1 यूहन्ना 4:2 - सिरमौरी नौवाँ नियम

² पौरमेशवर कै आत्मा कै तुऐं ऐशैखै पौछेयाणै सौकौ, कै जू कुणिए आदमी ऐजौ मानै पांव कै यीशु मसीह ऐक आदमी कै रुप दा आए रौआ औरौ सै पौरमेशवर कै ढौबौशा औसौ।

Sirmouri

² पंण्मिश्वर की आत्त्मा तुँऐं ऐशी दाँई पछ़याँणी सको: के जुण्जी आत्त्मा ऐजो माँनी पाँव, के प्रभू यीशू मसीया स्वर्गो शे देह्-धारी आदमी का रूप धारियों संईसारी दे आऐ रूऐ; तअ सेजी ही पबित्र-आत्त्मा पंण्मिश्वर के आत्त्मा हों।

1 यूहन्ना 4:2 Iomraidhean Croise

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

1 कुरिन्थियों 12:3

इथकारिए हांव चोऊं कै तुऐं सौमझौ कै जू कुणिए पौरमेशवर कै आत्मा कै अगुवाई लैई बौल़ौ, सै ना बौल़ौ कै यीशु शरापित औसौ; सिरफ पवित्र आत्मा ही औसौ जू कोसी कै बै बौलणौ कारिए काबिल बाणै सौकौ, कै यीशु प्रभु औसौ।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

1 यूहन्ना 1:2

जू जीवन दैंव सै ऐसी दुनिया दा दैखिया, औरौ तुऔं बौतांवे कै ऐजा सैजाई औसौ जू सौदा कै जिन्दगी औसौ। सै पिता पौरमेशवर कै साथै थिया, औरौ जैसी पौरमेशवरे आमु दिखोऊवा।

1 यूहन्ना 2:23

जू कुणिए पौरमेशवर कै बैटै कै मौना कौरौ तैसीकैईं पिता पौरमेशवर बै ना आथी, जू बैटै खै मानै पांव, तैसीकैईं पिता पौरमेशवर बै औसौए।

1 यूहन्ना 4:15

जू कुणिए ऐजौ अंगीकार कौरे पांव कै यीशु पौरमेशवर का बैटा औसौ, पौरमेशवर तेसिदा बौणेयौंदा रौंव, औरौ सै पौरमेशवर दा बौणेयौंदा रौंव।

1 यूहन्ना 4:3

औरौ जू कुणिए आदमी यीशु खै ना मानौ, सै पौरमेशवर कै ढौबौशै ना आथी; औरौ ऐजाई मसीह का दुशमन औसौ, जैसकै बारै मुंजी तुऐं शौणै राए कै सै आणौवाल़ा औसौ, औरौ ऐबै बै दुनिया दा औसौ।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

2 यूहन्ना 1:7

मोऐं ऐजौ इथकारिए बौल़ै लो जिथुकै बौहितै सारै लोग झूठी शिक्षा दैयौ लोगौ कै धौखा दैय लौआ, सै दुनिया दै आए गौवै। औरौ सै बौल़ौए यीशु मसीह ऐक आदमी बोणेयो इयौं सोंईसारी पांदी ना आए रैई। जै कोसी आदमीए ऐशणै बात बौल़ै लौए तौ सै मसीह का दुशमन औसौ जू लोगौ कै सौदा धौखा दैंव।