1 पतरस 2:1 - सिरमौरी नौवाँ नियम

¹ इथकारिए, सौबै भान्त कै बुरै बर्ताव शै छुटकारा पाव। ओकी खै धौखा ना दैव, कपटी नी बौणैया। ओकीआरी ज़लन नी राखैया। कोसी कै बदनामी नी कौरेया।

Sirmouri

¹ ईन्देंखे बादी साँत्त-भाँत्ती बुराई अरह् बईर भाव, छल़-कप्ट, जल़्ण-डाह्, अरह् नीदया-चुगली आपु शी दुर्की करह्,

1 पतरस 2:1 Iomraidhean Croise

मत्ती 15:7

ओए रै कपटियो, यशायाहै तोंवारै बारै मुंजी ऐजै भविष्यवाणी ठीक कौरे राए:

मत्ती 23:28

ऐशैकैई तुऐं बै औपरौशै तौ आदमी कै धरमी दैखियौं, पौरौ भीतरो दै ढोंग औरौ अधरम लैई भोरियोदैं हौंव।”

मत्ती 24:51

तोबै सै तैसीखै सख्त सौजा दैला औरौ तैसकै ठाँव छल, कपटी वाल़ै लोगौ कै साथै हौंदा जिथै रुणु औरौ दांद पिशणौ हौंदौ।”

मत्ती 7:5

ओए रै कपटी, आगै आपणै खुद की बौड़ी गौलतियौ कै सुधारै पा, तोबै तू ठीक ढंग शै आपणै भाई की गौलतियौ कै ठीक कौरे सौकै।

मरकुस 12:15

का आमु कर दियु या ना दियु? पौरौ यीशुए तिनका ढोंग जाणैबा तिनुखै बौल़ौ, “तुऐं मुखै किथुखै पोरखौ?” ऐक चांदी का सिका मैरै धोरे लियांव, कै हांव तैसीखै दैखु।

लूका 11:44

हाय तुऔं पांदी! जिथुकै तुऐं तिनु कब्रो कै जैशणै औसौ जू दैखियौ ना औरौ जिनुपांदी लोग अणजाणै दै चालौ।”

लूका 12:1

तैतियोड़ै जोबै हज़ारो लोगौ कै भीड़ लागै गौए, इथै तौड़ी कै सैजै लोग ऐकी दूजै पांदी उदे रिड़ो थिए, तौ तैणै सौबी दौ औगौड़ियौ आपणै चैलै कै बौल़ौ, “फरीसी लोगौ कै ढोंग शै भोरेयोंदे खमीर शै चौकश रौया।

लूका 6:42

जोबै तैरी आपणी गौलती बैजाए औसौ तौ तू आपणै भाई खै कैशैखै बौल़ै सौकै कै, ‘ओए रै भाई रौकै जा हांव तैरी नानड़ी शी गौलती कै ठीक कौरु।’ ओए रै कपटी मन कै लोगौ, आगै आपणै खुद कै बौड़ी गौलती खै सुधारै पाव, तोबै तू ठीक ढंग शै आपणै भाई कि गौलती कै ठीक कौरे सौकै।”

यूहन्ना 1:47

यीशुए नतनएल खै आपणै ढौबौ खै आन्दी बैई दैखैयो तैसकै बारै मुंजी बौल़ौ, “दैखौ ऐजा अमारै पुराणिया इस्राएल देश का ऐक साचा वंशज औसौ: जू पूरी तरह शै ईमानदार औसौ।”

रोमियों 1:29

इथकारिए सैजै सौब भान्त कै अधरम, औरौ दुष्टता, औरौ लोभ, औरौ बैर-भाव लैई भोरै गौवै; औरौ डाह, औरौ हत्या, औरौ ज़लन, औरौ छल लैई भोरै गौवै, औरौ चुगलखोर,

1 कुरिन्थियों 14:20

ओए रै बिशवाशी भाईयों, इनु मामलै कै बारै मुंजी ऐक नानड़िया कै जैशणौ सुंचणौ बंद कौरौ। नानड़िया कै जैशणै निर्दोष हौया औरौ जौल़ौ ऐशणै बुराई कै बात आंव, तोलो ऐशणै मामलै खै सौमझाणौ दै सौमझदार बौणैया।

1 कुरिन्थियों 5:8

इथकारिए हांव बुलू, कै आमु सौदा पौरमेशवर कै पवित्र लोगौ खै जैशणौ रौणौ चैंई। आमु बुरै तरीको शै नी जीणु चैंई इथकै बजाय, आमु पौरमेशवर कै आज्ञाओं का पालन कौरणा चैंई औरौ कुणजैई बै बुरै औरौ दुष्टता कै काम नी कौरणै चैंई, यानी आमु सौदा ईमानदार औरौ भरोसेमंद रौणौ चैंई।

2 कुरिन्थियों 12:20

जिथुकै मुखै डौर औसौ, कोदी ऐशैखै ना हौंव, कै हांव आयौ जैशै चोऊं, तैशै तुऔं ना पोऊँ, औरौ मुखै बै जैशैखै तुऐं ना चांव तैशैखैई पांव, मुखै डौर औसौ कै तुऐं मुंजी झोगड़ा, बौदला, गुस्सा, मतलबीपन, ज़लन, चुगली, घमण्‍ड औरौ बौवाल ना हौंव।

इफिसियों 4:31

सौबै भान्त खै कड़वाहट औरौ प्रकोप औरौ गुस्सा औरौ कलह, औरौ सौबै बैरभाव औरौ नेंदैया तक आपणै जीवन शै दूर कौरौ।

1 थिस्सलुनीकियों 2:3

जिथुकै आमुए तुऔं झूठा सौंदेश ना शुणैई औरौ ना ही सै गौलत इरादै शै, औरौ ना छल कै साथै थिया।

1 तीमुथियुस 3:11

ऐशैखैई तिनकी घोरवाल़ी सौबी कै दवारा आदर पाणौ कै लायक हौणी चैंई। निन्दा कौरणौवाल़ी नी हौणी चैंई, शान्त तरीकै शै बर्ताव कौरणौवाल़ी हौणी चैंई औरौ पूरी तरह शै भरोसेमंद हौणी चैंई।

तीतुस 2:3

तैशैखैई बुजूर्ग बैटमाणिशौ आरी तैशणा बर्ताव कौरौ जू पौरमेशवर कै प्रति भोक्‍ती का जीवन जियौं। सै निन्दा कौरणौवाल़ी नी हौणी चैंई, औरौ ना पिणौ वाल़ी हौणी चैंई; पौरौ ओकी खै आछी बातौ शिखाणौ वाल़ी हौणी चैंई।

इब्रानियों 12:1

इथकारिए, जैशैकै बौहितै सारै लोगौ कै जीवन शै बिशवाश कै बारै मुंजी गवाहियाँ भैटी, जू ऐक बौड़ी भीड़ कै जैशणी अमारै चोऊ ढौबै घैरेयौंदी औसौ, तौ आव, आमै हरेक रुकणौवाल़ै चीज़ौ औरौ उलझाणौवाल़ै पाप खै दूर कौरेयौ, तैसी बाटौ पुंडे चालौ जिथपांदी आमु चालणौ चैंई।

याकूब 1:21

इथकारिए सारै गंदगी औरौ बैरभाव कि बोढ़ोतरी खै दूर कौरेयौ पौरमेशवरे कै वचन कै नम्रता शै मानै पाव, जैसी तुऐं दिल दा राखै राए थिया, औरौ जू तोंवारै जिन्दगी कै बौचाए सौकौ।

याकूब 3:14

पौरौ जै तुऐं आपणै-आपणै मन दै बैजाए ज़लन औरौ स्वार्थ राखौ, तुऐं ऐजा घमण्‍ड नी कौरणा चैंई कै तुऐं ऐक बुध्दिमान आदमै औसौ। जै तुऐं ऐशै कौरौ तौ तुऐं सौचाई खै झूठ दो बौदलै दैंव।

याकूब 4:11

ओए रै भाईटु ऐकी दूजै कै बोदनामी नै कौरौ, जू आपणै भाई कै बोदनामी कौरौ या तैसी पांदी दोष लांव, सै व्यवस्‍था खै बोदनामी कौरौ औरौ कानून पांदी दोष लांव; औरौ जै तू कानून पांदी दोष लांए, तौ तू कानून कै मानणौ वाल़ा ना आथी पौरौ तिथपांदी न्याय कौरणौवाल़ा बौण जाए।

याकूब 4:5

कोदी तुऐं ऐजौ तौ नी सोंचै लो कै पवित्र शास्त्र कै ऐजै बात बैकार औसौ: सैजै आत्मा, जियौं तैणै अमारै भीतरै बोसाए राए, बौड़ै लालसा शै अमारै खातिर कामना कौरौ?

याकूब 5:9

ओए रै भाईटु, ऐकी दूजै पांदी आपणै पौरैशानी कै बौजैह शै दोष ना लाव, ताकि तुऐं दोषी ना ठौहरौ, दैखौ, न्याय कौरणौवाल़ा आणौ कारिए तैयार औसौ।

1 पतरस 2:16

ऐबै तुऐं पाप कै गुलाम ना आथी जिथुकै तुऐं अमारै प्रभु यीशु मसीह कै दवारा आज़ाद हौए रौवै। पौरौ तुऐं आपणी आज़ादी का इस्तैमाल बुरै काम कौरणौ कारिए भाना नी बाणौ। पौरौ पौरमेशवर कै सेवको कै जैशणा बर्ताव कौरौ।

1 पतरस 2:22

पवित्र शास्त्र बौल़ौए, “मसीहे कौलोंई पाप ना कौरी। तैणै कौलोंई झूठु ना बुली, ऐकबेई बै नी।”

1 पतरस 3:10

जैशैकै पवित्र शास्त्र बौल़ौए, “जै कुणिए आदमी आपणै जीवन कै खुशी लोणी चांव औरौ आछै दूस चांव तौ तैसी चौकश रौणौ चैंई कै सै बुरी बातौ ना बौल़ौ। औरौ तैसी ऐशणी बातौ बंद कौरे दैणी चैंई जू साची ना आथी।

1 पतरस 4:2

ऐलौ दै ऊबै, औटेयौ, तुऐं आपणै बाकी दुनिया कै जिन्दगी कै आपणी शोरीरो की बुरी इछावं कै पूरा कौरणौ कारिए नी; पौरौ पौरमेशवर कै इछा पूरै कौरणौ कारिए जियौ।

1 पतरस 4:4

इथलैई तोंवारै पुराणै दोस्त हैरान हौए जांव जोबै तुऐं तिनकै साथै तिनु बुरी चीज़ौ दै शामिल ना हौंव जू सै कौरौए। इथकारिए सै तोंवारै बैज्जती कौरौ।

प्रकाशितवाक्य 14:5

तिनुऐ कौलोंई झूठु ना बौल़ै रैई। तिनुमुंजी किछै गौलत ना आथी।