Yoona 2:2 - NQAARIIT NE ROOG

² Ye Yoona a refna kam o fud ole no liƥ ne, a xeɗa o Yaal oxe Roog um,

Yoona 2:2 Iomraidhean Croise

2 Caloori ke 33:12

Ye ta refna na naqad, a xeɗooxa o Yaal oxe Roog um, a neewandoox tigi mbaambir Roog fee no daan um.

A kim a tedu ke 116:3

Fa nqon a jeng’axam boo a ƴut, o njaaxɗataand onqe jaaniif a naagaam nuus, um sooboox na naqad fo no gooy.

A kim a tedu ke 120:1

A kim no ñaañaaƴ we yoo. O Yaal oxe um ƴufginooxaa kam naqad es, too kaa jaaɓaxam.

A kim a tedu ke 16:10

yaam xaƴkiro o laaw es ta mooc kam jaaniif, too xaƴkiraamo, mi fee o cofu xe wo, fa nqon a jengaam.

A kim a tedu ke 22:24

Nuun we saɗarna o Yaal oxe, simateenoo, nuun we xa taan Yakoob fop, ƥoxoteenoo o ndam, nuun fop we xa taan Isra’el, sendyo mbaambir um,

A kim a tedu ke 34:6

Oxe a kid um a ngaanna no ten kaa meleƈaa fo o ɗaay too lupandooxkee yaam a sed.

A kim a tedu ke 4:1

O yaal a ƭat ale no jeejeek we a xoolne yee a kim alene kaa yoonandteel o nqilimb. A kim a tedu laa fogna na ke Dawid oo.

A kim a tedu ke 61:2

Wo Roog, nan-gilooxi xa buuq es, rung nof of na qeƭ es.

A kim a tedu ke 65:2

Wo Roog, kam teeru fee Siyoŋ i ngelaang o simat too mbadin a tegit in fa wo,

A kim a tedu ke 86:13

yaam o mbeq of na mi kaa magin lool. Ɗuqtitiidaxamo no xooɗ-ee-xooɗ laa jaaniif.

Esayi 14:9

Jaaniif a nootooxa boo no qooƭ ke ten, ndax ta xetooxong na kar ale wo. A yokanaang xon-faaf we ndeeƭna yaal sañ-sañ ke no lanq ke fop fo maad we na saax ake fop, a in a den na uum no maad den.

A ƭomatax ake 3:55

Kam ee kam gamb le, ƴufginooxaaxoong, wo o Yaal oxe.

Heseki’el 26:20

xam fudnandoorong fo we na mbudooxaa kam gamb le na saŋkax ale, farna fa xeet fee yaaga. Xam gennoorong no qooƭ ke no lanq ke, o nand fo kefatin ke na refkaa boo faw, yoon fo we na mbudooxaa kam gamb le na saŋkax ale, ndax genkataandee. Maaga, xam geekan saax le no ñoow we o ndam onqe.

Heseki’el 31:14

Kaa refit neene ndax ndaxar leng naa sooreena a paax, a deyƭoox foofi waagkatee o lawlawin boo a garit kol niɓu ke took soo a xaaƴooraa geel jiig um, yaam taxar ke nen wiin we a njagandane fa nqon, a serel a moocik ɗuga lanq ke, a soƥik maaga we mbondooxna teen.»

Mace 12:40

Ne Yoona a refit’ina no fud liƥ maak boo a jeg ñaal tadik fo xa yeng den, neene o Ƥeenqe no kiin oxe a refitkaa kam lanq ke boo a jeg ñaal tadik fo xa yeng den.

YEGIL MBAAX NE YEESU ne Lik a bindtuuna 11:10

Oxuu xeɗna a Roog, xan a ci’el, too oxuu waaƭna, xan a ga. Oxuu koŋ-koŋinna, xan a wetanel.

YEGIL MBAAX NE YEESU ne Lik a bindtuuna 22:44

Ne ta naqadiloox’ina, a dakooxa o xeɗ fo daalbe waa ten, too onj le ten kaa fi’’u nen toq fo’oy kaa na yenaa a lanq.]

A pi ake 2:27

yaam xaƴkiro o laaw es ta mooc kam jaaniif, too xaƴkiraamo, mi fee o Tedu xe wo, cer es a mbottik na semb.

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

1 Sami’el 1:16

Ba o ɗeetaam muk, mi fee o ceefeer of, nen o tew o paaxeer. O ga’angaa a qeƭ es a miñit neeke, andi rek ee xeeñ es kaa may muut fo coono fo naqad.»

1 Sami’el 30:6

Dawid a jaq’a lool, yaam yoon we ten kaa mbaajoogun o mbarit a kac. Oxuu refna na den, kam um kaa feƭar’u lool, yaam a xalaataa xa ƥeem. Kaa koy, Dawid a saƭakinooxa no Yaal oxe Roog um,