1 पतरस 2:22 - सिरमौरी नौवाँ नियम

²² पवित्र शास्त्र बौल़ौए, “मसीहे कौलोंई पाप ना कौरी। तैणै कौलोंई झूठु ना बुली, ऐकबेई बै नी।”

Sirmouri

²² ना तअ तिन्ऐ पाप करा, अरह् ना तिनकी मुँह ज़ात्ती शी छल़-कप्ट, की बातो नीकल़ी।

1 पतरस 2:22 Iomraidhean Croise

मत्ती 27:19

जोबै सै न्याय आसन पांदी बौठै रौआ थिया तोबै तैसकै घोरवाल़ीए तैसी बैवरा दिया, “तू तैसी धरमी कै मामलै दा हाथ नी लाया जिथुकै मोऐं ऐलो सुईणै मुंजी तैसकी बौजैह शै बौहिता दुख सैय राए।”

मत्ती 27:4

औरौ बौल़ौ, “मोऐं निर्दोष आदमी खै मारणौ कारिए थोम्बाएबा पाप कौरे राए!” तिनुऐ बौल़ौ, “आमु इथकै बारै मुंजी किछै परवाह ना आथी? तू आपी इथकारिए जुमैवार औसौ।”

लूका 23:41

औरौ आमुए तौ न्याय कै हिसाब शै सौजा पाए लौए, जिथुकै आमुए आपणै कामौ कै सोही फोल़ पाए लौआ; पौरौ ऐणै तौ कुणजाई बै गौलत काम ना कौरे रैई।”

लूका 23:47

सूबेदारे जू किछै हौए रौ थियु दैखैबा पौरमेशवर की बौड़ाए कौरे, औरौ बौल़ौ, “जौरुर ऐजा आदमी धरमी थिया।”

यूहन्ना 1:47

यीशुए नतनएल खै आपणै ढौबौ खै आन्दी बैई दैखैयो तैसकै बारै मुंजी बौल़ौ, “दैखौ ऐजा अमारै पुराणिया इस्राएल देश का ऐक साचा वंशज औसौ: जू पूरी तरह शै ईमानदार औसौ।”

यूहन्ना 8:46

तुऔं मुंजीदा मुखै कुण मुं पांदी पाप कौरणौ का दोष लाए सौकौ? तौ जौल़ौ हांव साचौ बुलू, तोबै तुऐं मैरा बिशवाश काए ना कौरौ?

2 कुरिन्थियों 5:21

मसीह जू पाप शै अणजाण थिया, पौरमेशवरे अमारै पापौ कारिए मसीह खै दोषी ठैहरोऊवा, ताकि आमै पौरमेशवर कै नज़र दै धरमी बौणै जोऊं जिथुकै मसीहे अमारै पापौ कै सौजा आपी पांदी लौए।

इब्रानियों 4:15

जिथुकै ऐजा महायहूदी पुरोहित, जू यीशु मसीह औसौ, अमारी हरेक कमजोरी खै सौमझौ; यानी यीशुए अमारी जैशणी हर भान्त की परीक्षा का सामणा कौरा, पौरौ तैणै कुणजाई बै पाप ना कौरी।

इब्रानियों 9:28

तैशैखैई, मसीह बै सिरफ ऐकै बैई बलिदान हौए गौआ ताकि सै सौबी लोगौ कै पापौ खै दूर कौरे दैंव। जोबै सै औटेयौ आन्दा तौ सै पाप कै बलिदान हौणौ कारिए ना आन्दा पौरौ तिनुखै बौचाणौ कारिए आन्दा जू तैसकी ठोल़नाए कौरौ।

1 यूहन्ना 2:1

मैरै प्यारे नानड़िया, मोऐं ऐजी बातौ तुऔं इथकारिए लैखै लोई कै तुऐं पाप ना कौरौ। जै कुणिए पाप कौरौ, तौ पिता पौरमेशवर कै धोरे अमारा ऐक सहायक औसौ, सैजा यीशु मसीह औसौ जू अमारै पापौ कै माफी कारिए प्रार्थना कौरौ, औरौ सै धरमी औसौ।

1 यूहन्ना 3:5

तुऐं जाणौए कै यीशु मसीह इथकारिए ओऊवा कै पापौ कै मिटाए दैंव, औरौ तैसीदा कुणजाई पाप ना आथी।

प्रकाशितवाक्य 14:5

तिनुऐ कौलोंई झूठु ना बौल़ै रैई। तिनुमुंजी किछै गौलत ना आथी।