Yoona 3:9 - NQAARIIT NE ROOG

⁹ Neene, xeƈa xan Roog a supit pexey, a waas fuux maak le ten, soo a fañ o warnoor a in.»

Yoona 3:9 Iomraidhean Croise

2 Sami’el 12:22

Dawid a doona a den ee: «Ye o goor ole a maadna o ñoowaa, kaam hooroogu, loolaa, yaam kaam xalaatoogu yee: O leng andee. Xeƈa xan o Yaal oxe a yirmaam boo o goor ole a ñoow.

A kim a tedu ke 106:45

A wetandooxa ngiɓoor um fa den, ndax ta jiriiñ a den, too a yirma a den no mbeq o maak um.

A kim a tedu ke 85:3

Waasanaa xeet of tooñ um, forit pakaad den fop. A maaf

A kim a tedu ke 90:13

O Yaal oxe, kaa o xurulooxkaa a in neeke boo a mban? Nomtooxiidi, yirim a in, in we dag of!

Yeremi 26:13

Ndiiki koy, supityo a pesoorooƭ nuun fo a pi nuun, nan-giloox o ñuxur no Yaal oxe Roog nuun. Yaaga xan o Yaal oxe a ricoox paaxeer ke ta waajan’ina a nuun.

Dañel 4:27

too a laya yee: «Ndax meeke refee Babilon fa maak fee maxtuuma doole es, ta ref teeru no maad fee mi, a laltaa o niwel es fo o ndam es?»

Amos 5:15

Kaam ee, nu sib paaxeer, mbex paax, ñaaƴin o cofel no xeloorand ole. Yaaga o Yaal oxe Roog fee Hupna fop a waaga yirimkaa a nuun, nuun yoqatin we no mbind Yoseef.»

Yoona 1:15

Cinj kaaga, a njanga a Yoona, a njoorin kam o maag olaa. Maaga, a und alaa a dalfooxa o riim.

Yoona 1:6

Maaga, o aa-adax oxe na kaal ale a matiidaan, a layin ee: «Ndi an oo xene na ɗaanaa? Inooxi, ƴufginoox a roog of! Xeƈa yiif um xan a gom a in, too yaaga i saŋkooxkee.»

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

Sofoni 2:3

Mbaaƭyo o Yaal oxe, nuun neewandooxu we no saax le fop, nuun we na ndeefaa kebil ke ten. Mbaaƭyo o cofel, ngen na neewandax, yaaga xeƈa xan nu mbuusel, yaa fuux le no Yaal oxe a biltooxkaa.

1 Sami’el 6:5

Mbi’yo boog kaa samandaalna xa tul axe fo kaa lalitna ƈoox ke na yaqaa saax le, soo nu ƥoxot a Roog fee Isra’el o ndam. Neene, xeƈa toroxandkatee a nuun fa katil um, nuun fo roog ke nuun fo saax le nuun fop.