Yoona 1:6 - NQAARIIT NE ROOG

⁶ Maaga, o aa-adax oxe na kaal ale a matiidaan, a layin ee: «Ndi an oo xene na ɗaanaa? Inooxi, ƴufginoox a roog of! Xeƈa yiif um xan a gom a in, too yaaga i saŋkooxkee.»

Yoona 1:6 Iomraidhean Croise

2 Sami’el 12:22

Dawid a doona a den ee: «Ye o goor ole a maadna o ñoowaa, kaam hooroogu, loolaa, yaam kaam xalaatoogu yee: O leng andee. Xeƈa xan o Yaal oxe a yirmaam boo o goor ole a ñoow.

Esteer 4:16

«Reti o fokat Yaawuur we ndefna kam Suusaan fop, nu ngoor yaam o sagu es. Ba nu ñaam too ba nu yer boo ñaal tadik fo xa yeng den. Mi fo jeefeer we mi xan i ngoor soo um sogkaa o ret maa no maad oxe, ke bargal ke a ci’teeruuna fop oo. Um naagangaa xonkaa rek, um xon.»

A kim a tedu ke 107:6

Maaga, kam naqad den, a ƈufginooxa o Yaal oxe, soo ta sut a den no coono den.

A kim a tedu ke 78:34

Ye Roog a waraa na den, a ngeleerooxa farna fo ten, a nomtooxiid me ten, a mbaaƭan.

Esayi 3:15

An ci’u a nuun nu nduguñaa xeet es soo nduutaa toroxu we? Mi o Yaal oxe na refkaa boo faw Hupna fop layu keene.»

Heseki’el 18:2

«Xar taxu nu layaa o feƭit olene no saax le Isra’el: ‹Paap ke a ñaama a koƥ xa biiñ, ndaa xa ƥiy axe a ñiiñ ake a suumu.›

Yowel 2:11

O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?

Amos 5:15

Kaam ee, nu sib paaxeer, mbex paax, ñaaƴin o cofel no xeloorand ole. Yaaga o Yaal oxe Roog fee Hupna fop a waaga yirimkaa a nuun, nuun yoqatin we no mbind Yoseef.»

Yoona 3:8

Fat wiin we fo cegel ke a nderoox xa saaku. Fat oxuu refna a ƴufginoox a Roog, a fes a cinj a pesoorooƭ a paaxeer um fo a pi a yednu ke ta fi’taa xa ƥay um.

Yoona 3:9

Neene, xeƈa xan Roog a supit pexey, a waas fuux maak le ten, soo a fañ o warnoor a in.»

A pi ake 21:13

ndaa Pool a doona yee: «Xar taxu nu loolaa, yaqaa xeeñ es? Ndax nu andee yee fañiim o humel soom, ndaa jaɓaam o warel Yeerusaleem sax yaam gon le no Yaal oxe Yeesu.»

O leetar ole Pool a bindna GIMU WE NGENNA ROM 13:11

Mbi’yo neene boog, too kaa jolna keene sax, nu anda me jamaane fee a tolooxna. Waxtu fee nu mbarna o yokoox a fadiida. A muc ale a moƴa o matiid a in ndiiki ee ne i ngimit’uuna yaaga.

Efees 5:14

Yaam kuu feeñleena a qool qac, a qoolaand a refataa. Ten taxu ta layeel ee: «Yokooxi, woxe na ɗaanaa, inoox a ndeer no xon we, too xan Kiristaa fee a xoolandong.»