1 यूहन्ना 2:1 - सिरमौरी नौवाँ नियम

¹ मैरै प्यारे नानड़िया, मोऐं ऐजी बातौ तुऔं इथकारिए लैखै लोई कै तुऐं पाप ना कौरौ। जै कुणिए पाप कौरौ, तौ पिता पौरमेशवर कै धोरे अमारा ऐक सहायक औसौ, सैजा यीशु मसीह औसौ जू अमारै पापौ कै माफी कारिए प्रार्थना कौरौ, औरौ सै धरमी औसौ।

Sirmouri

¹ मेरे प्यारे नहाँन्ड़िया, हाँव ऐजी बातो तुँओं खे ईन्देंखे लिखू, के तुँऐं पाप ने करह्; अरह् जे कुँऐं किऐ पाप करह्, तअ स्वर्गो के परमं-पिता पंण्मिश्वर के साम्णें अमाँरे पापो शा बचाव कर्णो वाल़ा ऐक असो; अरह् सेजा असो धर्मी प्रभू यीशू मसीया।

1 यूहन्ना 2:1 Iomraidhean Croise

लूका 10:22

मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”

यूहन्ना 13:33

ओए रै साथियो, हांव हौजौ दैणिक देर तौड़ी तोंवारै धोरे औसौ: हौजौ तुऐं मुखै जौले औरौ जैशै मोऐं यहूदी नेताओं कै बौल़ौ, ‘जिथै हांव जोऊं तिथै तुऐं ना आए सौकौ,’ तैशैकैई ऐबै हांव तुऔं खै बुलू।

यूहन्ना 14:16

औरौ हांव पिता पौरमेशवर शै बिन्ती कौरुबा, औरौ सै तुऔं ऐक ओका हौंसला दैणौवाल़ा दैन्‍दा, कै सै सौदा तोंवारै साथै रौंव।

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 21:5

तोबै यीशुए तिनु बौल़ौ, “ओए रै साथियो का तुऔं कैई किछै खाणौ कारिए माछी औसौए?” तिनुऐ जोवाब दिया ना।

यूहन्ना 5:14

इनु बातौ कै बाद सै यीशु खै मन्दिरो कै आँगणो दा भैटा, तोबै तैणै तैसीखै बौल़ौ, “दैख, तू तौ ठीक हौए गौआ, औरौ हौजौ कौलोंई पाप नै कौरेया ऐशैखै नै हौंव कै तैरा हाल इथैदा बै जादा बुरा हौए जांव।”

यूहन्ना 5:36

मुंआगै यूहन्ना दै बौड़ी गवाही औसौ। सैजी टोल जू पिता पौरमेशवरे मुखै पूरै कौरणौ खै दैय राए, सैजी टोल मैरै बारै मुंजी गवाही दैंव जू टोल मोऐं कौरे लोए, सैजी टोल गवाही दैंव कै पिता पौरमेशवरे मुखै भैज राए।

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

यूहन्ना 8:11

तियैं बौल़ौ, “ओए रै प्रभु, कोसीए बै सौजा ना दी।” यीशुए बौल़ौ, “हांव बै ताखै सौजा कै आज्ञा ना दैन्दा; ऐबै घोरो खै जा, औरौ आगै कै पाप दै जिन्दगी नी बिताया।”

प्रेरितो कै काम 7:52

पौरमेशवर कै बातौ बौताणौवाल़ै खै तोंवारै पुराणियाए ना सोताए रैई थी? औरौ तिनुऐ पौरमेशवर कै बातौ बौताणौवाल़ै खै मारै दियै जिनुवै तैसी धरमी आदमी यानी मसीह कै आणौ कै बारै मुंजी बौल़ै राए थियु, औरौ जोबै मसीह ओऊवा, तौ तुऐं तैसी धौखा दिया औरौ तैसकै मारै दिया।

रोमियों 5:10

जिथुकै जोबै आमै पौरमेशवर कै बौयरै थिए तौ तैसकै बैटै कै मौत कै दवारा तैणै अमारै साथै मैल-मिलाप बाणा, इथकारिए आमु निशोंक हौयौ ऐजै बात जाणुए कै अमारा तैसकै साथै मैल-मिलाप का सौमझौता हौए रौआ तौ सै आमु बौचांदा जिथुकै मसीह जियुंदी औसौ।

रोमियों 6:15

तौ का हु? जिथुकै आमै मूसा कै कानून कै अधीन नी, पौरौ पौरमेशवर कै अनुग्रह कै अधीन औसौ, इथकारिए आमु पाप नी कौरणै चैंई।

रोमियों 8:34

कुणिए बै अमारै निंदा ना कौरे सौकौ जिथुकै ऐजा यीशु मसीह औसौ, जू अमारै खातिर मौरे गौआ औरौ मौरेयौंदे मुंजीदा जियुंदी हौआ, औरौ जू अमारै तरफ शै अमारै खातिर बिन्ती कौरौ।

1 कुरिन्थियों 15:34

होशो दै आव औरौ पाप कौरणा छोड़े दैव, ऐजौ मोऐं तुऔं खै बैज्जित कौरणौ कारिए ही बौल़ै लौ, जिथुकै तुऔं मुंजीदा कोसी का पौरमेशवर कै साथै सोही रिशता ना आथी।

2 कुरिन्थियों 5:21

मसीह जू पाप शै अणजाण थिया, पौरमेशवरे अमारै पापौ कारिए मसीह खै दोषी ठैहरोऊवा, ताकि आमै पौरमेशवर कै नज़र दै धरमी बौणै जोऊं जिथुकै मसीहे अमारै पापौ कै सौजा आपी पांदी लौए।

गलातियौं 4:19

मैरै प्यारे नानड़िया, जैशैखै ऐक बैटमाणिश होल़किणु कै सौमय पीड़ो महसूस कौरौ, तैशैखैई मोऐं एकबेई औटेयौ तोंवारै खातिर पीड़ो झैलू। हांव ऐसी पीड़ा दा तांव तौड़ी रौंदा जांव तौड़ी तुऐं मसीह दै मोजबूत ना हौए जांव।

इफिसियों 2:18

मसीह की बौजैह शै, आमै सौबै ऐकैई पवित्र आत्मा कै दवारा पिता कै धोरे आए सौकु।

इफिसियों 4:26

जै तुऐं गुस्से हौए जांव, तौ ध्यान राखैया कै तुऐं पाप ना कौरौ। बैल़खै हौणौ दै आगै तुऐं गुस्सा कौरणा बंद कौरे दौ।

1 तीमुथियुस 2:5

जिथुकै सिरफ ऐकैई पौरमेशवर औसौ, औरौ सिरफ ऐकैई आदमी औसौ जू पौरमेशवर औरौ लोगौ कै बीच मुंजी मैल मिलाप कौरवाए सौकौ यानी सै यीशु मसीह औसौ, जू ऐक आदमी कै रुप दा पौयदा हौआ।

1 तीमुथियुस 3:14

हांव तैरै धोरे तावल़ा आणौ खै आशा राखणौ पांदी बै ऐजी बातौ ताखै इथकारिए लिखु,

इब्रानियों 9:24

इयौं बौजैह शै, मसीह तैसी पवित्र ठाँव दा ना हुटी जू लोगै बाणै राए, जू कै साची पवित्र ठाँव का सिरफ ऐक नमूना औसौ। पौरौ सै अमारै खातिर पौरमेशवर कै सामणै हाजिर रौणौ कारिए सीधा स्वर्ग दा हौटा।

याकूब 1:27

अमारै पौरमेशवर पिता खै नेड़िक साफ औरौ निर्मल भोक्‍ती ऐजै औसौ कै, अनाथो औरौ विधवा कै कौल़ेश दा तिनका ख्याल राखौ औरौ आपी कै दुनिया की बुरी बातौ शै बौचाए राखौ।

याकूब 3:9

जीभ शै ही आमै प्रभु औरौ पिता पौरमेशवर कै बौड़ाए कौरो, औरौ इथलैई आदमी कै जू पौरमेशवर कै रुप दै बाणै राए शराप दियु।

1 पतरस 2:22

पवित्र शास्त्र बौल़ौए, “मसीहे कौलोंई पाप ना कौरी। तैणै कौलोंई झूठु ना बुली, ऐकबेई बै नी।”

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।

1 यूहन्ना 3:18

ओए रै प्यारे नानड़िया, तुऔं साची मौदद कौरेयौ ओकीआरी आपणा प्यार दिखाणा चैंई ना कै सिरफ प्यार कै बारै मुंजी बातौ कौरणी चैंई।

1 यूहन्ना 3:5

तुऐं जाणौए कै यीशु मसीह इथकारिए ओऊवा कै पापौ कै मिटाए दैंव, औरौ तैसीदा कुणजाई पाप ना आथी।

1 यूहन्ना 3:7

ओए रै नानड़िया, कोसी खै धौखा दै नी आया; जू कुणिए आदमी धार्मिकता कै काम कौरौए, सैजाई मसीह कै जैशणा धरमी औसौ।

1 यूहन्ना 4:4

ओए रै प्यारे नानड़िया, तुऐं पौरमेशवर कै लोग औसौ, औरौ तुऐं तिनु झूठै पौरमेशवर कै बातौ बौताणौवाल़ै पांदी जय पाए राए; जिथुकै जू पवित्र आत्मा तुऔं दै औसौ सै शैतान शै बौड़ै औसौ जू इयौं दुनिया कै लोगौ पांदी राज कौरौ।

1 यूहन्ना 5:17

सौबै भान्त का अधरम तौ पाप औसौ, पौरौ ऐशणा पाप बै औसौ जिथका नतीजा मौत ना आथी।

1 यूहन्ना 5:21

ओए रै नानड़िया, आपी कै ऐशणी बातो औरौ चीज़ौ शै दूर राखौ जू तोंवारै दिल दै पौरमेशवर कै जौगैह लौए सौकौ।

3 यूहन्ना 1:4

जोबै बै हांव ऐजौ शुणु कै सैजै लोग मैरै नानड़िया कै जैशणै औसौ औरौ सौचाई कै हिसाब शै जी रौवै तौ ऐजै बात मुखै हौजौ बै खुशी कौरे दैंव।