Yoona 2:4 - NQAARIIT NE ROOG

⁴ Deɓaxamo kam o maag ole, no xooɗ-ee-xooɗ le no foofi le. A yaand ake wo fop owe mbidaxam, a yag-ee-yag ake wo a palaƈaa took es.

Yoona 2:4 Iomraidhean Croise

1 Maad we 8:42

yaam o mat, xan a nan gon maak le wo fo o ɓay o jegu doole le wo fo a naax of ale letnooxna a layteel. A faambrangaa no Mbind nene a xeɗ,

1 Maad we 8:48

a nomtooxiidangaa me wo na qeeñ den fop fo na xa laaw den fop too a nqeɗtangaang kam saax le no fañ den we na ndamkaa a den mbaƭ, a mbaambir fo saax le ci’oona daan den fa teeru fee jiloona fo Mbind ne maxuuma no gon of,

1 Maad we 9:7

yaaga nuun Ii-isra’el we, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc. Neene, Isra’el xan a ref naxoor fo calat a ndeer qeet ke fop.

2 Caloori ke 6:38

a nomtooxiidangaa me wo na qeeñ den fop fo na xa laaw den fop too a nqeɗtangaang kam saax le no we na ndamkaa a den mbaƭ, a mbaambir fo saax le ci’oona daan den fa teeru fee jiloona fo Mbind ne maxuuma no gon of,

A kim a tedu ke 31:22

O Yaal oxe a hela o gidmel, yaam a lalaxam o mbeq um o ñaku sik, mi fee nand’atna fa teeru faa fañ a mbidna o kurul-keƥ.

A kim a tedu ke 42:8

Juwaam oxe xoyaa juwaam fa lakas, ye poofi ke wo a caarooxaa. A yaand ake wo fop owe mbidaxam, a yag-ee-yag ake wo a palaƈaa took es.

A kim a tedu ke 5:7

Kaa o saŋkaa maamaaɓ we, waawar we fo naanax we, o sib a den, wo o Yaal oxe.

A kim a tedu ke 88:6

Kaam waasel pelek nen o qon, nandtaa we ndibeena boo a mbondnel no leeñ a mboy, nen waa a ƭat of a yongateerna na den, o suud o ɓay of na den.

A kim a tedu ke 88:7

Jooraxamo kam gamb xooɗu, no niɓaan tit, kam qooƭ ke jaaniif.

Esayi 38:17

Xeeñ feƭaru es a jegata jam. Kaa o fexaam boo suudit o laaw es no gamb le na saŋkax ale, yaam deɓaa a cinj of pakaad es fop.

Esayi 49:14

Siyoŋ kaa layaa yee: «O Yaal oxe a waasaxam pelek, o Yaal es a weecaxam.»

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

Yeremi 7:15

Xam deɓ a nuun maa goƭaxama ne deɓtuuma fog we nuun fop, we mbaqaqoorna na carind ale Efrayim.»

A ƭomatax ake 3:54

Poofi ke kaa ƭuud’aam, boo um damtatin ee: «Mo’aam mir!»

Heseki’el 37:11

A layaxam ee: «Wo fee o ƥiy no kiin, xa kiiƈ axeene mbind Isra’el fop oo. Den oo weene a ndamtin ee: ‹Xa kiiƈ axe in a mbeera korong, yaakaar in a yaktoox, i mbagiɗ tak.›

Dañel 6:10

Kaaga a taxa boo o maad Daryus a dalin kebil neene soo a ñaasin.

Yoona 2:7

Kaam ɗuuɗoox’u ɗuga xa coong axe, soo a kinglir ake jaaniif a mbegooraam boo kili. Kaa koy, wo o Yaal oxe Roog es, wo o mat ɗuqtitiidaxam fo o ñoow no duf-ee-duf laa jaaniif.