1 थिस्सलुनीकियों 1:10 - सिरमौरी नौवाँ नियम

¹⁰ औरौ सै बौल़ौए कै तुऐं कैशै पौरमेशवर कै बैटै कै औटेयौ पाछु आणौ कै ठोल़नाए कौरे लोए, जैसीखै पौरमेशवरे मौरेयौंदे मुंजीदा जियुंदी कौरा, यानी यीशु कै जू आमु कै पौरमेशवर कै आणौवाल़ै क्रोध शै बौचांव।

Sirmouri

¹⁰ अरह् तेसके बैटे का स्वर्गो शी आँणों की ताक दे रंह्, जेसी तिन्ऐं मँरे अंदे मुझ शा जीयाल़ा, मतल्व प्रभू यीशू, जू आँमों पंण्मिश्वर के तियों सजा शे बंचाव जू संभी पापी गाशी पढ़णों वाल़ी असो।

1 थिस्सलुनीकियों 1:10 Iomraidhean Croise

मत्ती 1:21

सै ऐक बैटा पौयदा कौरली, औरौ तू तैसकौ नांव यीशु राखैया, जिथु सै आपणै लोगौ कै तिनकै पापौ शै बौचांदा।”

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 16:28

हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”

मत्ती 3:7

जोबै तैणै बौहितै फरीसी औरौ सदूकी लोगौ खै बपतिस्मा लोणो कारिए आपणै धोरे आन्दै बैई दैखै औरौ तैणै तिनुकै बौल़ौ, “तुऐं लोग शोंगोऊं कै नानड़िया जैशणै जोहरिले औसौ, तुऔं कै कुणै बौल़ौ कै आणौवाल़ै गुस्से शै दोऊड़ो?

लूका 2:25

तैसी सौमय यरूशलेम शहर दा शमौन नांव का ऐक आदमी थिया औरौ सैजा आदमी धरमी औरौ भकत थिया, औरौ बैसब्री शै मसीह कै आणौ का इंतजार कौरे लौआ थिया कै सै इस्राएल देश कै शान्तै दैंव, औरौ पवित्र आत्मा तैसी पांदी थै।

लूका 3:7

जू बौड़ै भीड़ यूहन्ना बपतिस्मा दाता शै बपतिस्मा लोणो कारिए आंव थै, सै तिनु बौल़ौ थिया, “तुऐं लोग शोंगोऊं कै नानड़िया जैशणै जोहरिले औसौ! तुऔं कै कुणै बौल़ौ कै आणौवाल़ै गुस्से शै दोऊड़ो?

प्रेरितो कै काम 1:11

औरौ तिनुकै बौलदै लागै, “ओए रै गलील जिले कै आदमियों तुऐं काए खौड़ै हौयौ गौयणै ढौबौ दैख लौ? ऐजाई यीशु जैसी पौरमेशवरे तोंवारै धोरे दा स्‍वर्ग कै ढौबौ उठाए दिया, जैशै तुऐं तैसीखै स्‍वर्ग कै ढौबौ जांदै बैई दैख राए, तैशैकैई सै दुजाल़ियो पाछु आन्दा।”

प्रेरितो कै काम 17:31

जिथुकै तैणै ऐक दूस ठोराए राए, जिंदै सै तैसी आदमी लैई धार्मिकता शै दुनिया का न्याय कौरदा, जैसी तैणै ठोराए राए, औरौ तैसी मौरेयौंदे मुंजीदा जियुंदा कौरेयौ कै इयौं बातौ का सबूत सौबी लोगौ खै दैय राए।”

प्रेरितो कै काम 2:24

पौरौ हौजौ बै पौरमेशवरे तैसीखै मौत कै बंधन शै छुड़ायो मौरेयौंदे मुंजीदा जियुंदा कौरे दिया। जिथुकै ऐजौ नामुमकिन थियु कै मौत तैसीकै आपणै बोशो दा राखै सौकौ।

प्रेरितो कै काम 2:32

ऐसी यीशु खै पौरमेशवरे जियुंदी कौरा, जैसकै आमु सौबै गवाह औसौ।

प्रेरितो कै काम 3:15

औरौ तुऐं तैसी जू लोगौ कै सौदा कै जिन्दगी दैंव मारै दिया, जैसी पौरमेशवरे मौरेयौंदे मुंजीदा जियुंदा कौरे दिया; औरौ इयौं बातौ कै आमु गवाह औसौ।

प्रेरितो कै काम 3:21

यीशु का स्वर्ग दा तैसी सौमय तौड़ी रौणा जौरुरी औसौ जोबै पौरमेशवर तिनु सौबी चीज़ौ कै नौवाँ बाणै दैन्दा जू तैणै बाणै रैई। बौहुत सौमय आगै पौरमेशवरे लोगौ कै बौताणौ कारिए पवित्र पौरमेशवर कै बातौ बौताणौवाल़ै कै दवारा ऐशै कौरणौ का वादा कौरा।

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

रोमियों 1:4

औरौ पवित्र आत्मा कै अनौखी शौकतै लैई सै मौरेयौंदे मुंजीदा जियुंदी हौणौ की बौजैह शै तियौं शौकतै कै साथै पौरमेशवर का बैटा साबित हौआ औरौ सैजा यीशु मसीह अमारा प्रभु औसौ।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

रोमियों 4:25

यीशु अमारै पापौ कारिए मौरे गौआ, औरौ पौरमेशवर आमु धरमी बाणणौ कारिए तैसी औटेयौ जियुंदी कौरा।

रोमियों 8:34

कुणिए बै अमारै निंदा ना कौरे सौकौ जिथुकै ऐजा यीशु मसीह औसौ, जू अमारै खातिर मौरे गौआ औरौ मौरेयौंदे मुंजीदा जियुंदी हौआ, औरौ जू अमारै तरफ शै अमारै खातिर बिन्ती कौरौ।

1 कुरिन्थियों 1:7

औरौ इयौं बौजैह शै, पवित्र आत्माए आमुखै सैजै सौबै वरदान दैय राए जिथकै आमु जौरुरत औसौ, जौबेकै आमै उम्मीद कै साथै अमारै प्रभु यीशु मसीह कै पाछु आणौ कै ठोल़नाए कौरे लौए।

गलातियौं 3:13

मसीह अमारै बौजैह शै क्रूसो पांदी मौरा तौ तैणै शराप खै आपी पांदी लोयो आमु मूसा कै कानून कै शराप शै बौचाए राए। जिथुकै पवित्र शास्त्र दो लैखै राए कै, “शरापित औसौ सै जू क्रूसो पांदी मारै दिया जाला।”

फिलिप्पियों 3:20

पौरौ अमारा आपणा देश स्‍वर्ग औसौ, औरौ आमुए ऐक उध्दार कौरणौवाल़ै प्रभु यीशु मसीह का स्वर्ग शै पाछु आणौ का इंतजार कौरे लौआ।

कुलुस्सियों 1:18

मसीह कलीसिया कै अगुवाई तैशै कौरौ, जैशै ऐकी आदमी कु मुंड तैसकै शोरीर कै काबू कौरौ, सैजाई शुरुआत औसौ, औरौ मौरेयौंदे मुंजीदा जिंदा हौणौवाल़ौ मुंजीदा आगला औसौ, कै सौबी बातौ दा प्रधान ठौहरौ।

1 थिस्सलुनीकियों 1:7

जिथका नतीजा ऐजा हौआ कै मकिदुनिया औरौ अखाया प्रदेश कै सौबै बिशवाशी लोगौ कारिए तुऐं नमूना बौणै गौवै।

1 थिस्सलुनीकियों 2:16

औरौ ऐशै कौरेयौ तिनिए आमु बैगानै यहूदी लोगौ खै ऐजौ बौताणौ शै रौकणौ कै कौचिश कौरे लोए थै, कै पौरमेशवर तिनु कैशै बौचाए सौकदा।

1 थिस्सलुनीकियों 2:7

पौरौ जैशैखै माँ आपणै नानड़िया का पालन पोषण कौरौ, तैशैखैई आमै बै तोंवारै बीच दै रौयौ कोमलता दिखाए।

1 थिस्सलुनीकियों 5:9

जिथुकै पौरमेशवरे आमु इथकारिए ना चोणे रैई कै आपणै गुस्से शै आमुखै सौजा दैंव पौरौ आमु प्रभु यीशु मसीह कै दवारा मोक्ति पाणौ कारिए ठोहराए राए।

2 तीमुथियुस 4:1

जोबै यीशु मसीह राजा कै समान शासन कौरदा आला, सै जियुंदी औरौ मौरेयौंदे दुईनै लोगौ का न्याय कौरदा, पौरमेशवर औरौ यीशु मसीह कै गवाह मानैयौ, हांव तुऔं याद दियायौ आदैश दियु।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

इब्रानियों 10:27

पौरौ तिनुखै डौर कै साथै पौरमेशवर कै न्याय का औरौ बैजाए भोबकैयौंदी आग कै उमीद कौरणै पौड़दै जू तिनु नाश कौरे दैंदै जिथुकै सै पौरमेशवर का विरोध कौरौ।

इब्रानियों 9:28

तैशैखैई, मसीह बै सिरफ ऐकै बैई बलिदान हौए गौआ ताकि सै सौबी लोगौ कै पापौ खै दूर कौरे दैंव। जोबै सै औटेयौ आन्दा तौ सै पाप कै बलिदान हौणौ कारिए ना आन्दा पौरौ तिनुखै बौचाणौ कारिए आन्दा जू तैसकी ठोल़नाए कौरौ।

1 पतरस 1:21

जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।

1 पतरस 1:3

अमारै प्रभु यीशु मसीह कै पिता औरौ पौरमेशवर का धन्यवाद हौं, पौरमेशवरे अमारै खातिर आपणी बौड़ै दया शै आमु ऐक नौवाँ जीवन दैय राए। जिथुकै पौरमेशवरे यीशु मसीह खै मौरेयौंदे मुंजीदा जियुंदी कौरा, तैणै आमु बैजाए भोरोशे कै साथै जिणौ कै लायक बाणै राए; यानी कै तिनु चीज़ौ खै पाणौ कै पूरै उमीद कौरे सौकौ जू तैणै आमु दैणौ का वादा कौरे राए।

1 पतरस 2:21

पौरमेशवर कै दवारा तुऔं चोणे जाणौ कै बौजैह मुंजीदै ऐक बौजैह ऐजी औसौ कै तुऔं तैसी कारिए भले काम कौरदै बैई दुख सैहन कौरे पांदै। मसीह, जैणै तोंवारै खातिर दुख सौऊवै, सै आपी तुऔं कारिए ऐक उदारण दैय गौआ, ताकि तुऐं तैसीकै जैशणै चालै सौकौ।

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।

2 पतरस 3:12

जैशैकै तुऐं तैसी दूसौ कै ठोल़नाए कौरौ जौल़ौ पौरमेशवर दुनिया का न्याय कौरणौ कारिए पाछु आन्‍दा, तौ तैसी दूसौ कै तावल़ै आणौ कारिए आपणी औरौ शै पूरै कौचिश कौरौ। तैसी दूसै, आग भौबकी जांदै औरौ गौयणै का नाश कौरे दैंदै, औरौ तिथकी गर्मी गौयणै दौ सौबै ठुँ पिघलाए दैन्दौ।

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।

प्रकाशितवाक्य 1:18

हांव एकबेई मौरे गौआ थिया पौरौ ऐबै हांव जियुंदी औसौ औरौ हांव हमैशा जियुंदी रौंदा। दैख हांव युग-युग जियुंदी औसौ; मुंकैई मौत औरौ पताल़ की चाबी औसौ।”

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।