1 यूहन्ना 3:9 - सिरमौरी नौवाँ नियम

⁹ जू कुणिए आदमी पौरमेशवर कै संतान औसौ सै लगातार पाप ना कौरौ; जिथुकै पौरमेशवर का स्‍वभाव तैसदा बौणेयौंदा रौंव औरौ सै पाप कौरे ही ना सौकौ जिथुकै सै पौरमेशवर कै संतान औसौ।

Sirmouri

⁹ पंण्मिश्वर शा पय्दा हुवा अंदा, पाप ने करदा रंह्दा, किन्देंखे के से पंण्मिश्वर का अंष अरह् तिनकी अलाद हों; तअ तिन्दी पाप कर्णो की तअ किऐं गुजाऐश ही ने हंदी।

1 यूहन्ना 3:9 Iomraidhean Croise

मत्ती 7:18

आछा डाल़ कौलोंई बै बुरा फल़ ना लांदा, औरौ ना बुरा डाल़ कौलोंई आछा फल़ लांदा।

यूहन्ना 1:13

सै ना तौ माँ-बापू शै, ना ही आदमी की इछा शै, ना ऐक आदमी कै संतान पाणौ कै इछा शै, पौरौ पौरमेशवर शै पौयदा हौए रौआ।

यूहन्ना 3:3

यीशुए तैसीखै जोवाब दिया कै, “हांव ताखै साचौ-साचौ बुलू, जै कुणिए नोऐं सिरै शै ना जन्मो तौ पौरमेशवर कै राज्य ना दैखै सौकौ।”

प्रेरितो कै काम 4:20

जिथुखै ऐजौ तौ आमु शै हौए ना सौकौ, कै जू आमुए दैखै औरौ शौणै राए, सैजौ ना बुलू।”

रोमियों 6:2

ना! बिल्कुल नी! आमै जोबै पाप कारिए मौरे गौवै, औरौ इथकारिए आमु पाप वाल़ै काम नी कौरणै चैंई। तौ तोबै औगौड़ियौ कै तिथमुंजी कैशै जीवन बितौऊं?

गलातियौं 5:17

जिथुकै अमारी पाप वाल़ी इछाएं पवित्र आत्मा कै खिलाफ औसौ, पौरौ पवित्र आत्मा पाप वाल़ै इछाओं कै खिलाफ औसौ। ऐजी दुईनै तागते लगातार ऐकी दुजैआरी लोड़ो, इथकारिए आमु सौदा तिनु आछै कामौ कै कौरे सौकु जू आमु कौरणा चोऊं।

तीतुस 1:2

इथका नतीजा ऐजा औसौ, कै लोग पौरमेशवर कै साथै हमैशा रौणौ कै आशा कौरौ, जिथुकै पौरमेशवर कौलोंई झूठु ना बौल़ौ, तैणै दुनिया कै बाणणौ दा आगै वादा कौरे राए थिया कै तैसकै लोग सौदा कारिए जियुंदी रौंदै।

1 पतरस 1:23

तुऔं ऐकी दुजैआरी प्यार कौरणा चैंई जिथुकै तुऔं पौरमेशवर कै ढौबौशा ऐक नौवाँ जीवन भैटी रौआ। तुऔं खै ऐजा जीवन कोसी ऐशणी चीज़ौ लैई ना भैटी रैई, जू नाश हौए जांदी पौरौ किछै ऐशणी चीज़ौ लैई भैटी रौआ जू हमैशा रौंदी। मतलब, आमु ऐजा नौवाँ जीवन पौरमेशवर कै जियुंदी औरौ सौदा कै वचन शै भैटी रौआ।

1 यूहन्ना 2:29

जिथुकै तुऐं जाणौए, कै मसीह धरमी औसौ, तौ ऐजौ बै जाणौ कै जू कुणिए धार्मिकता का काम कौरौए सै पौरमेशवर कै संतान औसौ।

1 यूहन्ना 3:6

जू कुणिए तेसिदा बौणेयौंदा रौंव, सै लगातार पाप ना कौरदा रौंव जू कुणिए पाप कौरौए, सै ना तौ मसीह खै सौमझौ औरौ ना तैसीखै जाणौए।

1 यूहन्ना 4:7

ओए रै प्यारे साथियो, आमै आपी मुंजी प्यार राखौ, जिथुकै प्यार पौरमेशवर शै औसौ। औरौ जू कुणिए ओकी लोगौआरी प्यार कौरौ सै पौरमेशवर कै संतान औसौ, औरौ पौरमेशवर खै जाणौए।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।

1 यूहन्ना 5:18

आमै जाणुए कै जू कुणिए पौरमेशवर कै संतान औसौ सै लगातार पाप ना कौरौ; पौरौ जू पौरमेशवर कै संतान औसौ, तैसीखै सै बौचाएयौ राखौ: औरौ तैसीखै दुष्ट शैतान छोए बै ना सौकौ।

1 यूहन्ना 5:4

जिथुकै जू कुणिए पौरमेशवर कै संतान औसौ, सै दुनिया पांदी जय पांव, सैजी जय जू दुनिया खै हराए दैंव सैजा अमारा बिशवाश ही औसौ।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।