1 यूहन्ना 1:10 - सिरमौरी नौवाँ नियम

¹⁰ जै आमै बुलूए कै आमै पाप ना कौरु, तौ आमै पौरमेशवर खै झूठा बाणौ, औरौ जू वचन सै बौल़ौए तैसीखै ना तौ सौमझौ औरौ ना मानौ।

Sirmouri

¹⁰ जे आँमें बुलो के आँमें किऐ पाप ने करी थई, तअ आँमें तिनू झूठे बाँणों; अरह् तिनका बचन आँमों दा बसा अंदा ने आथी।

1 यूहन्ना 1:10 Iomraidhean Croise

यूहन्ना 3:33

पौरौ जैणै तैसकै गवाही ग्रहण कौरे पाए, तैणै इयौं बातौ पांदी छाप लाए दै कै पौरमेशवर साचा औसौ।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

1 यूहन्ना 1:8

जै आमै बुलूए कै आमुए किछै बै पाप ना कौरी, तौ आपी खै धौखा दियु, औरौ आमु तियौं सौचाई पांदी बिशवाश ना कौरु जू पौरमेशवर बौल़ौए कै साचौ औसौ।

1 यूहन्ना 2:14

ओए रै पिताओं, मोऐं तुऔं इथकारिए लैखै लो कै जू दुनिया कै शुरुआत शै औसौ तुऐं तैसीखै जाणौ। ओए रै जवानो, मोऐं तुऔं इथकारिए लैखै लो, कै तुऐं ताकतवर हौए जांव, औरौ पौरमेशवर का वचन तुऔं दा बौणेयौंदा रौंव, औरौ तुऐं तैसी दुष्ट शैतान पांदी जय पाए राए।

1 यूहन्ना 2:4

जू कुणिए आदमी ऐजौ बौल़ौ, “हांव तैसीखै जाणै गौआ,” पौरौ तैसकी आज्ञाओं खै ना मानौ, सै झूठा औसौ; औरौ सै पौरमेशवर कै साची सौंदेश कै हिसाब शै ना जियौं।

1 यूहन्ना 4:4

ओए रै प्यारे नानड़िया, तुऐं पौरमेशवर कै लोग औसौ, औरौ तुऐं तिनु झूठै पौरमेशवर कै बातौ बौताणौवाल़ै पांदी जय पाए राए; जिथुकै जू पवित्र आत्मा तुऔं दै औसौ सै शैतान शै बौड़ै औसौ जू इयौं दुनिया कै लोगौ पांदी राज कौरौ।

1 यूहन्ना 5:10

जू पौरमेशवर कै बैटै पांदी बिशवाश कौरौए सै आपणै भीतरै गवाही राखौए; पौरौ जैणै पौरमेशवर पांदी बिशवाश ना कौरी तैणै पौरमेशवर कै झूठा बाणै राए; जिथुकै तैणै तियौं गवाही पांदी बिशवाश ना कौरी जू पौरमेशवरे आपणै बैटै कै बारै मुंजी दैय राए।

2 यूहन्ना 1:2

आमै तुऔंआरी प्यार कौरो जिथुकै आमै साची शिक्षा दै बिशवाश कौरो, औरौ सैजै शिक्षा सौदा अमारै साथै बौणैयौंदे रौंदै।