Yoona 4:8 - NQAARIIT NE ROOG

⁸ Ye njeeƈ ne a watna, Roog a wuuɗiida mbooyo sumu ta hatiid no batand. Njeeƈ ne a xawa a Yoona no xoox boo ta yisat. Fa nqon doŋ a xeɗoogatu, a layaa yee: «Fa nqon sax moƴanataxam o ñoow.»

Yoona 4:8 Iomraidhean Croise

Mberaand 41:6

Cinj kaaga, xa yaƥ ɓetaa ƭaq axaa nqeñ ne no batand a gaayinna, a sax a cinj den.

1 Maad we 19:4

Cinj kaaga, a ñaaƴa ñaal muum kam a koƥ-a-ƥor ale, a ret a moof ɗuga mburndu. Fa nqon doŋ a xeɗoogatu, a layaa yee: «Ndiiki koy, o Yaal oxe, deyƭataam sik! Xuufi o ñoow es, yaam moƴiim daan es.»

1 Maad we 21:4

Ahab a nomtooxa no mbind um, a naqadiloox soo a fuux boo a buɓaa yaam ne Naboot fee gen’ina Yisre’el a doon’uuna yee cooxkiran lam ne ta xotitna no daan um. A wondooxa no njong um, a geleeroox a faambir fo tabax ne soo a fañ a ñaam.

Ke bindeena no xe ne’eena YOB 2:10

Kaa koy, Yob a doonaan ee: «Kaa o laytaa nen o tew o cegee yiif! Feek i njaɓa ndaawit na Roog paax kañ, i mbara njaɓ o ndaawit no ten paaxeer itam.» No kaaga fop koy, Yob bakaadee na fa lay um.

Ke bindeena no xe ne’eena YOB 7:15

Ey! Bug’aam o ɓoƭel koy! Fa nqon moƴanataxam xa kiiƈ xa ƥor axene.

A kim a tedu ke 121:6

Kuu njeeƈ ne a ñalalaa ñalal no ñaal ne fop oo, ñaatlandkirang, ne’atiim o nqool onqe no yeng ole.

A kim a tedu ke 39:9

Wataam no pakaad es fop, too ba o xaƴ yoqit ke a njalaxam.

O baawaare xe 7:9

Ba o yooɓ o fuux, yaam o mat-xeeñ panxoy ke njegun.

A kim ale na kim ake 1:6

Ba nu mbuudaam, yaam ne njeeƈ ne a doxaxama boo um ɓalig. Jamin es a mbuuxanaxam, a mbi’aam o yeeyetax a ƭing taxar biiñ ake den, too a ƭing ale jegooduuma yetooxinum.

Esayi 49:10

Nqeexkataand too ngoɗomkataand, mbooyo ne mbaat njeeƈ ne ñaatlandkatee a den, yaam oxe yirimna a den na refkaa o kaynaak den, too xan a ɓakand a den na cur foofi.

Heseki’el 19:12

Kaa koy, a fuur’e fo fuux ɗomu, a deɓel a lanq. Nqeñ ne no batand a weerna xa tim axe ten, xa par xa maak axe a mbastoox soo a mbeer. Fiɗel le a raaɓa a den.

Hoose 13:15

Efrayim a bug oo neep nen ndaxar a ndeer no fog um, ndaa nqeñ ne no batand xan a gar, buuƭ ne no Yaal oxe a yoɗoor na koƥ-a-ƥor ale. Xan a ŋiisin kas ke ten, a weerin a cur ake ten, kalal ke ten fo tig oo tig cegu njiriiñ ke ten fop a mbaltel.

A paɗax ale 10:3

Moyiis a laya a Aaroon ee: «Keene o Yaal oxe a ne’oogu, ye ta layna yee: ‹Xam lalit o tedel es no we na matiidaxam, lalit o ndam es mbaambir xeet fee fop.› » Aaroon a naaga tek, a xor.

Yoona 1:4

Maaga, o Yaal oxe a fi’a a qeñ a maak took o maag ole, too a und a maak a jumbanda o maag ole boo a kaal ale a bug o gef.

Yoona 4:3

Ndiiki koy, o Yaal oxe, xuufi o ñoow es, yaam fa nqon moƴanataxam o ñoow.»

Yoona 4:9

Roog a laya a Yoona yee: «Ndax jegaa kaa fuuxantoona mbatarpooli nene?» Yoona a doonin ee: «Jegaanum moos, waraam o fuux boo na fa nqon!»

Mace 20:12

a layin ee: ‹We mbalakna o ngaraa, waxtu fa leng soom a njalu, soo o fodandaa a den fa in, in we ndoxondooxna xij le fo mbooyo ne fop.›

Mbeeñil 3:19

Mi o mat, kaam yaraa we fexuuma. Jaflaxi boog, too fes pakaad of a cinj.

Mbeeñil 7:16

Nqeexkataand, ngoɗomkataand too njeeƈ ne mbaat a sumaan ale ñaatlandkatee a den,

1 Sami’el 3:18

Naaga, Sami’el a wetandooxaan fop too ɗasnee teen dara. Eeli a laya yee: «Ten refu o Yaal oxe, fat a fi ke jofooxuuna.»