1 पतरस 1:4 - सिरमौरी नौवाँ नियम

⁴ आमै तिनु महान आशीषौ खै पाणौ कारिए आगै कै ढौबौ दैखौ जू पौरमेशवर आपणै लोगौ कारिए राखै राए। तैणै सैजौ तोंवारै खातिर स्वर्ग दौ राखै राए, जिथै सै ना शौड़दौ, ना खराब हौंदौ, ना मिटदौ।

Sirmouri

⁴ तुँऐं स्वर्गो दा सुवाँ करियों थुवाँ अंदा, सदा-सदा का हंक-अधिकार पाव, जू अ-भिनाँशी, निर्मल, अरह् अटल़, हों सेजा ही तुँओं भेटो;

1 पतरस 1:4 Iomraidhean Croise

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

मरकुस 10:17

जोबै यीशु औरौ तैसकै चैलै बाटो पुंडे जांदै लागै रौवै थिए, तौ ऐक आदमी तैसकै धोरे दौड़ैबा ओऊवा, औरौ तैसकै आगै घुंडू नियुड़ाएयो तैसी कैईंदु पूछु, “ओए रै आछै गुरु, हांव ऐशणा का काम कौरु कै पौरमेशवर मुखै सौदा कै जिन्दगी दैला?”

प्रेरितो कै काम 20:32

औरौ ऐबै हांव तुऔं पौरमेशवर कै, औरौ तैसकै अनुग्रह कै वचन खै सौंपै दियु, जू तुऔं बिशवाश दै मोजबूत कौरे सौकौ, औरौ पौरमेशवर तुऔं सैजै विरासत दैंदा जियौं दैणौ का वायदा तैणै तिनु सौबी लोगौ शै कौरे राए जू तैसकै जरिए पवित्र हौए रौवै।

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

रोमियों 8:17

औरौ जै नानड़िया औसौ, तौ वारिस बै, यानी पौरमेशवर कै वारिस औरौ मसीह कै सौरे वारिस औसौ। जै आमै यीशु साए दुखो कै सैहन कौरु, तौ आमै तैसकै महिमा दै शामिल हौंदै।

1 कुरिन्थियों 9:25

जू लोग दौड़ दा हिस्सा लोणा चांव, सै आगै भ्यास कौरौ औरौ आपणी अभिलाषाओं दै ना डुबौ, पौरौ धीरज राखौ सै जीतणौ औरौ आदर पाणौ कारिए ऐशै कौरौ तिनका आदर फूलो लैई बौणैयौंदे माल़ा शै हौंव जू जादा सौमय तौड़ी ना रौंव पौरौ आमै जू मसीह यीशु दा भोरोशा कौरु, आदर औरौ आशीष पांदै जू सौदा तौड़ी बौणैयौंदे रौंदी।

गलातियौं 3:18

जिथुकै पौरमेशवर आमु आपणै आशीष इथकारिए ना दैंव जिथुकै आमु मूसा कै कानून का पालन कौरु थिए, पौरौ सै इथकारिए दैंव जिथुकै तैणै इथका वादा कौरे राए थिया। तैशैखैई, पौरमेशवरे ऐजौ अब्राहम खै दियु जिथुकै तैणै तैसीआरी इथका वादा कौरे राए थिया।

इफिसियों 1:11

पौरमेशवरे आमु यहूदी लोगौ कै मसीह कै साथै ऐक हौणौ की बौजैह शै आपणै लोग बाणणौ कारिए चोणे राए जिथुकै शुरु शै ही तैसकै ऐजै योजना थै। औरौ सै ऐजौ सौबै ठुँ आपणी इछा कै हिसाब शै कौरौ।

इफिसियों 1:14

पवित्र आत्मा बै ऐक बयाने कै जैशणी औसौ जू इयौं बात कै साबित कौरौ पौरमेशवर आमु विरासत दैंदा जू दैणौ का वादा तैणै कौरे राए औरौ जिनुकै तैणै आपणै लोग हौणौ कारिए मोल लोए राए, ताकि तैसकै महिमा कै बौड़ाए हौंव।

इफिसियों 1:18

हांव ऐजै बै प्रार्थना कौरु कै सै तोंवारै मन कि आखी कै खोले दैंव औरौ तुऐं पेयाशै कै दैखी सौकौ ताकि तुऐं तियौं आशा कै सौमझै सौकौ जिथ कारिए तुऔं बौएदै राए; औरौ तुऐं जाणै सौकौ कै सैजी आशीषै कैतरी महान औरौ महिमामय औसौ, जिथका वादा पौरमेशवरे आपणै लोगौ आरी कौरे राए।

कुलुस्सियों 1:12

औरौ पिता पौरमेशवर का धन्यवाद कौरदै रौंव जैणै तुऔं ऐसी लायक बाणै राए कै तुऐं तैसी विरासत दै शामिल हौंव जू तैणै पेयाशै कै राज्य दै आपणै पवित्र लोगौ कारिए तैयार कौरे राए।

कुलुस्सियों 1:5

जिथुकै तुऐं ऐजौ तियौं आशा की बौजैह शै कौरौ जू तुऔं कारिए स्वर्ग दै राखै राए, जिथकै बारै मुंजी तुऐं शौणै राए जोबै आगली बैई लोगै तुऔं यीशु मसीह कै बारै मुंजी सुसमाचार शुणौऊवा जू पौरमेशवर का साचा सौंदेश औसौ।

कुलुस्सियों 3:24

याद राखौ कै प्रभु मसीह तुऔं इनाम दैंदा जू ऐजा औसौ कै सै तुऔं तिनु आशीषौ मुंजी दा तोंवारा हिस्सा दैंदा जैसी तैणै आपणै सौबी लोगौ कै दैणौ कारिए तैयार कौरे राए। तुऐं जैसी मालिक कै सेवा कौरे लोए सै मसीह औसौ।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।

इब्रानियों 9:15

इथ बौजैह शै मसीह पौरमेशवर कै ढौबौशा आपणै लोगौ कारिए ऐक नोऐं कौरार लाणौ वाल़ा बिचोलिया औसौ। ताकि सैजै लोग जिनुखै पौरमेशवरे बौएदै राए तिनु आशीषौ खै पाए सौकौ जिथका वादा पौरमेशवरे कौरे राए थिया। ऐशै इथकारिए हौए सौकौ जिथुकै मसीह तिनु तिनकै पापौ कै सौजा शै आज़ाद कौरवाणौ कारिए मौरे गौआ जू तिनुऐ आगलै कौरार कै अधीन रौयौ कौरे राए थिए।

याकूब 1:11

सुरज निकल़दै बैई, बौहितौ घाम पौड़ौ, औरौ घासो खै शुकोए दैंव, औरौ तिथका फूल झोड़ै जांव, औरौ तिथकै शोभा मिट जांव; तैशैखैई सैठ बिशवाशी बै मौरे जांदा जोबै सै आपणै कामौ दा लागैयौंदा रौंदा।

1 पतरस 3:9

बुराई कै बौदलै बुराए ना कौरौ औरौ ना गाल़ी खै बौदलै गाल़ी दैव; पौरौ इथकै बौदलै आशीष ही दैंव: पौरमेशवरे तुऔं बौएदै राए ताकि तुऐं ओकी खै आशीष दैय सौकौ। जै तुऐं ऐशै कौरलै तौ पौरमेशवर बै तुऔं आशीष दैंदा।

1 पतरस 5:4

जोबै यीशु मसीह, जू कै अमारा प्रधान चौराईया औसौ, औटेयौ पाछु आन्दा, तोबै तुऔं ऐक सुन्दर मुकुट दैंदा जू कौलोंई बै आपणी चौमक ना खौंदा।

प्रकाशितवाक्य 21:27

पौरौ कुणिए बै जू अपवित्र औसौ या सैजै लोग जू बैकार काम कौरौ औरौ झूठ बौलणौ वाल़ै कै बिल्कुल बै तैसी शहरो दै रौणौ कै इजाज़त ना आथी। तैसी शहरो दै सैजैई लोग रोए सौकौ जिनकै नांव मेम्ने कै जीवन कै किताबो दै लैखै राखै। ऐजी सैजी किताब औसौ जिन्दै तिनु लोगौ कै नांव लिखी राए जिनुकैईं हमैशा कै जिन्दगी औसौ।