Yoona 4:9 - NQAARIIT NE ROOG

⁹ Roog a laya a Yoona yee: «Ndax jegaa kaa fuuxantoona mbatarpooli nene?» Yoona a doonin ee: «Jegaanum moos, waraam o fuux boo na fa nqon!»

Yoona 4:9 Iomraidhean Croise

1 Maad we 21:4

Ahab a nomtooxa no mbind um, a naqadiloox soo a fuux boo a buɓaa yaam ne Naboot fee gen’ina Yisre’el a doon’uuna yee cooxkiran lam ne ta xotitna no daan um. A wondooxa no njong um, a geleeroox a faambir fo tabax ne soo a fañ a ñaam.

Ke bindeena no xe ne’eena YOB 18:4

Wo Yob, fuux of ɗaxkirang dara, a refangee a ɓaatong naqad. Ndax o sagin of a waaga tax lanq ke a ndefat a koƥ-a-ƥor, soo a ƥil ake a sektoox na seek den?

Ke bindeena no xe ne’eena YOB 36:18

Ngela baa fuux a ɓekong no xaadnoox a Roog, too baa o magnel ole no ndabid a pi of a ɗapnoorong.

Ke bindeena no xe ne’eena YOB 5:2

O ƥodaxu xe kaa saŋkooxaa yaam fuux um, o ƭof oxe a xonaa yaam o mat xeeñ um.

Yoona 4:1

Kaaga a feƭar’a a Yoona lool, too a fuuxa.

Yoona 4:10

Maaga, O Yaal oxe a dakooxaan o lay ee: «Nan-gilooxi! Mbatarpooli nene cooxirang calel leng, refee yee wo saxnun. No yeng o leng kut a maaku, soo no xaa took um ta xon. Yaag oo toox de, yirim’aano.

Yoona 4:8

Ye njeeƈ ne a watna, Roog a wuuɗiida mbooyo sumu ta hatiid no batand. Njeeƈ ne a xawa a Yoona no xoox boo ta yisat. Fa nqon doŋ a xeɗoogatu, a layaa yee: «Fa nqon sax moƴanataxam o ñoow.»

Mace 26:38

too a laya a den ee: «Xeeñ es kaa gooy lool boo na fa nqon. Yoqyo mene, yetoox fa mi.»

2 Korint 7:10

Yaam naqad fee inoorna na Roog kaa gartaa o fes pakaad a cinj na ɓisaa na muc ale, too ricooxkaand boo muk. Naqad fee na adna fee koy, fa nqon soom a rimaa.

Mbeeñil 9:6

Na pe akaaga, xan wiin we a mbaaƭaa fa nqon too nga’kiran. Xan a mbug o nqon, ndaa xan fa nqon a riƈatoox a den.

Haahate we 16:16

Dalila a jom’andoogaan ñaal nuu refna fo fa lay um, a tinqlan boo ta bugat o xon, yaam waag’atiran o muñ.