Yoona 2:7 - NQAARIIT NE ROOG

⁷ Kaam ɗuuɗoox’u ɗuga xa coong axe, soo a kinglir ake jaaniif a mbegooraam boo kili. Kaa koy, wo o Yaal oxe Roog es, wo o mat ɗuqtitiidaxam fo o ñoow no duf-ee-duf laa jaaniif.

Yoona 2:7 Iomraidhean Croise

2 Caloori ke 30:27

Saasadax we ndefna Leelewi we a inooxa soo a mbarke xeet faa. O ñuxur den a nannooxa, a qeƭ den a ret boo no Ngenand tedu ne no Yaal oxe na asamaan.

A kim a tedu ke 11:4

O Yaal oxe xey no Mbind tedu ne ten, uum-maamaad um a ref na asamaan. A kid um kaa nga’aa fop soo ta horooxaa wiin we.

A kim a tedu ke 142:3

Mexe diisan ƭomaƭax es, feednan naqad es.

A kim a tedu ke 143:5

Kaam wetandooxaa a pe ake yaaga, ɓaalaa taa kam es a pi ake wo fop, yiifaa ke xa ƥay of a njalna.

A kim a tedu ke 18:6

A ceng ake jaaniif kaa mbid’aam o kurul-keƥ, pog ke na fa nqon fee a mbodaam mbaambir.

A kim a tedu ke 20:7

Ndiiki koy, andaam ee o Yaal oxe kaa ƴufgaa oxe ta ɗuumna. Kaa jaaɓtan na asamaan fa tedu fee ten, a muclitin a ñamaak a mayu katil um.

A kim a tedu ke 22:14

Kaa yaƥatanaam nen njogoy ne na listaa, a bumbaa.

A kim a tedu ke 27:13

A wooraxam ee xam ga o paaxel ole no Yaal oxe took lanq ke no ñoow we.

A kim a tedu ke 42:11

A ben ake no fañ we mi kaa ƈaxaa xa kiiƈ es. Kaa da layaxam cay ee: «Wo o mat, taa Roog of?»

A kim a tedu ke 42:5

O laaw es oxe ɓutaa kam es, yaa um wetandooxaa jamaane fee ɓerooguuma a ndeer no faan le, ñaaƴaa fa den boo no Mbind Roog ne kam xa ƈeel axe fo o ngidim onqe no faan laa na ndoofandaa.

A kim a tedu ke 43:5

O laaw es, xar taxu o naqadiloox soo iinaa kam es? Tee o cung a Roog, too and ee xam simatahinin, ten fee o Muumucil es fa Roog es.

A kim a tedu ke 65:4

Ndoq ne no pakaad ke in kaa meɗ dis, ndaa kaa o dontan bo tee qac.

Esayi 38:17

Xeeñ feƭaru es a jegata jam. Kaa o fexaam boo suudit o laaw es no gamb le na saŋkax ale, yaam deɓaa a cinj of pakaad es fop.

Esayi 50:10

Oxuu saɗarna o Yaal oxe fat a nan-giloox o ñuxur no tag um! Oxuu na ñaaƴaa no niɓaan ole too a ñak a qoolaand, fat a doon a koolax um no gon le no Yaal oxe, a damloox na Roog um!

Yoona 2:4

Deɓaxamo kam o maag ole, no xooɗ-ee-xooɗ le no foofi le. A yaand ake wo fop owe mbidaxam, a yag-ee-yag ake wo a palaƈaa took es.

Mise 1:2

Nuun qeet ke fop, nan-gilooxyo! Lanq ke fo ke refna teen, ndungyo nof nuun! O Yaal oxe na refkaa boo faw xan a layoor fa nuun, a inoortiid no Mbind tedu ne ten.

Habakuk 2:20

Kaa koy, o Yaal oxe xey no Mbind tedu ne ten. Fat adna fa muum a naang cel mbaambir um!»

Hebre 12:3

Ƥekyo a yiif nuun no ten, ƭeet ne ta jaɓ’ina o roxondoorit ne baabakaad we a tooñtuuna, yaam ndik nu ñak yaakaar, nomtoox a cinj.

1 Sami’el 30:6

Dawid a jaq’a lool, yaam yoon we ten kaa mbaajoogun o mbarit a kac. Oxuu refna na den, kam um kaa feƭar’u lool, yaam a xalaataa xa ƥeem. Kaa koy, Dawid a saƭakinooxa no Yaal oxe Roog um,