1 पतरस 1:2 - सिरमौरी नौवाँ नियम

² अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।

Sirmouri

² अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।

1 पतरस 1:2 Iomraidhean Croise

मत्ती 24:22

औरौ जै पौरमेशवर तिनु दुखो कै सौमय कै ना घोटांदा, तौ कुणिए आदमी बै ना बौचदा; पौरौ चोणेयौंदे की बौजैह शै सैजै दूस घोटाए जांदै।

मत्ती 24:24

“जिथु झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ बौड़ै निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै बोरमाए दैंदै।

मत्ती 24:31

हांव आदमी का बैटा आपणै स्‍वर्गदूतौ कै तुरही कै बौड़ै आवाज़ो कै साथै भैजदा जू चोऊ दिशाओं शै गौयण कै ओकी कुणै तौड़ी जायौ मैरै चोणेयौंदे लोगौ खै कौठै कौरदै।”

मरकुस 13:20

औरौ जै पौरमेशवर तिनु दुखो कै सौमय कै नी घोटांदा, तौ कुणिए आदमी बै ना बौचदा; पौरौ तैणै चोणेयौंदे लोगौ कै बौजैह शै जिनुखै तैणै चोणे राखै, तिनु कारिए सौमय खै घोटाए दैला।

मरकुस 13:22

जिथुकै झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै भोरमाए दैलै।

मरकुस 13:27

हांव आदमी का बैटा आपणै स्‍वर्गदूतौ खै भैजदा, जू चोऊ दिशाओं शै धोरतियौं कै ऐकी कुणै शै गौयण कै ओकी कुणै तौड़ी जायौ मैरै चोणेयौंदे लोगौ खै कौठै कौरदै।”

लूका 18:7

तौ इथकारिए पौरमेशवर आपणै चोणेयौंदे लोगौ कारिए जू राती दूसै तैसकै धोरे रुओं तिनका न्याय कौरदा, औरौ सै तिनकै मौदद कौरणौ दै देर ना कौरदा?

प्रेरितो कै काम 15:18

ऐजा सैजाई प्रभु बौल़ौ जू दुनिया कै बाणणौ शै आगै इनु बातौ का समाचार दैंदा आए रौआ।

प्रेरितो कै काम 2:23

यीशु पौरमेशवर कै दवारा तय कौरेयौंदे योजना औरौ आगलै ज्ञान कै हिसाब शै थोम्बाया गौआ। तौ तुऐं तैसी दुष्ट आदमियों कै मौदद लैई किलो लायौ क्रूसो पांदी चौढ़ायौ मारै दिया।

प्रेरितो कै काम 20:32

औरौ ऐबै हांव तुऔं पौरमेशवर कै, औरौ तैसकै अनुग्रह कै वचन खै सौंपै दियु, जू तुऔं बिशवाश दै मोजबूत कौरे सौकौ, औरौ पौरमेशवर तुऔं सैजै विरासत दैंदा जियौं दैणौ का वायदा तैणै तिनु सौबी लोगौ शै कौरे राए जू तैसकै जरिए पवित्र हौए रौवै।

रोमियों 1:5

मसीह दवारा मुखै अनुग्रह औरौ प्रेरिताए पौरमेशवर कै दवारा दैय राए कै तैसकै नांव कै बौजैह शै सौबै जाति कै लोग सुसमाचार पांदी बिशवाश कौरौ औरौ तैसकै आज्ञा का पालन कौरौ।

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

रोमियों 11:2

पौरमेशवरे आपणै लोगौ खै ना छुड़ी; जिनु तैणै आगै दै ही चोणे राए: तुऐं जाणौए कै पवित्र शास्त्र पौरमेशवर कै बातौ बौताणौवाल़ै एलिय्याह कै कहाणी दु का बौल़ौ; कै सै इस्राएल देश कै लोगौ कै खिलाफ पौरमेशवर शै शिकायत कौरौ?

रोमियों 11:28

यहूदी लोग पौरमेशवर कै दुशमन औसौ जिथुकै सै सुसमाचार पांदी बिशवाश ना कौरणा चांव, औरौ ऐजौ तुऔं कारिए फायदा बौणै गौआ। पौरौ पौरमेशवर तिनु प्यार कौरौ जिथुकै तैणै तिनु आपणै खातिर चोणे राए। इयौं बातौ का तैणै तिनकै पुराणिया शै वादा कौरे राए थिया।

रोमियों 15:16

कै हांव बैगानै यहूदी लोगौ कारिए मसीह यीशु का सेवक हौयौ ऐक यहूदी पुरोहित कै जैशणा पौरमेशवर शै भैटेयौंदा सुसमाचार कै सेवा कौरु; ताकि बैगानै यहूदी लोगौ कै पौरमेशवर कै खातिर ऐक भैंट कै रुप दै दियै जांव जिथलैई सै खुशी औसौ, औरौ जिनु पवित्र आत्माए पवित्र बौणणौ कारिए जौई कौरे राए।

रोमियों 16:19

सौबवे जाणौ कै तुऐं प्रभु कै आज्ञाकारी औसौ; इथकारिए हांव तोंवारै बारै मुंजी आनन्द कौरु; पौरौ हांव ऐजौ चोऊं, कै का आछौ औसौ ऐजौ जाणणौ दै बुध्दिमान, पौरौ बुराई कौरणौ दै निर्दोष रौव।

रोमियों 16:26

पौरौ ऐबै प्रगट हौयौ हमैशा कि आज्ञा लैई पौरमेशवर कै बातौ बौताणौवाल़ै जू बातौ लैखै रैई तिथकै दवारा सौबै जाति कै बौताए राए, कै सै बिशवाश लैई आज्ञा मानणोवाल़ै हौए जांव।

रोमियों 8:13

जिथुकै जै तुऐं पापी स्‍वभाव कै हिसाब शै जियौंए, तौ पौरमेशवर शै जौई हौए जालै, पौरौ जै तुऐं पवित्र आत्मा कै शौकतै लैई सैजौ कौरणौ बंद कौरे दैंव जू तुंआरा पापवाल़ा स्‍वभाव चांव, तोबै तुऐं जियुंदी रौंदै।

रोमियों 8:33

कुणिए बै आमु पांदी पौरमेशवर कै सामणै आरोप ना लाए सौकौ जिथुकै सै आमु धरमी साबित कौरौ।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

1 कुरिन्थियों 6:11

तुऔं मुंजीदै किछै लोग ऐशणै बै थिए पौरौ ऐबै प्रभु यीशु मसीह कै नांव लैई औरौ अमारै पौरमेशवर कै आत्मा लैई तोंवारै पापौ खै धोए राए, औरौ तुऔं पवित्र औरौ धरमी बाणै।

2 कुरिन्थियों 10:5

आमै मन बातौ खै, औरौ हरेक ऊंची बातौ खै, जू पौरमेशवर कै पौछेयाण कै खिलाफ उठौ, इन्कार कौरु, औरौ हरेक ख्याल काबू दै लायौ मसीह कै आज्ञाकारी बाणै दियु।

2 कुरिन्थियों 13:14

प्रभु यीशु मसीह का अनुग्रह औरौ पौरमेशवर का प्यार औरौ पवित्र आत्मा का साथ तुऔं सौबी कै साथै हौंदा रौंव।

कुलुस्सियों 3:12

पौरमेशवरे तुऔं आपणै पवित्र लोग हौणौ कारिए चोणे राए औरौ सै तुऔंआरी प्यार कौरौ इथकारिए बौड़ै दया औरौ भोलाए, दीनता औरौ नम्रता औरौ सैहन शीलता धारण कौरौ।

2 थिस्सलुनीकियों 2:13

ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

तीतुस 1:1

मोऐं, पौलुसे ताखै ऐजी चिट्ठी लैखै लोए, जू पौरमेशवर का सेवक औरौ यीशु मसीह का चोणेयौंदा चैला औसौ, मुखै पौरमेशवर कै चोणेयौंदे लोगौ कै बीच मुंजी बिशवाश कै मोजबूत औरौ साची शिक्षाओं कै जाणणौ कै मौदद कौरणौ कारिए भैजै राए ताकि सै ऐशणा जीवन जियौं जू पौरमेशवर कै खुश कौरौ।

इब्रानियों 10:22

अमारै दिल कै मसीहे आपणै लोऊ लैई पवित्र कौरे राए ताकि आमै जाणै सौकु कै ऐबै आमु दै कुणजै गौलती ना आथी। अमारै शोरीर खै शुध्द पाणी लैई धौयौ आमु तैयार कौरे राए। इथकारिए बिशवाशी भाईयों, आमु आपणै पूरै मन औरौ ऐशणै बिशवाश कै साथै पौरमेशवर कै नेड़िक ओऊं। जू ऐबै हिली ना सौकौ

इब्रानियों 11:28

बिशवाश लैई मूसाए इस्राएली लोगौ कै दवारो कै दैवल़ी पांदी मेम्ने कौ लोऊ छिड़कियौ फसह कौ तैयार मौनाणौ कै आज्ञा दै औरौ खून छिड़कौणौ कै विधि मानै, कै आगली संतानो कै नाश कौरणौवाल़ा दूत, इस्राएल कै आगली संतान कै छुए बै नी सौकौ।

इब्रानियों 12:24

तुऐं यीशु कै धोरे आए रौवै जू पौरमेशवर औरौ लोगौ मुंजी नोऐं कौरार कै बीचवैई कौरौ, औरौ छिड़कैयौंदे लोऊ कै धोरे आए रौवै, हाबिल कै लोऊए न्याय कै मांग कौरे पौरौ मसीह का लोऊ पापौ कै माफी कारिए बौवाया गौआ।

इब्रानियों 5:9

पौरमेशवरे मलिकिसिदक कै जैशणा तैसी महायहूदी पुरोहित का आदर दिया औरौ तैसी सिध्द बाणा औरौ सै तिनु सौबी लोगौ कै खातिर मोक्ति कै शुरुआत बौणै गौआ जू तैसकी आज्ञा मानौ।

1 पतरस 1:14

पौरमेशवर कै आज्ञा कै मानैया कौरौ जिथुकै तुऐं तैसकै नानड़िया औसौ। तिनु बुरै कामौ खै ना कौरौ जिनु तुऐं तोलो कौरणौ कै इछा राखौ थिए, जौल़ौ तुऐं पौरमेशवर कै सौचाई खै ना जाणौ थिए।

1 पतरस 1:20

इयौं दुनिया कै बाणणौ दै आगै, पौरमेशवरे ऐजौ साबित कौरे दियु थियु कै यीशु मसीह छुड़ाणौवाल़ा हौंदा। पौरौ सै तोंवारै मौदद कौरणौ कारिए इनु आखरी दूसौ दा इयौं दुनिया दा ओऊवा।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।

2 पतरस 1:2

हांव प्रार्थना कौरु कै पौरमेशवर तुऔं कै जादा शै जादा अनुग्रह औरौ शान्तै दैंव जैशै-जैशै तुऐं पौरमेशवर औरौ अमारै प्रभु यीशु कै ज्ञान दै बौढ़दै जांव।

2 यूहन्ना 1:1

मोऐं यूहन्नाए कलीसिया कै अगुवे इयौं चिट्ठी कै लैखै लौए। मोऐं ऐजै चिट्ठी पौरमेशवर कै चोणेयौंदी तियौं फोल़ाणी बोईणी औरौ तियांरै नानड़िया कारिए लैखै लौए जिनु आरी हांव साचा प्यार कौरु, औरौ सिरफ हांव ही नी पौरौ सैजै सौब जोणे बै प्यार कौरौ जू सौचाई खै जाणौ।

2 यूहन्ना 1:13

पौरमेशवर कै चोणेयौंदे बोईणी कै नानड़िया इथै औसौ जू ताखै नमशकार कौरौ।

यहूदा 1:2

हांव प्रार्थना कौरु कै पौरमेशवर तुऔं दया, शान्तै औरौ प्यार जादा शै जादा दैया कौरौ।