1 पतरस 4:11 - सिरमौरी नौवाँ नियम

¹¹ जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।

Sirmouri

¹¹ जे कुँऐं बचन बुलो, तअ तेष्णा बुलो, जेष्णाँ तेसी पंणमिश्वर कैई शा भेटियों तेने बुली लुवा; जे कुँऐं सेवा करह्, तअ तियों शक्त्ति शी करह्, जैष्णी पंणमिश्वर कैई शी भेटी रूऐ; जिन्दे लई बादी बातो दी प्रभू यीशू मसीया के जाँणें, पंणमिश्वर की बड़ियाऐ पर्गट हों; बड़ियाऐ अरह् शक्त्ति सदा-सदा तिनकी ही असो। आमीन।

1 पतरस 4:11 Iomraidhean Croise

मत्ती 6:13

‘औरौ आमुखै परीक्षा दै नै पोड़णो दैया, पौरौ दुष्ट शैतान कैईंदै बौचा; (जिथुखै राज्य औरौ शौकतै औरौ महिमा सौदा तैरै औसौ।’” आमीन)

यूहन्ना 13:31

जोबै यहूदा बायरै हौटै गौआ तोबै यीशुए बौल़ौ, “ऐबै मुं आदमी कै बैटै की महिमा तैसकै हौंव, औरौ ऐजौ प्रगट हौंव कै पौरमेशवर कैतरा महान औसौ।

प्रेरितो कै काम 7:38

ऐजाई मूसा ऐक पौरमेशवर कै बातौ बौताणौवाल़ै कै रुप दा अमारै पुराणियो कै साथै थिया, जोबै सै रेगिस्थान दै कौठै थिए। पौरमेशवरे आपणै स्‍वर्गदूत कै भैजा जैणै सीनै पाहाड़ पांदी मूसा शै बातौ कौरी औरौ मूसा कै अमारै कानून दिए औरौ मूसाए तिनु कानून कै आमु तौड़ी पोऊंचाए।

रोमियों 11:36

जिथुकै सौब ठुँ पौरमेशवर शै आंव। तैणै सौब ठुँ बाणै राए, औरौ सौब ठुँ तैसकौ ही औसौ। तैसकै महिमा जुग-जुग हौन्दै रौंव। आमीन।

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

रोमियों 16:27

तैसी एकमात्र बुध्दिमान पौरमेशवर कि यीशु मसीह कै दवारा युग-युग महिमा हौंदी रौंव। आमीन।

रोमियों 3:2

ऐक यहूदी हौणौ कै बैजाए फायदै औसौ। सौबदै खास बात ऐजी औसौ कै, पौरमेशवर कै वचन यहूदी लोगौ खै सौंपै राए।

1 कुरिन्थियों 10:31

आखरी दौ, हांव तुऔं खै ऐजौ बोताणौ चोऊं, कै इथकारिए जै तुऐं चाहै खांव, चाहै पियौं, चाहै जू किछै कौरौ, सौबै ठुँ पौरमेशवर कै महिमा कै खातिर कौरौ।

1 कुरिन्थियों 12:4

ऐबै कैई भान्त कै आत्मिक वरदान औसौ, पौरौ ऐजा सैजाई पवित्र आत्मा औसौ जू तिनु सौबी वरदान कै दैंव,

1 कुरिन्थियों 3:10

पौरमेशवरे जू वरदान मुखै दैय राए, तिथका इस्तैमाल कौरदै बैई मोऐं तिथु घौरौ कै नीयुं ऐकी बुध्दिमान राजमिस्तरी साए राखै। औरौ औकै लोगै तियौं नीयुं पांदी काम छैड़ राए, पौरौ सौबी लोगौ खै चौकश रौणौ चैंई कै तिथपांदी कैशै काम छैड़ राए।

1 कुरिन्थियों 6:20

पौरमेशवरे यीशु मसीह का जीवन दैयौ तुऔं छुटकारा दैय राए इथकारिए आपणै शोरीर कै दवारा पौरमेशवर कै महिमा कौरौ।

2 कुरिन्थियों 2:17

जिथुकै आमै तिनु बौहितौ कै जैशणै नी, जू धन कारिए पौरमेशवर कै वचन का प्रचार कौरौ, पौरौ आमु पौरमेशवर कै वचन का प्रचार सौचाई औरौ मसीह कै औधिकार कै साथै कौरु, ऐजौ जाणदै बैई कै पौरमेशवरे आमु दैखै लौवै।

2 कुरिन्थियों 9:13

जिथुकै ओकी कै मौदद कौरणौ कारिए धन दैणौ कै ऐजी सेवकाई दिखांव कै तुऐं आपणा वादा पूरा कौरे राए। बौहितै लोग पौरमेशवर कै महिमा प्रगट कौरदै जोबै तुऐं मसीह का साचा सुसमाचार कै सोचाई कै साथै मानलै औरौ बौतालै। औरौ तुऐं गरीब बिशवाशी औरौ ओकी बिशवाशियौं कै मौदद कौरणौ दै दया प्रगट कौरदै रौव।

इफिसियों 1:19

हांव चोऊं कै तुऐं तैसी महान औरौ पराक्रमी शौकतै कै बारै मुंजी जाणै सौकौ, जू पौरमेशवर कै धोरे आमु कारिए औसौ, जू मसीह पांदी बिशवाश कौरौ। ऐजी सैजी अनौखी शौकतै औसौ।

इफिसियों 4:29

कुणजै गौंदी बात तोंवारै मुं पौरैशी ना निकल़ी चैंई, जू किछै बै तुऐं बौल़ौ सैजौ आछौ औरौ मौददगार हौणौ चैंई, ताकि तोंवारै बातौ तिनु लोगौ का हौंसला बौढ़ाव जू तिनु बातौ कै शुणौए।

इफिसियों 5:20

औरौ जू किछै अमारै प्रभु यीशु मसीहे कौरे राए तिथकै बौजैह शै सौदा अमारै पौरमेशवर पिता कै सौबै बातौ कारिए धन्यवाद कौरदै रौव।

इफिसियों 6:10

आखिर दै प्रभु कै शौकतीशाली आत्मिक शौकतै शै मोजबूत बौणौ।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

फिलिप्पियों 2:11

औरौ पौरमेशवर पिता कै महिमा कारिए सौबै लोग अंगीकार कौरे पाव कै यीशु मसीह ही प्रभु औसौ।

कुलुस्सियों 4:6

तुंआरी बातौ सौदा नम्रता कै साथै औरौ मन कै भाणो वाल़ी हौंव औरौ जै तुऐं ऐशै कौरलै तौ तुऐं शिखै पांदै कै लोगौ कै कैशै बुध्दिमानी कै साथै जोवाब दैणा, जोबै कुणिए तुऔं कैईंदु सुसमाचार कै बारै मुंजी पूछौ।

1 थिस्सलुनीकियों 2:4

पौरमेशवरे आमुखै काबिल सौमझेयौ सुसमाचार सौंपै राए। इथकारिए आमु आदमियों कै नी, पौरौ अमारै दिल खै पौरखणौ वाल़ै पौरमेशवर खै खुश कौरणौ कारिए उपदैश दियु।

1 तीमुथियुस 1:17

ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

1 तीमुथियुस 6:16

औरौ सिरफ सै एकमात्र औसौ जू सौदा कारिए जियुंदा औसौ, औरौ सै ऐतरै चोमकदार पेयाशै दा रौंव औरौ ना कोसी आदमीए तैसी दैख राए औरौ ना कुणिए दैख सौकौ। तैसकै महिमा, शौकतै औरौ राज्‍य जुग-जुग रौंदै। आमीन।

तीतुस 2:1

पौरौ तीतुस ताखै ऐजौ जौरुरी औसौ कै ताखै बिशवाशियौं कै सिरफ सैजौई शिखाणौ चैंई जू यीशु मसीह कै बारै मुंजी साची शिक्षाओं कै हिसाब शै औसौ।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।

इब्रानियों 13:7

जू तोंवारै अगुवे थिए, औरौ जिनुवै तुऔं पौरमेशवर का वचन शुणौऊवा, तिनु याद राखौ औरौ ध्यान शै दैखौ कै तिनुऐ कैशै आपणा जीवन जिया औरौ इथै तौड़ी कै सै मोरदै दम तौड़ी बिशवाश लायक रौवै, पौरमेशवर पांदी तैशणा ही भोरोशा राखौ जैशणा तिनुऐ दिखाए राए थिया।

इब्रानियों 5:12

तुऐं लाम्बै सौमय शै बिशवाश कौरदै आए रौवै। इबी तौड़ी तौ तुऔं खै शिखाणै वाल़ै हौए जाणौ चैंई थियु। इथकै बजाय, तुऔं इबी बै कोसी कै जौरुरत औसौ जू तुऔं पौरमेशवर कै वचनो की बुनियादी शिक्षा औटेयौ शिखांव। तुऐं तौ ऐशणै हौए गौवै, मानौ नानड़िया ही हौलै। काठौ खाणौं खाणौ कै बजाय, तुऔं खै इबी बै दूध ही चैंई।

याकूब 1:19

ओए रै मैरै प्यारे भाईटु, ऐजै बात तुऐं जाणै पाव, हरेक आदमै शुणणौ कारिए तैयार, औरौ बौल़ाणौ दा सब्र राखणौ वाल़ा, औरौ गुस्सा कम कौरणौवाल़ा हौंव।

याकूब 1:26

जै कुणिए आपी खै भोक्‍त सौमझौ, पौरौ बुरी बातौ बौलणौ पांदी काबू ना राखौ तौ सै आपी खै धौखा दैंव औरौ तैसकै भोक्‍ती बैकार औसौ।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 पतरस 4:10

हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।

1 पतरस 4:16

पौरौ जै कोसी खै मसीही हौणौ कै नातै दुख सैहन कौरणा पौड़ौ, तौ तुऐं इयौं शर्म कै बात नी सौमझैया, पौरौ पौरमेशवर कै महिमा कौरौ कै तुऐं इथकारिए दुख सैहन कौरे लौआ जिथुकै तुऐं मसीह कै लोग औसौ।

1 पतरस 5:11

सै हमैशा कारिए शौकतीशाली रुप दा शासन कौरदा। आमीन।

यहूदा 1:25

सै एकमात्र पौरमेशवर औसौ औरौ अमारै प्रभु यीशु मसीहे अमारै खातिर जू कौरे राए, तैसकै दवारा आमु बौचाए राए। अमारा प्रभु यीशु मसीह लोगौ कै दवारा पौरमेशवर कै इज्जत कौरणौ औरौ तैसकै तारीफ कौरणौ कै बौजैह बौणौ। ताकि लोग जाणी पांव कै तैसीकैईं सौमय कै शुरुआत शै लोयो आणौवाल़ै सौमय तौड़ी औरौ हमैशा-हमैशा कारिए शौकतै औरौ औधिकार औसौ। आमीन।