1 पतरस 2:8 - सिरमौरी नौवाँ नियम

⁸ औरौ तोबै पवित्र शास्त्र ऐजौ बै बौल़ौए, “ऐजा पाथर लोगौ कै ठोकर खाणौ कै बौजैह हौंदा। ऐजी ऐक चट्टान औसौ जू तिनकै रिड़णो कै बौजैह औसौ,” सै वचन पांदी बिशवाश ना कौरणा चांव, इथकारिए सै ठोकर खायौ रिड़ै जांव। पौरमेशवरे तिनकै साथै ऐजौई हौणौ कै योजना बाणै राए।

Sirmouri

⁸ अरह् से बंणा: “ऐक पाथर जिन्दे शा लोगो के ढैस लागो, अरह् ऐशी कऐड़ जिन्दे गाछ़ै लोग ऊँदे रंड़को;” लोगो के ढैस लागो, किन्देंखे के से पंणमिश्वर के बचन का पाल़्ण ने कर्दे, अरह् बस ऐजो ही तिनखे बाँणी थो।

1 पतरस 2:8 Iomraidhean Croise

लूका 2:34

तोबै शमौने तिनुकै आर्शीवाद देएबा, तैसकै माँ मरियम खै बौल़ौ, “दैख सै इस्राएल देश दा कैई लोगौ कै नाश औरौ उध्दार कारिए, ऐक चिताणो कै निशान कै जैशणा हौंदा, जैसकै खिलाफ दी लोग बातौ कौरदै।

रोमियों 9:22

पौरमेशवर कै औधिकार औसौ कै जिनु लोगौ कै पौरमेशवरे बाणै राए तिनकै साथै सै किछै बै कौरे सौकौ। पौरमेशवर आपणा गुस्सा दिखाणा चांव थिया औरौ सौबी कै साथै आपणी शौकतै प्रगट कौरणै चांव थिया जू नाश हौणौ कै हकदार औसौ। इथकै बजाय, तैणै ऐशै कौरौ जिथुकै सै दिखाणौ चांव थिया कै सै कैतरा महान औसौ जोबै तैणै तिनु लोगौ पांदी दया कौरे जिनु तैणै आपणी महिमा दै शामिल हौणौ कै चोणे राए।

1 कुरिन्थियों 1:23

पौरौ आमु तौ उपदैश दियु कै मसीह कै अमारै पापौ शै छुड़ाणो कारिए क्रूसो पांदी मौरणौ जू यहूदी लोगौ कारिए ढैस कै बौजैह, औरौ बैगानै यहूदी लोगौ कारिए मूर्खता औसौ।

2 कुरिन्थियों 2:16

कैतरै कारिए तौ मौरणौ कै बौजैह शै मौत कै गन्ध, औरौ कैतरै कारिए जीवन कै बौजैह शै जीवन कै खुशबू, औरौ सौथीखै, कुणिए बै आपी शै ऐसी खुशबू खै फौयलाणौ कै लायक ना आथी।

गलातियौं 5:11

ओए रै बिशवाशी भाईयों, हांव प्रार्थना कौरु कै खतना जौरुरी ना आथी, औरौ इयौं बौजैह शै मुखै यहूदी लोगौ कै दवारा सताया जाणा जारी औसौ, जै हांव मसीह कै मौत कै बारै मुंजी प्रचार कौरणौ कै बजाय ऐजा प्रचार कौरु कै लोगौ का खतना हौणा चैंई तौ हांव यहूदी लोगौ कारिए बैज्जती कै बौजैह ना हौंदा।

1 थिस्सलुनीकियों 5:9

जिथुकै पौरमेशवरे आमु इथकारिए ना चोणे रैई कै आपणै गुस्से शै आमुखै सौजा दैंव पौरौ आमु प्रभु यीशु मसीह कै दवारा मोक्ति पाणौ कारिए ठोहराए राए।

1 पतरस 2:6

ऐजौ तैशैखैई औसौ जैशै पौरमेशवर पवित्र शास्त्र दौ आपणै बैटै कै बारै मुंजी बौल़ौ, “दैखौ! मोऐं ऐक बैजाए कीमती पाथर चोणे राए, जैसी यरूशलेम शहर कै बाणणौ कारिए नीयुं कै पाथरो जैशणा राखै राए। औरौ जू कुणिए बै तैसी पांदी बिशवाश कौरला, सै कौलोंई बै शर्मिंदा ना हौंदा।”

1 पतरस 2:7

ऐजा पाथर तोंवारै खातिर बैजाए कीमती औसौ तुऔं कारिए जू यीशु मसीह पांदी बिशवाश कौरौ। पौरौ जू लोग तैसी पांदी बिशवाश ना कौरौ तिनकै बारै मुंजी पवित्र शास्त्र बौल़ौ, “राजमिस्‍त्रीए जैसी पाथर कै इस्तैमाल कौरणौ शै मौना कौरे दिया, सैजा इमारत कै नीयुं दा सौबिदा खास पाथर बौणै गौआ।”

2 पतरस 2:3

ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।

यहूदा 1:4

हांव तुऔं कै लिखु जिथुकै किछै लोग जू यीशु मसीह पांदी बिशवाश कौरणौ कारिए दिखावा कौरौ, सैजै तोंवारै बीच शामिल हौए गौवै। सैजै पौरमेशवर कै इज्जत ना कौरौ औरौ सै गौलत शिक्षा दैंव सै बौल़ौ जिथुकै पौरमेशवर आपणै अनुग्रह लैई अमारै पापौ खै माफ कौरे दैंव, इथकारिए आमै बुरा जीवन जी सौकु। सैजै यीशु मसीह का इन्कार कौरौ, जू अमारा एकमात्र मालिक औरौ अमारा प्रभु औसौ। बैजाए सौमय औगौड़ियौ, पवित्र शास्त्र बौल़ौ कै पौरमेशवर ऐशणै लोगौ खै सौजा दैंदा।