1 पतरस 3:13 - सिरमौरी नौवाँ नियम

¹³ जै तुऐं हमैशा भले काम कौरणौ कै कौचिश कौरौ, तौ कुणिए बै सौथीखै तुऔं चोट ना दैय सौकौ।

Sirmouri

¹³ जे तुँऐं भलाई कर्णो के हिछूक हों, तअ तबे तुँवारी बुराई कर्णो वाल़ा कुँण असो?

1 पतरस 3:13 Iomraidhean Croise

रोमियों 13:3

जिथुकै जै कुणिए आछै काम कौरौ, तौ तैसी औधिकार शै डौरणो कै जौरुरत ना आथी। पौरौ जै सै बुरै काम कौरौ तौ तैसी डौरणो कै जौरुरत औसौ, निडर हौयौ औधिकारियो कै साथै आछा काम कौर, तौ सै तुऔं आदर दैंदै;

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

1 कुरिन्थियों 14:1

इथकारिए प्यार का स्‍वभाव राखदै बैई आत्मिक वरदानो कै बौड़ै इछा कौरदै रौव खास कौरेयौ पौरमेशवर कै बातौ बौताणौवाल़ै कै वरदान कै।

इफिसियों 5:1

तुऐं पौरमेशवर कै प्यारे नानड़िया औसौ, इथकारिए तोंवारा बर्ताव तैसकै स्‍वभाव कै जैशणा हौंव।

1 थिस्सलुनीकियों 5:15

ऐजौ ध्यान राखौ कै कोसी कै बुराई कै बौदलै बुराई नी कौरेया; बल्कि तुऔं ऐकी दूजै कारिए औरौ सौबी कारिए भले काम कौरणौ कै कौचिश कौरणै चैंई।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।