1 यूहन्ना 2:9 - सिरमौरी नौवाँ नियम

⁹ जू कुणिए ऐजौ बौल़ौ कै हांव पेयाशै दा जी रौआ पौरौ आपणै बिशवाशी भाईटु शै बोयर राखौ, सै इबी तौड़ी बुराई मुंजी ही जी रौआ।

Sirmouri

⁹ जुण्जा कुँऐं ऐजो बुलो, के हाँव ज्योत्ति-प्रकाष दा असो, अरह् तबे भे से आप्णें भाऐ बंऐणीं दा शंगाऐयों तिनशो बईर करह्, तअ से हेबी तोड़ी भे ईनाँरे दा ही असो।

1 यूहन्ना 2:9 Iomraidhean Croise

यूहन्ना 9:41

यीशुए तिनुखै बौल़ौ, “जै तुऐं आन्धै हौंदै तौ तुऐं पापी नी ठोहरदै पौरौ ऐबै बौल़ौ, कै आमै दैखुए, औरौ इथकारिए तुऔं माफी ना भैटदै।”

प्रेरितो कै काम 1:15

औरौ तिनु दूसौ दै जोबै लमसम ऐक शौ बीश बिशवाशी कौठै थिए, तोबै पतरस तिनकै बीच मुंजी खौड़ै हौयौ बौलदा लागा।

2 पतरस 1:9

पौरौ जैसी आदमी दै ऐजै गुण ना आथी सै ऐशणा आदमी औसौ जैसकै नज़र ऐतरै कमजोर औसौ कै सै दैखी ना सौकौ औरौ सै बैसरै गौआ कै पौरमेशवरे तैसी तैसकै पुराणै पापौ शै शुध्द कौरे राए।

1 यूहन्ना 1:6

जै आमै बुलू कै पौरमेशवर कै साथै आमै शामिल औसौ पौरौ तोबै बै जू बुरै काम औसौ सैजैई कौरु तौ आमै झूठु बुलू औरौ सौचाई कै साथै ना जियुं।

1 यूहन्ना 2:11

पौरौ जू कुणिए आपणै बिशवाशी भाईटु आरी बोयर राखौ सै बुराई दा जी रौआ औरौ ना जाणौ कै कुकै जांदा लागै रौआ, जिथुकै बुराईए तैसीखै आन्धा कौरे दिया।

1 यूहन्ना 2:4

जू कुणिए आदमी ऐजौ बौल़ौ, “हांव तैसीखै जाणै गौआ,” पौरौ तैसकी आज्ञाओं खै ना मानौ, सै झूठा औसौ; औरौ सै पौरमेशवर कै साची सौंदेश कै हिसाब शै ना जियौं।

1 यूहन्ना 3:10

इनु बातौ लैई पौता चालौ पौरमेशवर कै सन्‍तान औरौ शैतान कै सन्‍तान कुण औसौ; जूणजै लोग धार्मिकता कै काम कौरौ सै पौरमेशवर कै ढौबौशै औसौ, औरौ जू आपणै भाईटु आरी प्यार कौरौ सैजैई पौरमेशवर कै ढौबौशै औसौ।

1 यूहन्ना 4:20

जै कुणिए आदमी बौल़ौए, “हांव पौरमेशवर आरी प्यार राखु,” औरौ आपणै बिशवाशी भाईटु आरी नफरत राखौ तौ सै झूठा औसौ; जिथुकै जू आपणै भाईटु आरी नफरत कौरौ जैसीखै तैणै दैखै राए, तौ सै पौरमेशवर आरी प्यार ना कौरे सौकौ जैसीखै तैणै कौलोंई ना दैखी रैई।