1 पतरस 1:21 - सिरमौरी नौवाँ नियम

²¹ जू किछै बै मसीहे कौरे राए तिथकै बौजैह शै तुऐं ऐबै पौरमेशवर पांदी बिशवाश कौरौ। औरौ तुऐं आपणा बिशवाश औरौ आशा पौरमेशवर पांदी राखै राए जिथुकै तैणै मसीह खै मौरेयौंदे मुंजीदा जियुंदी कौरा औरौ तैसी बैजाए महिमा दैय।

Sirmouri

²¹ तिनू मसीया के जाँणें ही तुँऐं तिनू पंणमिश्वर गाशी बिश्वाष करह्, जिन्ऐं तिनू मरे अंदे मुँझ्शे ऊबे जीयाल़े, अरह् बड़ियाऐं दिती, के तुँवारा बिश्वाष अरह् भूर्षा पंणमिश्वर गाशी हों।

1 पतरस 1:21 Iomraidhean Croise

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

यूहन्ना 12:44

यीशुए भीड़ कै लोगौआरी जोर शै बौल़ौ, “जू मुं पांदी भोरोशा कौरौ, सै मुं पांदी नै पौरौ मैरै भैजणौवाल़ै पौरमेशवर पांदी बिशवाश कौरौ।

यूहन्ना 14:1

यीशुए तिनुखै बौल़ौ, “तोंवारा मन नी घोबराणा चैंई, तुऐं पौरमेशवर पांदी बिशवाश राखौ औरौ मुं पांदी बै बिशवाश राखौ।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 17:1

यीशुए आपणै चैलै खै ऐजी बातौ बुली औरौ तैणै स्वर्ग कै ढौबौ दैखौ औरौ प्रार्थना कौरे, “ओए रै पिता पौरमेशवर, सैजा सौमय आए गौआ, ऐजौ प्रगट हौंव कै पौरमेशवर कैतरा महान औसौ, कै बैटा बै तैरै महिमा कौरौ।

यूहन्ना 17:24

ओए रै पिता, हांव चोऊं कै जिनु लोगौ खै तुऐं मुखै दैय राए, जिथै हांव औसौ, तिथै सैजै बै मैरै साथै हौंव कै सै मैरी महिमा कै दैखौ जू तुऐं मुखै दैय राए, जिथुकै तुऐं दुनिया कै बाणणौ दै औगौड़ियौ मुं आरी प्यार राखा।

यूहन्ना 17:5

औरौ ऐबै, ओए रै पिता जू महिमा मैरै तैरै साथै दुनिया कै बाणणौ दै औगौड़ियौ थै, तू मुखै आपणै साथै तियौंई महिमा शै महान कौर।”

यूहन्ना 3:34

जैसी पौरमेशवरे छाड़ै राए, सै पौरमेशवर की बातौ बौलदा: जिथुकै पौरमेशवरे तैसी पवित्र आत्मा भरपूरी शै दैय राए।

प्रेरितो कै काम 2:24

पौरौ हौजौ बै पौरमेशवरे तैसीखै मौत कै बंधन शै छुड़ायो मौरेयौंदे मुंजीदा जियुंदा कौरे दिया। जिथुकै ऐजौ नामुमकिन थियु कै मौत तैसीकै आपणै बोशो दा राखै सौकौ।

प्रेरितो कै काम 3:13

अब्राहम, इसहाक औरौ याकूब का पौरमेशवर, अमारै पुराणिया कै पौरमेशवरे आपणै सेवक यीशु की महिमा कौरे, पौरौ तुऐं तैसी मारणौ कारिए यहूदी नेताओं कै हाथौ दा थोम्बाए दिया, औरौ जोबै राज्यपाल पिलातुसे तैसी छोड़े दैणौ का विचार कौरा, तोबै तुऐं तैसकै सामणै यीशु कै बैज्जती कौरे।

प्रेरितो कै काम 3:15

औरौ तुऐं तैसी जू लोगौ कै सौदा कै जिन्दगी दैंव मारै दिया, जैसी पौरमेशवरे मौरेयौंदे मुंजीदा जियुंदा कौरे दिया; औरौ इयौं बातौ कै आमु गवाह औसौ।

प्रेरितो कै काम 4:10

तौ तुऐं सौबै औरौ सारै इस्राएल देश कै लोग जाणै पाव कै ऐजौ नासरत गांव का यीशु मसीह कै नांव लैई कौरौ। तैसी यीशु कै तुऐं लोगै क्रूसो पांदी चौढ़ाए दिया थिया, पौरौ पौरमेशवरे तैसी मौरेयौंदे मुंजीदा दुजाल़ियो जियुंदी कौरा। ऐलो तैसकै नांव कै दवारा ऐजा आदमी तोंवारै सामणै आछा भोला खौड़ा औसौ।

रोमियों 10:9

इथकारिए जै तुऐं आपणै मुँह लैई लोगौ कै सामणै यीशु मसीह कै प्रभु जाणैयौ अपनांव, औरौ आपणै मन दा ऐजा बिशवाश कौरौ कै पौरमेशवरे मसीह कै मौरेयौंदे मुंजीदा जियुंदी कौरा, तौ पौरमेशवर तैरा उध्दार कौरदा।

रोमियों 4:24

पौरौ आमु कारिए बै पौरमेशवर धरमी साबित कौरौ, जै आमु पौरमेशवर पांदी बिशवाश कौरु, जैणै अमारै प्रभु यीशु कै मौरेयौंदे मुंजीदा जियुंदी कौरा, तौ आमु बै बिशवाश की बौजैह शै धार्मिक मानै जांदै।

2 कुरिन्थियों 6:15

औरौ मसीह का शैतान कै साथै का लगाव औसौ? या बिशवाशी कै साथै अबिशवाशी का, का नाता?

इफिसियों 1:15

पौरमेशवरे जू किछै कौरे राए तिथकी बौजैह शै, हांव बै प्रभु यीशु पांदी तोंवारै बिशवाश औरौ पौरमेशवर कै पवित्र लोगौ कै प्रति तोंवारै प्यार कै बारै मुंजी शोणेयो,

कुलुस्सियों 1:27

जिथुकै पौरमेशवर चांव थिया कै तैसकै लोग ऐजौ जाणै पांव कै मसीह का धन औरौ महिमा तुऔं बैगानै यहूदी लोगौ कारिए बै औसौ। औरौ भैद ऐजा औसौ कै मसीह तुऔं दा रौंव जू तुऔं तैसकै महिमा कै आशा मुंजी शामिल हौणौ कै इजाज़त दैंव।

1 तीमुथियुस 1:1

मोऐं पौलुसे ऐजी चिट्ठी लैखै लोए। हांव अमारै उध्दारकर्ता पौरमेशवर औरौ अमारै प्रभु यीशु मसीह, जैसीदै आमै आशा राखु, तैसकै औधिकार शै यीशु मसीह का ऐक चोणेयौंदा चैला औसौ।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

इब्रानियों 2:9

पौरौ साचौ ऐजौ औसौ कै दैणिक सौमय कारिए, यीशु का दर्जा स्‍वर्गदूतौ कै तुलना दा कम कौरे राए। ताकि पौरमेशवर कै अनुग्रह शै यीशु मसीह सौबी लोगौ कै खातिर मौरे जांव। औरौ जिथुकै यीशुए दुख सोऊवा औरौ मौरे गौआ, पौरमेशवरे तैसी महिमा औरौ आदर दिया।

इब्रानियों 6:1

इथकारिए आओ जू आमै आगली बैई मसीह खै बारै मुंजी शैखै राए, तिनु बुनियादी शिक्षाओं खै बार-बार नै बौल़ौ, आओ आमै मजबूत शिक्षाओं कै बारै मुंजी सलाह मोशौरा कौरु, बुनियादी शिक्षाओं कै नीयुं कै जैशणै नै बौणौ, यानी पाप कौरणै छोड़ दैणौ कै बारै मुंजी शिक्षाए, जू मौरणौ कै ढौबौ औरौ पौरमेशवर पांदी बिशवाश कौरणौ कै ढौबौ लोए जांव।

इब्रानियों 7:25

इथकारिए जू यीशु कै दवारा पौरमेशवर कै धोरे आंव, सै तिनकै पूरी-पूरी मोक्ति कौरी सौकौ, जिथुकै सै तिनु कारिए बिन्ती कौरणौ खै हमैशा जियुंदी औसौ।

1 पतरस 1:11

मसीह का आत्मा पौरमेशवर कै बातौ बौताणौवाल़ै दा थिया, जू मसीह खै दुखो औरौ तिनु दुखो कै भैटणौ वाल़ी महिमा कै बारै मुंजी तिनु आगै शै बौतांव थिया, तिनुऐ ऐजौ जाणणौ कै कौचिश कौरे कै आत्माए तिनु का दिखाए लौ थियु, ऐजी सौबै बातौ कोलो हौंदी औरौ ऐजी कैशै पूरी हौंदी।

1 पतरस 1:3

अमारै प्रभु यीशु मसीह कै पिता औरौ पौरमेशवर का धन्यवाद हौं, पौरमेशवरे अमारै खातिर आपणी बौड़ै दया शै आमु ऐक नौवाँ जीवन दैय राए। जिथुकै पौरमेशवरे यीशु मसीह खै मौरेयौंदे मुंजीदा जियुंदी कौरा, तैणै आमु बैजाए भोरोशे कै साथै जिणौ कै लायक बाणै राए; यानी कै तिनु चीज़ौ खै पाणौ कै पूरै उमीद कौरे सौकौ जू तैणै आमु दैणौ का वादा कौरे राए।

1 पतरस 3:22

औरौ सै स्वर्ग खै हौटै गौआ। ऐबै सै तिथै पौरमेशवर कै सोऐं ढौबौ सौबी दै खास ठाँव पांदी औसौ, औरौ सै सौबी स्‍वर्गदूतौ औरौ सौबी औधिकारी औरौ शौकतै पांदी राज कौरौ।