1 पतरस 1:10 - सिरमौरी नौवाँ नियम

¹⁰ ऐजी मोक्ति ऐशणै थै जिथकै बारै मुंजी पौरमेशवर कै बातौ बौताणौवाल़ै हौजौ जादा जाणणौ चांव थिए। तिनुऐ बौतौऊं कै कैशै पौरमेशवर तुऔं बौचाणौ कारिए तोंवारै खातिर दयालु तरीको शै काम कौरदा जिथकै तुऐं लायक ना आथी। तिनुऐ जोवाब खै जूणौ कारिए सावधानी शै जांच कौरे औरौ शिखाणौ कै बैजाए कौचिश कौरे।

Sirmouri

¹⁰ तेसी ही छुट्कारे के बारे दो तिनू ऋषिऐं बैजाऐ छाँन-भींन जाँच-पड़ताल़ करी, जिन्ऐं तियों कृपा के बारे दी, जू तुँओं गाशी हंणों वाल़ी असो, तिन्दें के बरंम्बाणीं करी थऐ थी।

1 पतरस 1:10 Iomraidhean Croise

मत्ती 13:17

जिथुखै हांव तुऔं खै साचौ बुलू, कै बौहितै पौरमेशवर कै बातौ बौताणौवाल़ै औरौ धरमीए चोऊ कै जू बातौ तुऐं दैखौए, दैखौ, पौरौ ना दैखी, औरौ जू बातौ तुऐं शुणौए, शुणौ, पौरौ ना शुणी।”

मत्ती 26:24

हांव, आदमी का बैटा मोरी जोऊंबा जिथुकै ऐजै बात शास्त्रो दै लेखी राखै। पौरौ तैसी आदमी कै सख्त सौजा भैटदी जू मुखै धौखै शा थोमाला। जै सैजा आदमी पौयदा ना हौंदा तौ तैसी आदमी कारिए ऐजी भोली बात थी।”

लूका 10:24

जिथुखै हांव तुऔं खै साचौ बुलू, कै भौरिशै पौरमेशवर कै बातौ बौताणौवाल़ै औरौ राजाए चोऊ कै जू बातौ तुऐं दैखौए, दैखदै; पौरौ ना दैखी, औरौ जू बातौ तुऐं शुणौए, शुणदै, पौरौ ना शुणी।”

लूका 24:44

हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।”

यूहन्ना 5:39

तुऐं पवित्र शास्त्र कै ध्यान शै पोढ़ो, जिथुकै तुऐं सुंचौ कै तिंदी तुऔं कै सौदा कै जिन्दगी भैटौए, औरौ ऐजा सैजाई औसौ, जू मैरी गवाही दैंव।

यूहन्ना 7:52

तिनुऐ तैसी कैईंदु मजाक मुंजी पूछु, “तू बै गलील जिले पौरैशा औसौ? पवित्र शास्त्र दो जू औरौ पौता कौरा, कै गलील जिले शै कुणजाई पौरमेशवर कै बातौ बौताणौवाल़ा प्रगट ना हौंदा।”

प्रेरितो कै काम 10:43

तैसकै सौबै पौरमेशवर कै बातौ बौताणौवाल़ै गवाही दैंव कै जू कुणिए यीशु पांदी बिशवाश कौरला, तैसी तैसकै नांव कै दवारा पापौ की माफी भैटदै।

प्रेरितो कै काम 17:11

ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

प्रेरितो कै काम 28:23

तोबै तिनु यहूदी लोगै पौलुस कै साथै ऐक दूस राखौ, औरौ बौहितै लोग तैसकै इथै कौठै होवे, औरौ सै पौरमेशवर कै राज्य कै गवाही दैन्‍दा रौआ, औरौ मूसा कै कानून औरौ पौरमेशवर कै बातौ बौताणौवाल़ै कै किताबो पौरैशौ यीशु कै बारै मुंजी सौमझाए-सौमझायौ झीशो शै बैल़खै तौड़ी बौतांदा रौआ।

प्रेरितो कै काम 7:52

पौरमेशवर कै बातौ बौताणौवाल़ै खै तोंवारै पुराणियाए ना सोताए रैई थी? औरौ तिनुऐ पौरमेशवर कै बातौ बौताणौवाल़ै खै मारै दियै जिनुवै तैसी धरमी आदमी यानी मसीह कै आणौ कै बारै मुंजी बौल़ै राए थियु, औरौ जोबै मसीह ओऊवा, तौ तुऐं तैसी धौखा दिया औरौ तैसकै मारै दिया।

इब्रानियों 11:13

ऐजै सौबै लोग जिनुवै पौरमेशवर पांदी भोरोशा कौरा, तिनु चीज़ौ कै पाए बिना मौरे गौवै जिथका वादा पौरमेशवरे कौरे राए थिया, पौरौ तिनुऐ इनु बातौ खै दूर कै भविष्‍य दी आन्दै बैई दैखी औरौ खुशी हौवे। तिनुऐ ऐजै बात सौमझै पाए कै आमु इयौं धोरती पांदी अजनबी औरौ प्रदेशी औसौ।

इब्रानियों 11:40

जिथुकै पौरमेशवर कैई ना सिरफ तिनु कारिए, पौरौ अमारै खातिर बै ऐक बौड़ै योजना औसौ। पौरमेशवर चांव थिया कै सै अमारै साथै मिलैयौ सिध्द बौणै जांव।

1 पतरस 1:11

मसीह का आत्मा पौरमेशवर कै बातौ बौताणौवाल़ै दा थिया, जू मसीह खै दुखो औरौ तिनु दुखो कै भैटणौ वाल़ी महिमा कै बारै मुंजी तिनु आगै शै बौतांव थिया, तिनुऐ ऐजौ जाणणौ कै कौचिश कौरे कै आत्माए तिनु का दिखाए लौ थियु, ऐजी सौबै बातौ कोलो हौंदी औरौ ऐजी कैशै पूरी हौंदी।

1 पतरस 1:13

इथकारिए, जू किछै तुऐं सुंचौए तिथपांदी तुऔं काबू राखणा चैंई। औरौ ऐशै कौरेयौ आपणै जीवन दै पूरै तरह शै आपणै बिशवाश कै साथै चालौ। औरौ तियौं मोक्ति कै आशा राखैयौंदे राखौ जू पौरमेशवर अनुग्रह शै तुऔं तोबै दैंदा जोबै यीशु मसीह स्वर्ग पौरैशा आला।