1 पतरस 5:10 - सिरमौरी नौवाँ नियम

¹⁰ पौरमेशवर जू पूरी तरह शै अनुग्रह लैई भौरेयौंदा औसौ, तैणै आमु मसीह कै साथै अमारै रिशतै कै बौजैह शै स्वर्ग दै तैसकै सौदा कै महिमा दै शामिल हौणौ कारिए बौएदै राए। औरौ तोंवारै दैणिक सौमय तौड़ी दुख सैहणौ कै बाद, पौरमेशवर तुऔं आछा बाणै दैंदा ताकि तुऔं मुंजी हौजौ कुणजाई दोष नी रौंव औरौ सै तोंवारै दिलो खै मोजबूत कौरदा औरौ तैसी पांदी तोंवारै भोरोशे खै सौथीखै मोजबूत बाणै दैंदा।

Sirmouri

¹⁰ ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।

1 पतरस 5:10 Iomraidhean Croise

लूका 22:32

पौरौ मोऐं तांव कारिए प्रार्थना कौरे राए कै तू बिशवाश कौरणा छोड़े ना दैय, औरौ जोबै तू मैरै धोरे पाछु आए रौआ, तौ तू आपणै भाईड़ी कै मजबूत कौरेया कै सै मुं पांदी बिशवाश कौरौ।”

रोमियों 15:13

हांव प्रार्थना कौरु कै पौरमेशवर जू आशा का दाता औसौ तैसी पांदी तुंआरै बिशवाश कौरणौ कै बौजै शै सै तुऔं पूरी तरह शै आनन्द औरौ शान्तै शै भौरी दैंव, कै पवित्र आत्मा कै अनौखी शौकतै लैई तुंआरै आशा बौढ़दै जांव।

रोमियों 15:5

हांव प्रार्थना कौरु कै पौरमेशवर आमु सब्र औरौ उत्साह दैंव ताकि मसीह यीशु कै पाछैदै चालदै बैई आपी मुंजी एकता दै रौंव।

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

रोमियों 9:11

तिनकै पौयदा हौणौ शै आगैई तिनुऐ ना तौ आछौ औरौ ना बुरु कौरे रैई थी पौरौ पौरमेशवरे रिबका कै आगैई बौल़ै राए थियु कै तैरा बौड़ा बैटा नानड़ै कै सेवा कौरदा। प्रभुए ऐजौ दिखाणौ कारिए बौल़ौ कै सै आपणी पसंद खुद बाणौ औरौ ऐजौ कोसी बै काम की बौजैह शै ना थी जू तिनुऐ कौरौ।

रोमियों 9:24

चाहै यहूदी लोग हौंव या बैगानै यहूदी लोग हौंव, आमु सैजै चोणेयौंदे लोग औसौ जिनु पौरमेशवरे चोणे राए।

1 कुरिन्थियों 1:10

ओए रै बिशवाशी भाईयों, अमारै प्रभु यीशु मसीह कै औधिकार शै, हांव तुऔंआरी ऐशै कौरणौ कै बिन्ती कौरु, कै तुऔं सौबी खै ऐकी दुजैआरी सहमत हौणौ चैंई। औरौ तुऔं मुंजी झोगड़ा नी होणा चैंई पौरौ तुऔं ऐक जैशणी सोंच राखैयौ औरौ ऐकैई मकसद राखैयौ ऐकी दूजै कै साथै मिल-जोलैयौ रौणौ चैंई।

1 कुरिन्थियों 1:9

पौरमेशवरे आपणै बैटै, प्रभु यीशु मसीह कै साथै आमु एकजुट हौणौ कारिए चोणे राए, औरौ सै बिशवाश लायक औरौ वादै का पाका औसौ। इथकारिए तुऐं ऐजौ निशोंक हौयौ जाणै सौकौ कै सै तोंवारै खातिर आपणा वादा पूरा कौरदा।

2 कुरिन्थियों 13:11

इथकारिए ओए रै बिशवाशी भाईयों, खुशी रौंव; मोजबूत बौणदै जाव; मैरी सलाह कै शुणौ; ऐकैई मन राखौ; मैल-मिलाप शै रौव, औरौ प्यार औरौ शान्तै का दाता पौरमेशवर तोंवारै साथै हौंदा।

2 कुरिन्थियों 4:17

जिथुकै अमारै ऐसी सौमय कै पौरैशानी नानड़ी औसौ औरौ बैजाए लाम्बै सौमय तौड़ी ना रौंदी। जिथुकै इथका नतीजा सौदा कै महिमा हौंदी जू तिनु सौबी दी बैजाए जादा हौंदै जिथकै बारै मुंजी आमै सोंचै बै ना सौकु।

फिलिप्पियों 4:13

मसीह जू मुखै शौकतै दैंव तैसकै मौदद शै हांव सौबै ठुँ कौरे सौकु।

कुलुस्सियों 2:7

जैशै ऐक डाल़ जोमीनो दा जोड़ पाकड़ो औरौ ऐक घोर नीयुं पांदी मजबूत रौंव, तैशैखैई तुऐं आपणै बिशवाश दै मजबूत हौंदै रौंव औरौ लगातार तैसीआरी बौढ़दै जाव जैशै तुऔं कै शिखाए राए औरौ जादा सै जादा धन्यवाद कौरदै रौव।

1 थिस्सलुनीकियों 2:12

ऐशणा जीवन जियौ जू पौरमेशवर खै खुश कौरौ, जू तुऔं खै आपणै राज्य औरौ महिमा दै शामिल हौणौ कारिए बोईदौए।

2 थिस्सलुनीकियों 2:14

जैसी सुसमाचार का आमुए तुऔं प्रचार कौरे राए तिथकै दवारा पौरमेशवरे तुऔं बौचाणौ कारिए बौएदै राए ताकि तुऐं अमारै प्रभु यीशु मसीह कै महिमा दै शामिल हौए सौकौ।

2 थिस्सलुनीकियों 2:17

हांव ऐजै बै प्रार्थना कौरु कै सै तुऔं हौंसला दैंव औरौ मोजबूत कौरौ ताकि तुऐं सैजौ सौबै जू आछौ औसौ तिथु कौरणौ औरौ बौताणौ जारी राखौ औरौ तुऔं सौबै आछै काम, औरौ वचन दै मोजबूत कौरौ।

2 थिस्सलुनीकियों 3:3

पौरौ प्रभु भोरोशे कै लायक औसौ, सै तुऔं आत्मिक तौर शै मोजबूत कौरदा औरौ दुष्ट शैतान शै तोंवारै रक्षा कौरदा।

1 तीमुथियुस 6:12

युध्द मुंजी ऐक आछै सैनिक कै जैशणा, जू लोड़ाई मुंजी कौलोंई हार ना मानौ, ताखै बै, पौरमेशवर पांदी भोरोशा कौरणा औरौ तैसकै आज्ञा का पालन कौरणा ना छोड़णा चैंई। तियौं सौदा कै जिन्दगी कै मोजबूती शै पाकड़ै पा, जियौं कारिए ताखै बौएदै राए, जोबै बौहितै लोगौ कै सामणै, तुऐं साफ-साफ बौल़ै राए थियु कै तू मसीह पांदी भोरोशा कौरे।

2 तीमुथियुस 1:9

जैणै अमारा उध्दार कौरा, औरौ आमु ऐक पवित्र जीवन जिणौ कारिए बोइदै औरौ तैणै आमु इथकारिए ना बौएदै रैई जिथुकै आमै आछै काम कौरे राए; पौरौ आपणी योजना औरौ तैसी अनुग्रह कै हिसाब शै; जोबै इदै औगौड़ियौ कै पौरमेशवरे दुनिया बाणै, मसीह यीशु कै दुनिया दा मौरणौ कारिए भैजणौ कै दवारा आपणै दया दिखाणौ कै योजना बाणै राए थै।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

इब्रानियों 9:15

इथ बौजैह शै मसीह पौरमेशवर कै ढौबौशा आपणै लोगौ कारिए ऐक नोऐं कौरार लाणौ वाल़ा बिचोलिया औसौ। ताकि सैजै लोग जिनुखै पौरमेशवरे बौएदै राए तिनु आशीषौ खै पाए सौकौ जिथका वादा पौरमेशवरे कौरे राए थिया। ऐशै इथकारिए हौए सौकौ जिथुकै मसीह तिनु तिनकै पापौ कै सौजा शै आज़ाद कौरवाणौ कारिए मौरे गौआ जू तिनुऐ आगलै कौरार कै अधीन रौयौ कौरे राए थिए।

1 पतरस 1:15

पौरौ ऐबै तुऔं हर काम मुंजी जू तुऐं कौरौए पवित्र हौणौ चैंई, जैशैकै पौरमेशवर पवित्र औसौ जैणै तुऔं आपणै संतान हौणौ कारिए चोणे राए।

1 पतरस 4:10

हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।

2 पतरस 1:3

पौरमेशवरे आपणै अनौखी शौकतै लैई आमु सैजौ सौब दैय राए जू आमु ऐशणा जीवन जिणौ कारिए चैंई। ऐजौ आसान औसौ जिथुकै आमै पौरमेशवर खै जाणुए औरौ सै सैजाई औसौ जैणै आमु आपणै महिमा औरौ सिध्द अच्छाई लैई आपणै लोग हौणौ कारिए चोणे राए।

1 यूहन्ना 2:25

औरौ पौरमेशवरे आमुआरी वादा कौरे राए कै सै आमु सौदा कै जिन्दगी दैंदा।

यहूदा 1:24

पौरमेशवर तोंवारै रक्षा कौरणौ कै लायक औसौ, ताकि तुऐं सौबै पाप वाल़ै जीवन की बौजैह शै धौखा नै खांव। सै तुऔं महिमा वाल़ै पौरमेशवर यानी आपणै धोरे लाणौ दै औरौ तुऔं निर्दोष औरौ आनन्द शै भरपूर बाणणौ कै लायक औसौ।