणै रौवै, तुऐं पेयाशै दै औसौ। इथकारिए पेयाशै दै रौणौवाल़ै लोगौ कै जैशणै हांडो।

फिलिप्पियों 1:27

सिरफ ऐतरो कौरौ कै तोंवारा चाल चलन मसीह कै सुसमाचार कै लायक हौंव। चाहै हांव आयौ खै तुऔं दैखु, चाहै ना बै ओऊं, तोंवारै बारै मुंजी ऐजौ शुणु कै तुऐं ऐकैई मकसद दै मजबूत औसौ, औरौ ऐक साथै हौयौ सुसमाचार पांदी बिशवाश कारिए मैहनत कौरदै रौव।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

कुलुस्सियों 2:6

इथकारिए जैशै तुऐं मसीह यीशु कै प्रभु कौरेयौ ग्रहण कौरे राए, तैशैखैई लगातार तैसीआरी चालदै रौव।

1 थिस्सलुनीकियों 4:1

ओए रै मैरै बिशवाशी भाईयों आखरी दी आमै प्रभु यीशु मसीह कै नांव दै मोजबूती शै तुंआदै बिन्ती कौरु कै ऐशणा जीवन जियौ, जू पौरमेशवर कै खुश कौरौ, जैशै आमुए तुऔं शिखाए राए। तुऐं आगै दै ही ऐशैखै जियौंए, औरौ आमु तुऔं ऐशै कौरदै रौणौ कारिए हौजौ बै मौदद कौरदै।

1 थिस्सलुनीकियों 4:12

ताकि सैजै लोग जू अबिशवाशी औसौ दैखौ कै तुऐं रौज कैशणा बर्ताव कौरौ, औरौ सै तोंवारा आदर कौरौ औरौ तुऐं आपणी जौरुरतौ कारिए कोसी कै भोरोशे दै ना रौलै।

1 थिस्सलुनीकियों 5:24

तोंवारा बौईदणो वाल़ा बिशवाश कै लायक औसौ, इथकारिए सै तुऔं पवित्र हौणौ कारिए बौईदो, औरौ सै तुऔं पवित्र बौणणौ दै मौदद कौरदा।

2 थिस्सलुनीकियों 1:10

ऐजी बातौ तौलौ हौंदी जौल़ौ प्रभु यीशु मसीह तिनु पवित्र लोगौ कै दवारा महिमा पाणौ कारिए पाछु आन्दा जू तैसी पांदी बिशवाश कौरौ। औरौ हैरान हौयौ बिशवाशी लोग प्रभु कै दैखदै। औरौ तैसी दूसै तुऐं तिनु लोगौ मुंजी तैसकै महिमा कौरदै, जिथुकै तुऐं तैसी पांदी बिशवाश कौरे राए थिया।

2 तीमुथियुस 1:9

जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।

1 पतरस 3:9

बुराई कै बौदलै बुराए ना कौरौ औरौ ना गाल़ी खै बौदलै गाल़ी दैव; पौरौ इथकै बौदलै आशीष ही दैंव: पौरमेशवरे तुऔं बौएदै राए ताकि तुऐं ओकी खै आशीष दैय सौकौ। जै तुऐं ऐशै कौरलै तौ पौरमेशवर बै तुऔं आशीष दैंदा।

1 पतरस 5:10

पौरमेशवर जू पूरी तरह शै अनुग्रह लैई भौरेयौंदा औसौ, तैणै आमु मसीह कै साथै अमारै रिशतै कै बौजैह शै स्वर्ग दै तैसकै सौदा कै महिमा दै शामिल हौणौ कारिए बौएदै राए। औरौ तोंवारै दैणिक सौमय तौड़ी दुख सैहणौ कै बाद, पौरमेशवर तुऔं आछा बाणै दैंदा ताकि तुऔं मुंजी हौजौ कुणजाई दोष नी रौंव औरौ सै तोंवारै दिलो खै मोजबूत कौरदा औरौ तैसी पांदी तोंवारै भोरोशे खै सौथीखै मोजबूत बाणै दैंदा।

2 पतरस 1:3

पौरमेशवरे आपणै अनौखी शौकतै लैई आमु सैजौ सौब दैय राए जू आमु ऐशणा जीवन जिणौ कारिए चैंई। ऐजौ आसान औसौ जिथुकै आमै पौरमेशवर खै जाणुए औरौ सै सैजाई औसौ जैणै आमु आपणै महिमा औरौ सिध्द अच्छाई लैई आपणै लोग हौणौ कारिए चोणे राए।

1 यूहन्ना 2:6

जू कुणिए ऐजौ बौल़ौ कै हांव पौरमेशवर कै साथै बौणेयौंदा औसौ तौ सै आपी बै तैशैखै ही जियौं जैशै यीशु मसीह जियौं थिया।

3 यूहन्ना 1:6

तिनुमुंजी दै किछै लोग इथै कै कलीसिया कै बिशवाशियौं कै साथै तैरै प्यार कै बारै मुंजी बौताए राए जू तू आपणै मसीहियों शै कौरे। ऐबै हांव तांव कैई बुलू कै ताखै ऐशणै लोगौ कै मौदद कौरणी चैंई जू ऐक जौगैह शै ओकी जौगैह दै सफर कौरौ जिथुकै ऐशै कौरणौ पौरमेशवर कै आछौ लागौ।