1 पतरस 3:8 - सिरमौरी नौवाँ नियम

⁸ आखरी दौ हांव तुऔं सौबी खै बुलू, कै तुऔं सौबी का ऐक मन हौणा चैंई औरौ ऐकी दूजै कै फिकर कौरौ औरौ ऐकी दुजैआरी भाई-बौईणी कै जैशणा प्यार कौरौ औरौ ओकी पांदी दया कौरौ औरौ ऐकी दूजै कै साथै नम्र बौणौ।

Sirmouri

⁸ तअ: बादे के बादे ऐक मंन अरह् दया-बंत भाईचारे को पियार थणों वाल़े, कृपा, अरह् दीन-नीम्ताई वाल़ा बणों।

1 पतरस 3:8 Iomraidhean Croise

मत्ती 18:33

इथकारिए जैशैखै मोऐं तांव पांदी दया कौरे, तैशैखैई ताखै बै आपणै साथौ कै नोकरो का कर्जा माफ कौरे दैणा चैंई जैशै मोऐं तांव पांदी दया कौरेयौ तैरा कर्जा माफ कौरे दिया थिया?’

लूका 10:33

पौरौ ऐक सामरी लोगौ कै इलाके का ऐक आदमी तैसी जौगैह बाटी हौटा, जिथै सैजा जखमे आदमी थिया, औरौ तैसी दैखैयो सै तैसी पांदी गिणोऊंवा।

प्रेरितो कै काम 2:1

जोबै यहूदी लोगौ कै पिन्‍तेकुस्‍त का दूस ओऊवा, तोबै सै सौबवे ऐकी जौगैह कौठै थिए।

प्रेरितो कै काम 27:3

दूजै दूसै आमै सैदा नगर पौंचै गौवै औरौ यूलियुसे पौलुस पांदी दया कौरेयौ कै तैसी दोस्तो कै इथै जाणौ दिया कै तिनु कैईंदी जौरुरी चीज़ौ लियांव।

प्रेरितो कै काम 28:7

तैसी जौगैह कै नेड़ी-बैड़ी पुबलियुस नांव कै तैसी टापू कै प्रधानों की जोमीन थी: तैणै आमुखै आपणै घोरे नियौ खै ती दूसौ तौड़ी अमारै खातिरदारी कौरे।

प्रेरितो कै काम 4:32

बिशवाश कौरणौवाल़ौ कै मण्‍डली ऐक चित औरौ ऐकी मनो कै थी, इथै तौड़ी कै कुणिए बै आपणै जायदात कै आपणै नी बौल़ौ थिए, पौरौ सौबै ठुँ साझे को थियु।

रोमियों 12:10

जैशणा प्यार आपणै परिवार आरी कौरौ तैशणाई प्यार ओकीआरी बै कौरौ; आपी मुंजी आदर कौरणौ दै ऐकी दूजै शै बौढ़ेयौ चालौ।

रोमियों 15:5

हांव प्रार्थना कौरु कै पौरमेशवर आमु सब्र औरौ उत्साह दैंव ताकि मसीह यीशु कै पाछैदै चालदै बैई आपी मुंजी एकता दै रौंव।

1 कुरिन्थियों 1:10

ओए रै बिशवाशी भाईयों, अमारै प्रभु यीशु मसीह कै औधिकार शै, हांव तुऔंआरी ऐशै कौरणौ कै बिन्ती कौरु, कै तुऔं सौबी खै ऐकी दुजैआरी सहमत हौणौ चैंई। औरौ तुऔं मुंजी झोगड़ा नी होणा चैंई पौरौ तुऔं ऐक जैशणी सोंच राखैयौ औरौ ऐकैई मकसद राखैयौ ऐकी दूजै कै साथै मिल-जोलैयौ रौणौ चैंई।

1 कुरिन्थियों 12:26

जै शोरीर का कुणजाई अंग दुख पांव, तौ तैसकै साथै शोरीर कै औकै सौबै अंग बै दुख पांव। जै कोसी ऐकी अंग कै इज्जत बौढ़ौ तौ सौबी अंग कै इज्जत बौढ़ौ।

इफिसियों 4:2

औरौ पूरै दीनता, औरौ नम्रता कै साथै, औरौ धीरज धोरेयौ ओकी कै बर्ताव कै सैहन कौरौ,

इफिसियों 4:31

सौबै भान्त खै कड़वाहट औरौ प्रकोप औरौ गुस्सा औरौ कलह, औरौ सौबै बैरभाव औरौ नेंदैया तक आपणै जीवन शै दूर कौरौ।

इफिसियों 4:32

ऐकी दूजै पांदी दयालु औरौ करूणामय बौणौ, औरौ जैशै पौरमेशवर मसीह दै तोंवारै पाप माफ कौरे, ऐशैखैई तुऐं बै ऐकी दूजै कै पाप माफ कौरौ।

फिलिप्पियों 2:3

स्वार्थ औरौ घमण्‍ड कारिए किछै ना कौरौ, पौरौ दीनता शै ऐकी दूजै कै आपी शै जादा आछोड़ै सौमझौ।

फिलिप्पियों 3:16

इथकारिए आमु सच कै साथै जीणु चैंई जू आगै दौ ही पौरमेशवरे आमु पांदी प्रगट कौरे राए।

कुलुस्सियों 3:12

पौरमेशवरे तुऔं आपणै पवित्र लोग हौणौ कारिए चोणे राए औरौ सै तुऔंआरी प्यार कौरौ इथकारिए बौड़ै दया औरौ भोलाए, दीनता औरौ नम्रता औरौ सैहन शीलता धारण कौरौ।

इब्रानियों 13:1

ऐकी दूजै कै फिकर कौरदै रौव जैशै प्रभु कै चैलै खै कौरणी चैंई।

याकूब 2:13

जिथुकै जैणै दया ना कौरी, तैसका न्याय बै बिना दया का हौंदा दया न्यांव पांदी जीतै जांव।

याकूब 3:17

पौरौ जू ज्ञान पौरमेशवर दैंव, सै आगै तौ पवित्र हौंव, तेई शान्तै दैणौवाल़ा, कोमल, औरौ सै ओकी कै अधीन रौणौवाल़ा हौंव, ऐजा दया औरौ आछै कामौ शै भौरेयौंदा औरौ ईमानदार औरौ बिना कपट वाल़ा हौंव।

याकूब 5:11

आमु दुखो दै धीरज धोरणो वाल़ौ खै धन्‍य बुलू। तुऐं अय्‍यूब नांव कै ऐक आदमी कै धीरज राखणौ कै बारै मुंजी तौ शौणै राए, औरौ तुऐं ऐजौ बै जाणौए कै पौरमेशवरे आखरी दी तैसकै कैशै मौदद कौरे, जिथलैई प्रभु कै बैजाए करूणा औरौ दया प्रगट हौंव।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 2:17

सौबी का आदर कौरौ, आपणै सौबी बिशवाशी साथी आरी प्यार राखौ। पौरमेशवर दै डौरौ, राजा कै इज्जत कौरौ।

1 पतरस 5:5

ऐशैखैई तुऔं जोवान लोगौ कै, अगुवो कै बात मानणै चैंई। तुऔं सौबी खै नम्रता कै साथै ऐकी दूजै कै सेवा कौरणै चैंई। जिथुकै पवित्र शास्त्र दौ लैखै राए कै, “पौरमेशवर घमण्डी लोगौ का विरोध कौरौ, पौरौ नम्र पांदी अनुग्रह कौरौ।”

2 पतरस 1:7

औरौ तुऔं ना सिरफ ऐशणै तरीकै शै जीणु चैंई जू पौरमेशवर खै खुश कौरौ पौरौ तुऔं ऐकी-दुजैआरी आपणै खुद कै परिवार कै जैशणा प्यार शै बर्ताव कौरणा चैंई। औरौ तुऔं ना सिरफ ऐकी-दूजै कै साथै आपणै खुद कै परिवार कै जैशणा प्यार कौरणा चैंई, पौरौ तुऔं सौबी लोगौआरी प्यार कौरणा चैंई।

1 यूहन्ना 3:14

आमै जाणुए कै आमै मौत कै शौकतै शै आज़ाद हौए गौवै, औरौ ऐबै आमुकैंई पौरमेशवर कै ढौबौशै सौदा कै जिन्दगी औसौ; जिथुकै आमु भाईटु आरी प्यार राखु। जू प्यार ना कौरौ सै मौत कै औधिकार दा रौंव।