1 थिस्सलुनीकियों 2:11 - सिरमौरी नौवाँ नियम

¹¹ जैशै तुऐं जाणौए, कै जैशैखै पिता आपणै नानड़िया आरी बर्ताव कौरौ, तैशैखैई आमै बै तुऔं मुंजीदै हरेक खै उपदैश दियु, औरौ तसल्ली दियु, औरौ सौमझौऊं थिए।

Sirmouri

¹¹ तुँऐं जाँणो ऐ के बाबा केष्णाँ आप्णे नहाँन्ड़िया की गईलो बरताव करह्, तेष्णा ही आँमें भे तुँओं मुँझ्षा, ऐकी नाँम खे शिक्क्षा दियों, अरह् शाँण्ति देंदे सम्झाँव थिऐ

1 थिस्सलुनीकियों 2:11 Iomraidhean Croise

लूका 16:28

जिथुकै मैरै पाँच भाए औसौ; औरौ हांव चोऊं कै सै जांव औरौ मैरै भाई खै चिताए दैंव, कोदी ऐशै नी हौंव कै सै बै इयौं पीड़ो कै ठाँव दै आंव।’

प्रेरितो कै काम 20:2

तैसी सारै प्रदेश दा हौयौ औरौ चैलो खै बैजाए हिम्मत दैयौ कै सै यूनान प्रदेश जिथु अखाया प्रदेश बै बौल़ौ तिथै ओऊवा।

इफिसियों 4:17

इथकारिए हांव तैसी औधिकार कै साथै जू प्रभुए मुखै दैय राए, हांव तुऔं ऐजौ बौतौऊं कै जैशै अबिशवाशी लोग आपणै मन कै बुरै विचारो कै साथै जीवन जियौं, तुऐं तैशणा जीवन ना जियौं।

1 थिस्सलुनीकियों 2:7

पौरौ जैशैखै माँ आपणै नानड़िया का पालन पोषण कौरौ, तैशैखैई आमै बै तोंवारै बीच दै रौयौ कोमलता दिखाए।

1 थिस्सलुनीकियों 4:1

ओए रै मैरै बिशवाशी भाईयों आखरी दी आमै प्रभु यीशु मसीह कै नांव दै मोजबूती शै तुंआदै बिन्ती कौरु कै ऐशणा जीवन जियौ, जू पौरमेशवर कै खुश कौरौ, जैशै आमुए तुऔं शिखाए राए। तुऐं आगै दै ही ऐशैखै जियौंए, औरौ आमु तुऔं ऐशै कौरदै रौणौ कारिए हौजौ बै मौदद कौरदै।

1 थिस्सलुनीकियों 4:6

ऐशैखै कौरेयौ कुणिए आपणै बिशवाशी भाई कै खिलाफ पाप नी कौरेया, औरौ ना तैसी पांदी दाव चौलाया, जिथुकै प्रभु यीशु तिनुकै सौजा दैंदा जू ऐशणै सौबै काम कौरौ। जैशैखै आमुए आगै तुऔं खै बौलेयौ चिताए बै राए थिए।

1 थिस्सलुनीकियों 5:11

इयौं बौजैह शै ऐकी दूजै खै हिम्मत दैव, औरौ पौरमेशवर पांदी हौजौ मोजबूती शै बिशवाश कौरणौ कारिए ऐकी दूजै कै मौदद कौरौ जैशैखै तुऐं कौरौ बै औसौए।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

2 थिस्सलुनीकियों 2:5

बिसरेया नी कै हांव तुऔं खै ऐजी बातौ बौतौऊं थिया, जोबै हांव तोंवारै साथै थिया।

2 थिस्सलुनीकियों 3:12

ऐशणै कै आमै तैसी औधिकार शै जू प्रभु यीशु मसीहे आमु दैय राए आज्ञा दियु औरौ सौमझौऊवे, कै आपणै कामौ पांदी ध्यान दैया कौरौ औरौ आपणै रोजी कारिए पौयसै कमाया कौरेया।

1 तीमुथियुस 5:21

पौरमेशवर, औरौ मसीह यीशु, औरौ चोणेयौंदे स्‍वर्गदूतौ कै उपस्‍थित जाणैयौ हांव ताखै आदैश दियु कै जू किछै बै तू कौरे, तिथमुंजी कोसी आदमी कै प्रति बिना भैदभाव कै काम कौर।

1 तीमुथियुस 5:7

बिशवाशियौं कै ऐजै नियम दै ताकि कुणिए बै तिनु पांदी दोष नी लांव।

1 तीमुथियुस 6:13

हांव ताखै पौरमेशवर कै जू सौबी कै जियुंदी राखौ, औरौ मसीह यीशु कै गवाह मानैयौ, जैणै जोर दैयौ साचौ बौल़ौ जोबै तैसी पुन्‍तियुस पिलातुस खै धोरे मुकदमे कारिए लियोऊवा, तिनु दुईनै कै धोरे दा, हांव तुऔं खै ऐजा आदैश दियु,

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

1 तीमुथियुस 6:2

औरौ जिनकै मालिक बिशवाशी औसौ, सैजै गुलाम आपणै मालिको का आदर कौरौ, इनु सै मसीह दै भाई सौमझौ, पौरौ हौजौ आछै तरीकै शै तिनकै सेवा कौरणै चैंई, जिथुकै तिनकै काम का फायदा उठाणौ वाल़ै बिशवाशी औसौ जिनु सै मसीह दै भाई जैशणै प्यार कौरौ तू इनु बातौ कै शिक्षा औरौ उपदैश दैया कौर।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।

तीतुस 2:6

ऐशैखैई जवान मर्द खै बै सोमझाव कै सै आपी पांदी काबू राखणौवाल़ै हौंव औरौ बिन्ती कौरेयौ सै बुध्‍दिमानी शै काम कौरौ।

तीतुस 2:9

गुलामो कै शिखा की सै सौदा आपणै मालिको की आज्ञा कै मानौ, तिनु तैशैखैई कौरणौ कारिए बौल जू तिनकै मालिको कै खुश कौरौ, औरौ सै मालिको कै पाछु जोवाब ना दैंव;

इब्रानियों 13:22

ओए रै बिशवाशी भाईयों, हांव तुऔं कैईंदै बिन्ती कौरु, कै ऐसी सौंदेश कै धीरज शै शुणौ जू मोऐं तुऔं हौंसला दैणौ कारिए लैख राए। जिथुकै मोऐं तुऔं बैजाए विस्तार शै लैख राए।

3 यूहन्ना 1:4

जोबै बै हांव ऐजौ शुणु कै सैजै लोग मैरै नानड़िया कै जैशणै औसौ औरौ सौचाई कै हिसाब शै जी रौवै तौ ऐजै बात मुखै हौजौ बै खुशी कौरे दैंव।